ଆଶୀର୍ବାଦ ଯୋଜନା ପାଇଁ ଲାଞ୍ଚ

ନୟାଗଡ଼ ଅଫିସ,୨୭।୧୦: ଲାଞ୍ଚ ନ ଦେଲେ ଆଶୀର୍ବାଦ ଯୋଜନାରେ ନାମ ତାଲିକାଭୁକ୍ତ କରାଯାଉନାହିଁ। ଦାୟିତ୍ୱରେ ଥିବା କର୍ମଚାରୀଙ୍କୁ ୧ ହଜାର ଟଙ୍କା ନ ଦେଲେ ଦରଖାସ୍ତକୁ ଫେରାଇ ଦେଉଛନ୍ତି। ଯଦି କେହି ବାଧ୍ୟ କରି ଦରଖାସ୍ତ ଦେଉଛନ୍ତି ତାକୁ ଫିଙ୍ଗି ଦିଆଯାଉଥିବା ଅଭିଯୋଗ ହୋଇଛି। ନୟାଗଡ଼ ଜିଲା ଶିଶୁ ସୁରକ୍ଷା ୟୁନିଟି କାର୍ଯ୍ୟାଳୟରେ ଏପରି ଚାଲିଛି ବୋଲି ସୋମବାର ସୁରକ୍ଷା ଅଧିକାରୀ(ଆନୁଷ୍ଠାନିକ ଯନତ୍)ଙ୍କ ବିରୋଧରେ ଜିଲାପାଳଙ୍କ ନିକଟରେ ଅଭିଯୋଗ କରାଯାଇଛି। ତଦନ୍ତ କରି ସତ୍ୟ ଉନ୍ମୋଚନ କରିବା ସହ ଦୋଷୀ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଭିଯୋଗକାରୀ ନିବେଦନ କରିଛନ୍ତି।
ସୂଚନା ଅନୁଯାୟୀ, କରୋନାରେ ବାପା,ମାଙ୍କୁ ହରାଇଥିବା ପରିବାରର ୧୮ ବର୍ଷ ବୟସ ପର୍ଯ୍ୟନ୍ତ ପିଲାମାନଙ୍କୁ ଆଶୀର୍ବାଦ ଯୋଜନାରେ ସାମିଲ କରିବା ପାଇଁ ସରକାର ବ୍ୟବସ୍ଥା କରିଛନ୍ତି। ଏଥିରେ ସାମିଲ ହିତାଧିକାରୀ ମାସିକ ୧୫ ଶହ ଟଙ୍କା ଭତ୍ତା ପାଇବାର ବ୍ୟବସ୍ଥା ରହିଛି। ଏହି ଯୋଜନା ଏପ୍ରିଲ ୨୦୨୦ରୁ ଆରମ୍ଭ ହୋଇ ୧୫ ସେପ୍ଟେମ୍ବର ୨୦୨୧ ପର୍ଯ୍ୟନ୍ତ ବଳବତ୍ତର ରହିଛି। ଏନେଇ ଜିଲା ସୁରକ୍ଷା ୟୁନିଟ୍‌ରେ ନାମ ପଞ୍ଜିକରଣ କରିବାର ବ୍ୟବସ୍ଥା ହୋଇଛି। ହେଲେ ଦାୟିତ୍ୱରେ ଥିବା କେତେଜଣ କର୍ମଚାରୀଙ୍କ ଲାଞ୍ଚଖୋର ମନୋଭାବ ଯୋଗୁ ହିତାଧିକାରୀମାନେ ଚିନ୍ତାରେ ପଡିଛନ୍ତି। ଏ ସଂକ୍ରାନ୍ତରେ ନୂଆଗଁା ବ୍ଲକ ମହିପୁର ନିକଟସ୍ଥ ଆଡିପଡ଼ା ଗଁାର ବିନ ନାୟକ କୁହନ୍ତି, ମୋ ସ୍ତ୍ରୀ କରୋନାରେ ଆକ୍ରାନ୍ତ ହୋଇ କଟକ ବଡ଼ ମେଡିକାଲରେ ଚିକିସତ୍ିତ ହେଉଥିଲେ। ଅଗଷ୍ଟ ୮ରେ ତାଙ୍କର ପରଲୋକ ଘଟିଲା। ମୋର ଗୋଟିଏ ଝିଅ ଅଛି। ସରକାରଙ୍କ ଆଶୀର୍ବାଦ ଯୋଜନାରେ ଝିଅର ନାମକୁ ସାମିଲ କରିବାକୁ ମୁଁ ଜିଲା ଶିଶୁ ସୁରକ୍ଷା ୟୁନିଟ୍‌ କାର୍ଯ୍ୟାଳୟରେ ଫର୍ମ ପକାଇବାକୁ ଯାଇଥିଲି। ସେଠାରେ ଜିଲା ଶିଶୁ ସୁରକ୍ଷା ୟୁନିଟ୍‌ ଅଫିସର ସୁରକ୍ଷା ଅଧିକାରୀ(ଆନୁଷ୍ଠାନିକ ଯନତ୍) ସତ୍ୟ ରଞ୍ଜନ ଦାସ ମୋତେ ୧ ହଜାର ଟଙ୍କା ଲାଞ୍ଚ ମାଗିଲେ। ଟଙ୍କା କାହିଁକି ଦେବି ପଚାରିବାରୁ କହିଥିଲେ ତୁମ କାମ ହେବନାହିଁ। ମୁଁ ଦେଇଥିବା ଦରଖାସ୍ତ ମୋ ଠାରୁ ନେଇ ଠିକ୍‌ ନାହିଁ କହି ଫିଙ୍ଗି ଦେଲେ। ପରେ ପୁଣି ସଂଶୋଧନ କରି ଦେଲି ତାହା ଫେରାଇ ଦେଲେ। ମୁଁ ମୋ ନାମ କେବଳ ଦସ୍ତଖତ କରିପାରେ। ମୋତେ ଲେଖାପଢ଼ା ଆସେ ନାହିଁ। ମୋ ପରି ଗରିବ ଲୋକକୁ ଅପମାନ କରି ତଡି ଦେବାରୁ ମୁଁ ଜିଲାପାଳଙ୍କ ନିକଟରେ ଅଭିଯୋଗ କରିଛି। ମୋ ଝିଅକୁ ଆଶୀର୍ବାଦ ଯୋଜନାରେ ସାମିଲ କରିବାକୁ ଅନୁରୋଧ କରିଛି ବୋଲି କହି ସେ କାନ୍ଦି ପକାଇଥିଲେ।
ସେହିପରି ଜଣେ ମହିଳା ନିଜ ନାମ ଗୋପନ ରଖି କହିଛନ୍ତି, ଆଶୀର୍ବାଦ ଯୋଜନାରେ ୧ ହଜାର ଟଙ୍କା ଲାଞ୍ଚ ନ ଦେଲେ ଦରଖାସ୍ତ ଗ୍ରହଣ କରାଯାଉ ନ ଥିବା ଅଭିଯୋଗର ସତ୍ୟତା ଅଛି। ବାରମ୍ବାର ଏପରି ଅଭିଯୋଗ ସାମ୍‌ନାକୁ ଆସୁଛି। ବିଭିନ୍ନ ବାହାନା କରି ଦାୟିତ୍ୱରେ ଥିବା କର୍ମଚାରୀମାନେ ଲାଞ୍ଚ ନେଉଛନ୍ତି। ଅଭିଯୋଗ କଲେ ସୁଫଳ ମିଳୁ ନ ଥିବାରୁ ମୁଁ ୧ ହଜାର ଲାଞ୍ଚ ଦେଇ ମୋ ପୁଅ ନାମରେ ୧୫୦୦ ଟଙ୍କା ଭତ୍ତା ମଞ୍ଜୁର କରାଇଛି ବୋଲି ସେ କହିଛନ୍ତି। ଜିଲା ଶିଶୁ ସୁରକ୍ଷା ୟୁନିଟ୍‌ ଅଫିସର ସୁରକ୍ଷା ଅଧିକାରୀ(ଆନୁଷ୍ଠାନିକ ଯନତ୍) ସତ୍ୟ ରଞ୍ଜନ ଦାସ କୁହନ୍ତି, ମୁଁ କେବେ କାହାକୁ ଲାଞ୍ଚ ମାଗିନି। ଆଡିପଡାର ଯେଉଁ ବ୍ୟକ୍ତି ଅଭିଯୋଗ କରିଛନ୍ତି ସେଥିରେ ସତ୍ୟତା ନାହିଁ। ମୋତେ କାହିଁକି ସେ ଫସାଇବାକୁ ଉଦ୍ୟମ କରୁଛନ୍ତି ଜାଣିପାରୁ ନାହିଁ ବୋଲି ସେ କହିଛନ୍ତି। ସମ୍ପୃକ୍ତ ବ୍ୟକ୍ତି ଆସି ଆଶୀର୍ବାଦ ଯୋଜନାରେ ମୋ ଝିଅର ନାମ କାହିଁକି ସାମିଲ ହୋଇନି ବୋଲି ପଚାରିଥିଲେ। ଜଣେ ଓକିଲଙ୍କ ଜରିଆରେ କାଗଜପତ୍ର ଦେଇଥିବା କହିଥିଲେ। ବିନ ନାହାକଙ୍କ ନାମରେ ଦରଖାସ୍ତ ପାଇ ନ ଥିବା କହିବା ପରେ ସେ ପୁଣି ଦରଖାସ୍ତ ଦେଇଥିଲେ। ହେଲେ ଦରଖାସ୍ତରେ ପ୍ରମାଣପତ୍ର ନ ଥିଲା। ଏଣୁ ଦରଖାସ୍ତ ରଖା ଯାଇ ନ ଥିଲା। ଲାଞ୍ଚ ନ ଦେବାରୁ ଦରଖାସ୍ତ ଫେରାଇବା ଅଭିଯୋଗ ଠିକ୍‌ ନୁହେଁ। ଏହି ଯୋଜନାରେ ଜିଲାରେ ୬୩୦ ଜଣ ସାମିଲ ହୋଇ ସାରିଲେଣି ବୋଲି ସେ କହିଛନ୍ତି। ଜିଲା ଶିଶୁ ସୁରକ୍ଷା ୟୁନିଟ୍‌ ଅଧିକାରୀ ଉପେନ୍ଦ୍ର ନାଥ ବଡଜେନା କୁହନ୍ତି ଆଶୀର୍ବାଦ ଯୋଜନାରେ ୧ ହଜାର ଲାଞ୍ଚ ନିଆଯାଉଥିବା କଥା ମୁଁ ଜାଣିନି। ଲାଞ୍ଚ ଅଭିଯୋଗ ଉଠିଥିବାରୁ ଘଟଣାର ତଦନ୍ତ କରାଯିବ ବୋଲି ସେ କହିଛନ୍ତି। ଜିଳାପାଳ ପୋମା ଟୁଡୁ କୁହନ୍ତି, ଲାଞ୍ଚ ଅଭିଯୋଗର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।


