ଚିତ୍ରକୋଣ୍ଡା,୨୧ା୧୨(ଡି.ଏନ.ଏ.): ମାଲକାନଗିରି ଜିଲା ଚିତ୍ରକୋଣ୍ଡା ବ୍ଲକ ସ୍ବାଭିମାନ ଅଞ୍ଚଳର ଯନ୍ତ୍ରୀ ଓ ଯୋଡ଼ାମ୍ବ ପଞ୍ଚାୟତକୁ ବିଏସ୍ଏଫ୍ ଏଡ଼ିଜି ଅନୁରାଗ ଗର୍ଜ ଗସ୍ତ କରି ମାଓବାଦୀ ଦମନ ନେଇ ଅଧିକାରୀମାନଙ୍କ ସହ ଆଲୋଚନା କରି ସମୀକ୍ଷା କରିଛନ୍ତି। ଏଡିଜି ଗର୍ଜଙ୍କ ଏହା ମାଲକାନଗିରି ଜିଲା ସ୍ବାଭିମାନ ଅଞ୍ଚଳ ପ୍ରଥମ ଗସ୍ତ। ମଙ୍ଗଳବାର ପୂର୍ବାହ୍ନ ସାଢେ ୧୧ଟାରେ ସେ ଏକ ସ୍ବତନ୍ତ୍ର ହେଲିକପ୍ଟର ଯୋଗେ ଯନ୍ତ୍ରୀଠାରେ ଥିବା ବିଏସ୍ଏଫ୍ କ୍ୟାମ୍ପ ହେଲିପ୍ୟାଡରେ ପହଞ୍ଚତ୍ଥିଲେ। ସେଠାରେ ନବମ ବାଟାଲିୟନ ପକ୍ଷରୁ ଏଡିଜିଙ୍କୁ ସ୍ବାଗତ କରାଯାଇଥିଲା। ମାଓବାଦୀ ଦମନ ନେଇ ଏଡିଜି ଗର୍ଗ ଯନ୍ତ୍ରୀ ବିଏସ୍ଏଫ୍ କ୍ୟାମ୍ପରେ ରଣନୀତି ପ୍ରସ୍ତୁତ କରିବା ସହ ବିଏସ୍ଏଫ୍ର ବରିଷ୍ଠ ଅଧିକାରୀମାନଙ୍କ ସହ ଆଲୋଚନା କରିଥିଲେ। ଏହି ଆଲୋଚନାରେ ବିଏସ୍ଏଫ ଆଇଜି ଡିକେ ଶରଣ, ଡିଆଇଜି (ଅପରେଶନ) ଆଖିଲେଶ୍ୱର ସିଂ, ଡିଆଇଜି ଗୋଇନ୍ଦା ବିପୁଳ ବୀର ଗୁସେନ, ବିଏସ୍ଏଫ୍ ଆଇଜି ଏସ.କେ. ସିହ୍ନା ଅଂଶଗ୍ରହଣ କରିଥିଲେ। ପରେ ଏଡିଜି ଯନ୍ତ୍ରୀ ଓ ଜନ୍ତାବାଇ କ୍ୟାମ୍ପରେ କାର୍ଯ୍ୟରତ ଯବାନଙ୍କ ସହ ମିଶି ସେମାନଙ୍କ ସମସ୍ୟା ସମ୍ପର୍କରେ ପଚାରି ବୁଝିଥିଲେ। ପଞ୍ଚାୟତର ଲୋକଙ୍କ ସହ ମଧ୍ୟ ଏହି ଅବସରରେ ସେ ଆଲୋଚନା କରିଥିଲେ।
