ନିରାକାରପୁର,୧୩ା୩(ମାନସ ଚନ୍ଦ୍ର ପଟ୍ଟନାୟକ): ରାତିରେ ସମସ୍ତେ ଘରେ ଶୋଇଥିବା ସମୟରେ ଗ୍ରୀଲ୍ ଭାଙ୍ଗି କେହି ଦୁର୍ବୃତ୍ତ ଲକ୍ଷାଧିକ ଟଙ୍କା ସମେତ ସୁନା ଅଳଙ୍କାର ଲୁଟ୍ କରି ନେଇଥିବା ନେଇ ନିରାକାରପୁର ଥାନାରେ ଲିଖିତ ଅଭିଯୋଗ ହୋଇଛି। ଏଭଳି ଅଭିଯୋଗ କରିଛନ୍ତି ଖୋର୍ଦ୍ଧା ଜିଲା ନିରାକାରପୁରଥାନା ରାମେଶ୍ୱର ପଞ୍ଚାୟତ ଅଧିନସ୍ଥ ମଧୁବନ-ତଳସାହିର ବୀର ରଣସିଂ। ତାଙ୍କ ଅଭିଯୋଗ ଅନୁଯାୟୀ, ରିବାରବର୍ଗ ମଙ୍ଗଳବାର ରାତିରେ ଖାଇପିଇ ଶୋଇଥିବା ଅବସ୍ଥାରେ କେହି ଦୁର୍ବୃତ୍ତ ଗ୍ରୀଲ୍ ଭାଙ୍ଗି ଟ୍ରଙ୍କରେ ଥିବା ନଗଦ ୧ଲକ୍ଷ ଟଙ୍କା ଓ ସୁନା ଅଳଙ୍କାର ଲୁଟି ନେଇଥିବା ନେଇ ଚତୁଃପାର୍ଶ୍ୱ ଖୋଜାଖୋଜି କରିଥିଲେ। ବହୁ ଖୋଜାଖୋଜି ପରେ ସ୍ଥାନୀୟ ଗହିର ବିଲରେ ଟ୍ରଙ୍କଟି ଖୋଲା ହୋଇପଡ଼ିଛି। ସେଥିରେ ଟଙ୍କା କିମ୍ବା ଗହଣା ନ ଥିବା ବେଳେ କେବଳ ଲୁଗାପଟା ଖେଳେଇ ହୋଇ ପଡ଼ିଥିବା ଦେଖିବାକୁ ପାଇ ଥାନାରେ ଲିଖିତ ଅଭିଯୋଗ କରିଛନ୍ତି। ଖବରପାଇ ଘଟଣାସ୍ଥଳରେ ନିରାକାରପୁର ଥାନା ଅଧିକାରୀ ବିଶ୍ୱଜିତ୍ ରାଉତରାୟ ପହଞ୍ଚି ଛାନ୍ଭିନ୍ ଆରମ୍ଭ କରିଛନ୍ତି।
