ବେଜିଂ,୧୧।୭ : ଦେଶରେ ଭିତ୍ତିଭୂମି ନିର୍ମାଣ ପାଇଁ ବିବାଦୀୟ ବେଲ୍ଟ ଏବଂ ରୋଡ ଇନିସିଏଟିଭ ଅଧୀନରେ ଚାଇନା ସରକାର ଘୋଷଣା କରିଥିବା ପ୍ରକଳ୍ପର ଶୀଘ୍ର ସମାପ୍ତି ପାଇଁ ନେପାଳ ଏବଂ ଚାଇନା ମଙ୍ଗଳବାର ଏକ ଚୁକ୍ତି କରିଛନ୍ତି। ୨୦୧୮ ଏବଂ ୨୦୧୯ରେ ଚାଇନା ସରକାର ବେଲ୍ଟ ଏବଂ ରୋଡ ଇନିସିଏଟିଭ ଅଧୀନରେ ନେପାଳରେ ଅନେକ ପ୍ରକଳ୍ପ ଆରମ୍ଭ କରିବାକୁ ଘୋଷଣା କରିଥିଲେ।
ନେପାଳର ଜାତୀୟ ଯୋଜନା ଆୟୋଗର ଉପାଧ୍ୟକ୍ଷ ଡ. ମିନ ବାହାଦୂର ଶ୍ରେଷ୍ଠ ଏବଂ ଚାଇନା ଜାତୀୟ ବିକାଶ ଏବଂ ସଂସ୍କାର ଆୟୋଗର ଉପାଧ୍ୟକ୍ଷ ଚୋଙ୍ଗ ଲିଆଙ୍ଗଙ୍କ ମଧ୍ୟରେ ଏକ ବୈଠକରେ ଏହି ଚୁକ୍ତିନାମା ସ୍ବାକ୍ଷର ହୋଇଛି।
ଗୁରୁତ୍ୱପୂର୍ଣ୍ଣ ସଂଯୋଗୀକରଣ ପ୍ରକଳ୍ପଗୁଡ଼ିକୁ ତ୍ୱରାନୱିତ କରିବା ଉପରେ ଗୁରୁତ୍ୱାରୋପ କରାଯାଇଛି। ଏକ ରିପୋର୍ଟ ଅନୁଯାୟୀ, ଚାଇନା ସରକାର ଘୋଷଣା କରିଥିବା ବିଭିନ୍ନ କାର୍ଯ୍ୟକ୍ରମ ଏବଂ ପ୍ରକଳ୍ପର କାର୍ଯ୍ୟକାରିତା ଉପରେ ଉଭୟ ପକ୍ଷ ଆଲୋଚନା କରିଛନ୍ତି ଏବଂ ପୂର୍ବ ଯୋଜନା ଅନୁଯାୟୀ ପ୍ରମୁଖ ସଂଯୋଗ ପ୍ରକଳ୍ପକୁ ତ୍ୱରାନୱିତ କରିବାକୁ କହିିଛନ୍ତି।
ବେଜିଂରେ ଅନୁଷ୍ଠିତ ବୈଠକରେ ନେପାଳ ଏବଂ ଚାଇନା ସରକାରଙ୍କ ଦ୍ୱାରା କରାଯିବାକୁ ଥିବା କାର୍ଯ୍ୟ ଉପରେ ଉଭୟ ପକ୍ଷ ବିସ୍ତୃତ ଆଲୋଚନା କରିଥିଲେ। ନେପାଳ ସହିତ ସମ୍ପର୍କକୁ ମଜବୁତ କରିବା ପାଇଁ ଚାଇନା ସେଠାରେ ବିପୁଳ ପୁଞ୍ଜି ବିନିଯୋଗ କରୁଛି ।