ଭୁବନେଶ୍ୱର,୧୯।୪: ଗୁରୁବାର ଭୁବନେଶ୍ୱରର ମୈତ୍ରୀ ବିହାର ଅଞ୍ଚଳର ଏକ ଗେଷ୍ଟ ହାଉସରୁ ଜଣେ ବ୍ୟବସାୟୀଙ୍କ ମୃତ ଦେହ ଉଦ୍ଧାର ହୋଇଛି। ମୃତକଙ୍କ ନାମ ତପନ ପ୍ରସାଦ ଆଚାର୍ଯ୍ୟ ବୋଲି ଜଣାପଡିଛି। ଘଟଣାକୁ ନେଇ ରହସ୍ୟ ସୃଷ୍ଟି ହୋଇଛି।
ପ୍ରାରମ୍ଭିକ ରିପୋର୍ଟ ଅନୁଯାୟୀ, ଆଚାର୍ଯ୍ୟଙ୍କ ଘର ଫୁଲବାଣୀ ଏବଂ ଶୁଭମ ବାୟୋ-ସିଏନଜି ପିଭି ଲିମିଟେଡ୍ କମ୍ପାନୀର ମାଲିକ ଥିଲେ। ମଙ୍ଗଳବାର ଏକ କର୍ପୋରେଟ୍ ବୈଠକରେ ଯୋଗଦେବା ପାଇଁ ସେ ଭୁବନେଶ୍ୱର ଆସିଥିଲେ ବୋଲି ଜଣାପଡିଛି।
ଆଚାର୍ଯ୍ୟ ମଙ୍ଗଳବାର ଗେଷ୍ଟ ହାଉସରେ ରୁମ୍ ନମ୍ବର ୨୦୨ ରହିଥିଲେ। ତେବେ ଆଚାର୍ଯ୍ୟଙ୍କ ମୃତ୍ୟୁ ପଛର ପରିସ୍ଥିତି ଏବଂ ପ୍ରକୃତ କାରଣ ସ୍ପଷ୍ଟ ହୋଇନାହିଁ।
ସେପଟେ ପୋଲିସ ଆଚାର୍ଯ୍ୟଙ୍କ ମୃତଦେହ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲକୁ ପଠାଇଛି। ପୋଷ୍ଟମର୍ଟମ ପରେ ବ୍ୟବସାୟୀଙ୍କ ମୃତ୍ୟୁକୁ ନେଇ ରହସ୍ୟ ସ୍ପଷ୍ଟ ହୋଇଯିବ ବୋଲି ଆଶା କରାଯାଉଛି। ସୂଚନା ପାଇବା ପରେ ମୃତ ବ୍ୟବସାୟୀଙ୍କ ପରିବାର ସଦସ୍ୟ ଭୁବନେଶ୍ୱରରେ ପହଞ୍ଚିଥିବା ଜଣାଯାଇଛି।