Enter your email to get our daily news in your inbox.

All Right Reserved By Dharitri.Com

ଆଇଡି ବିସ୍ଫୋରଣ ପରେ ସର୍ଚ୍ଚ ଅପରେଶନ ଜୋର୍‌ଦାର

ମାଲକାନଗିରି,୧୮।୭(ଦୁର୍ଯ୍ୟୋଧନ ପାତ୍ର): ମାଲକାନଗିରି ଜିଲା ସୀମାନ୍ତ ଛତିଶଗଡ଼ ବିଜାପୁର ଜିଲାରେ ଗୁରୁବାର ଆଇଡି ବିସ୍ପୋରଣ ଘଟି ୨ଜଣ ଯବାନ ଶହୀଦ ହୋଇଥିବା ବେଳେ ୪ଜଣ ଯବାନ...

ସିଏମଓରୁ ହଟିଲେ ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ସଚିବ, ଏବେ ଏହି ବିଭାଗର ଦାୟିତ୍ୱରେ ରହିବେ

ଭୁବନେଶ୍ୱର,୧୮।୭: ସିଏମଓରୁ ହଟିଲେ ଆଇଏଏସ ରୁପାରୋଶନ ସାହୁ। ଗୁରୁବାର ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ସଚିବ ଥିବା ରୁପାରୋଶନଙ୍କ ବଦଳି ହୋଇଛି। ତାଙ୍କୁ ଏସସି/ଏସଟି ଉନ୍ନୟନ ବିଭାଗ କମିଶନର...

ସୃଷ୍ଟି ହେଲା ଲଘୁଚାପ; ସତର୍କ ରହିବାକୁ ଜିଲ୍ଲାପାଳଙ୍କୁ କହିଲେ ସ୍ୱତନ୍ତ୍ର ରିଲିଫ୍ କମିଶନର

ନୂଆଦିଲ୍ଲୀ,୧୮।୭: ବଙ୍ଗୋପସାଗରରେ ଦୁଇଟି ଲଘୁଚାପ ସୃଷ୍ଟି ହେବା ପରେ ଏହାଦ୍ୱାରା ପ୍ରଭାବିତ ହେବାକୁ ଥିବା ୧୪ ଜିଲାର ଜିଲାପାଳଙ୍କୁ ସତର୍କ ରହିବାକୁ ପରାମର୍ଶ ଦେଇଛନ୍ତି ସ୍ୱତନ୍ତ୍ର...

