ନୂଆଦିଲ୍ଲୀ,୧।୨: ଭାରତର ପ୍ରମୁଖ ଆର୍ଥିକ ଓ ବାଣିଜ୍ୟିକ ସହରଗୁଡ଼ିକୁ ଯୋଡିବା ପାଇଁ ବଡ ଘୋଷଣା କରିଛନ୍ତି କେନ୍ଦ୍ର ସରକାର। ଏସଓ ସହରକୁ ଯୋଗାଯୋଗକୁ ସୁଦୃଢ଼ କରିବା ପାଇଁ ଅର୍ଥମନ୍ତ୍ରୀ ନିର୍ମଳା ସୀତାରମଣ ବଜେଟ୍ରେ ୭ଟି ନୂତନ ହାଇସ୍ପିଡ୍ ରେଳ କରିଡରର ପ୍ରସ୍ତାବ ରଖିଛନ୍ତି। ପରିବେଶ ଅନୁକୂଳ ଏବଂ ଦ୍ରୁତ ପରିବହନ ବ୍ୟବସ୍ଥାକୁ ପ୍ରୋତ୍ସାହନ ଦେବା ଲକ୍ଷ୍ୟରେ ଏହି କରିଡରଗୁଡ଼ିକୁ ‘ଗ୍ରୋଥ୍ କନେକ୍ଟର’ ଭାବେ ବିକଶିତ କରାଯିବ।
ନୂତନ ଭାବେ ଘୋଷଣା ହୋଇଥିବା ୭ଟି ରୁଟ୍:
୧. ମୁମ୍ବାଇ – ପୁଣେ ୨. ପୁଣେ – ହାଇଦ୍ରାବାଦ ୩. ହାଇଦ୍ରାବାଦ – ବେଙ୍ଗାଲୁରୁ ୪. ହାଇଦ୍ରାବାଦ – ଚେନ୍ନାଇ ୫. ଚେନ୍ନାଇ – ବେଙ୍ଗାଲୁରୁ ୬. ଦିଲ୍ଲୀ – ବାରାଣସୀ ୭. ବାରାଣସୀ – ଶିଲିଗୁଡ଼ି
ଏହି ହାଇସ୍ପିଡ୍ ଟ୍ରେନ୍ ଯୋଗୁଁ ସହରଗୁଡ଼ିକ ମଧ୍ୟରେ ଯାତ୍ରା ସମୟ ବହୁମାତ୍ରାରେ ହ୍ରାସ ପାଇବ। ଏହା କମ୍ କାର୍ବନ ନିର୍ଗମନ ସହ ଏକ ସ୍ଥାୟୀ ପରିବହନ ବିକଳ୍ପ ପ୍ରଦାନ କରିବ।ଦେଶର ବୈଷୟିକ କେନ୍ଦ୍ର, ଆର୍ଥିକ ହବ୍ ଏବଂ ଉତ୍ପାଦନ କେନ୍ଦ୍ରଗୁଡ଼ିକୁ ଯୋଡ଼ିବା ଦ୍ୱାରା ଆଞ୍ଚଳିକ ବିକାଶ ତ୍ୱରାନ୍ୱିତ ହେବ।
ଏହି ପ୍ରକଳ୍ପ ଦ୍ୱାରା ଦେଶର ଦ୍ରୁତ ବିକାଶ ହେଉଥିବା ସହରଗୁଡ଼ିକ ପରସ୍ପର ସହ ଅତି ସହଜରେ ଯୋଡ଼ି ହୋଇପାରିବେ ବୋଲି ଅର୍ଥମନ୍ତ୍ରୀ କହିଛନ୍ତି।
