ହରାରେ,୧୩।୯: ଜିମ୍ବାୱେର ତାରକା କ୍ରିକେଟର ବ୍ରେଣ୍ଡନ ଟେଲର କ୍ରିକେଟକୁ ଅଲବିଦା କହିଛନ୍ତି। ଫଳରେ ତାଙ୍କର ୧୭ ବର୍ଷର କ୍ରିକେଟ୍ କ୍ୟାରିଅରର ଅନ୍ତ ଘଟିଛି। ୩୪ ବର୍ଷୀୟ ପୂର୍ବତନ ଅଧିନାୟକ ତଥା ଜିମ୍ବାୱେର ସବୁଠାରୁ ଚର୍ଚ୍ଚିତ କ୍ରିକେଟର ଟେଲର ସୋମବାର ଆୟର୍ଲାଣ୍ଡ ବିପକ୍ଷରେ ଖେଳିବେ। ୨୦୦୪ ରେ ସେ ଆନ୍ତର୍ଜାତୀୟ ସ୍ତରରେ ଡେବ୍ୟୁ କରିଥିଲେ ଏବଂ ଖୁବ ଶୀଘ୍ର ସେ ଜିମ୍ବାୱେ ଦଳର ଏକ ଗୁରୁତ୍ୱପୂର୍ଣ୍ଣ ଖେଳାଳି ହୋଇଥିଲେ। ୦ ସହିତ ଅନ୍ତର୍ଜାତୀୟ ଡେବ୍ୟୁ କରିଥିବା ଟେଲର, ୨୦୪ଟି ଦିନିକିଆ ମ୍ୟାଚରେ ୬ ହଜାର ୬୭୭ ରନ କରିଛନ୍ତି। ତାଙ୍କ ନାମରେ ୧୧ଟି ଶତକ ଏବଂ ୩୯ ଅର୍ଦ୍ଧଶତକ ଅଛି। ସେ ୩୪ଟି ଟେଷ୍ଟ ମ୍ୟାଚ ରେ ୨ ହଜାର ୩୨୦ ରନ କରିଛନ୍ତି। ଏଥିରେ ୬ ଶତକ ଏବଂ ୧୨ ଅର୍ଦ୍ଧଶତକ ଅନ୍ତର୍ଭୁକ୍ତ। ସେ ସୋସିଆଲ ମିଡିଆରେ ଅବସର ବିଷୟରେ ସୂଚନା ଦେଇଥିଲେ। ସେ ଲେଖିଛନ୍ତି ଯେ ମୁଁ ଭାରି ହୃଦୟରେ ଘୋଷଣା କରୁଛି ଯେ, ଆସନ୍ତାକାଲି (ସୋମବାର) ମୋ ଦେଶ ପାଇଁ ମୋର ଶେଷ ମ୍ୟାଚ। ମୋର ଲକ୍ଷ୍ୟ ସର୍ବଦା ଦଳକୁ ଏକ ଉନ୍ନତ ସ୍ଥିତିରେ ଛାଡିବା। ୨୦୧୫ ବିଶ୍ୱକପରେ ଜିମ୍ବାୱେ ପାଇଁ ଟେଲର ସର୍ବାଧିକ ରନ ସଂଗ୍ରହ କରିଥିଲେ।
ତାଙ୍କ ବ୍ୟାଟ ପ୍ରାୟତଃ ଭାରତ ବିପକ୍ଷରେ ଚାଲେ ସେ ଭାରତୀୟ ବୋଲରମାନଙ୍କୁ ଜବରଦସ୍ତ ପ୍ରହାର କରିବାକୁ କୌଣସି ସୁଯୋଗ ଛାଡି ନାହାଁନ୍ତି। ମେ ୨୦୧୦ରେ ଭାରତ ବିପକ୍ଷରେ ୮୧ ସ୍କୋର କରିଥିଲେ। ତା’ପରେ ଜୁନ ୨୦୧୦ ରେ ଭାରତ ବିପକ୍ଷରେ ୭୪ ରନ ଇନିଂସ ଖେଳିଥିଲା। ସେ ୨୦୧୫ ରେ ଅକଲ୍ୟାଣ୍ଡରେ ଭାରତ ବିପକ୍ଷରେ ୧୩୮ ରନ ସ୍କୋର କରିଥିଲେ।