ଭିତର ରତ୍ନଭଣ୍ଡାରରେ କ’ଣ ଅଛି? ବାହାରକୁ ଆସିବା ପରେ ତଦାରଖ କମିଟି ଅଧ୍ୟକ୍ଷ ଜଷ୍ଟିସ ବିଶ୍ବନାଥ ରଥ ଦେଲେ ବଡ଼ ସୂଚନା

ଜଷ୍ଟିସ ବିଶ୍ବନାଥ ରଥ ବଡ଼ ସୂଚନା ଦେଇଛନ୍ତି। ସେ କହିଛନ୍ତି, ସଂପୂର୍ଣ୍ଣ ଅଳଙ୍କାର ସ୍ଥାନାନ୍ତରଣ କରିବା ପାଇଁ ସାଢ଼େ ୭ ଘଣ୍ଟା ଲାଗିଲା। ସକାଳ ୯ଟା...

ବାଇକ୍‌କୁ ଚାପି ଦେଲା ଟ୍ରକ: ଚାଲିଗଲା ୨ଯୁବକଙ୍କ ଜୀବନ

ଢେଙ୍କାନାଳ,୧୮।୭: ଢେଙ୍କାନାଳ ଜିଲା ୫୫ ନମ୍ବର ଜାତୀୟ ରାଜପଥ ମୋଟଙ୍ଗା ଥାନା ଚିନ୍ତାପୋଖରୀ ନିକଟରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି। ଏକ ଟ୍ରକ ବାଇକ୍‌କୁ ପଛପଟୁ...

ସ୍ନେକ ହେଲ୍ପଲାଇନ ସଦସ୍ୟ ଶୁଭେନ୍ଦୁ ମଲ୍ଲିକ ଦେଲେ ବଡ଼ ସୂଚନା: ଭିତର ରତ୍ନଭଣ୍ଡାରରେ…

ପୁରୀ,୧୮।୭: ଶ୍ରୀମନ୍ଦିର ଭିତର ରତ୍ନଭଣ୍ଡାର ଦ୍ୱିତୀୟ ଥର ପାଇଁ ଖୋଲିଛି। ରତ୍ନଭଣ୍ଡାର କମିଟି ଅଧ୍ୟକ୍ଷ ଜଷ୍ଟିସ ବିଶ୍ୱନାଥ ରଥଙ୍କ ସହ ଶ୍ରୀମନ୍ଦିର ପ୍ରଶାସକ ଅରବିନ୍ଦ ପାଢୀଙ୍କ...

ଯୁବତୀଙ୍କ ମୁଣ୍ଡରେ ଛୁଞ୍ଚି ଫୁଟାଇଲେ ତାନ୍ତ୍ରିକ, ସାମ୍ନାକୁ ଆସିଲା ଖବର, ଆଉ ତା’ ପରେ…

ବଲାଙ୍ଗୀର,୧୮ା୭(ସୁନୀଲ କୁମାର ମହାନ୍ତି): ବଲାଙ୍ଗୀର ଜିଲା ସିନ୍ଧେକେଲା ଥାନା ଇଚଗାଁରେ ଗୁଣିଗାରେଡ଼ିରେ ଜଣେ ଯୁବତୀ ଗୁରୁତର ହୋଇ ହସ୍ପିଟାଲରେ ଭର୍ତ୍ତି ହୋଇଥିବା ଜଣାପଡ଼ିଛି। ଯୁବତୀଙ୍କ ବାରମ୍ବାର...

ବିଜେଡିର ଛାୟା କ୍ୟାବିନେଟକୁ ନେଇ ସମୀରଙ୍କ ତେର୍ଚ୍ଛାବାଣ, କହିଲେ ନବୀନ ବାବୁ…

ଭୁବନେଶ୍ୱର,୧୮।୭: ବିଜେଡିର ଛାୟା କ୍ୟାବିନେଟ ଗଠନକୁ ନେଇ ନବୀନ ପଟ୍ଟନାୟକଙ୍କୁ ପୂର୍ବତନ ମନ୍ତ୍ରୀ ସମୀର ଦାଶ ଟାର୍ଗେଟ୍‌ କରିଛନ୍ତି। ସେ କହିଛନ୍ତି, ନବୀନ ସରକାରରେ ମନ୍ତ୍ରୀଙ୍କୁ...

Advertisement
Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri