ରିଓ,୧।୧୧: ଜି -୨୦ ଶିଖର ସମ୍ମିଳନୀ ବିଷୟରେ ବ୍ରାଜିଲର ରାଷ୍ଟ୍ରପତି ଜାୟର ବୋଲସନାରୋଙ୍କୁ ପ୍ରଶ୍ନ କରିବା ଜଣେ ଖବରଦାତାଙ୍କୁ ମହଙ୍ଗା ପଡିଛି। ପ୍ରଶ୍ପ ପଚାରିବା ପାଇଁ ସମ୍ପୃକ୍ତ ଖବରଦାତାଙ୍କୁ ସୁରକ୍ଷାକର୍ମୀଙ୍କଠାରୁ ପ୍ରବଳ ମାଡ ଖାଇବାକୁ ପଡିଛି। ପରେ ଖବରଦାତା ସୁରକ୍ଷା କର୍ମୀଙ୍କ ନାଁ ହିଂସା ଅଭିଯୋଗ ଆଣିିଛନ୍ତି। ରିପୋର୍ଟ ଅନୁଯାୟୀ, ଜି -୨୦ ଶିଖର ସମ୍ମିଳନୀରେ ଯୋଗ ନ ଦେବାର କାରଣ ଖବରଦାତା ଜଣଙ୍କ ରାଷ୍ଟ୍ରପତି ବୋଲସନାରୋଙ୍କଠାରୁ ଜାଣିବାକୁ ଚେଷ୍ଟା କରିବା ମାତ୍ରେ ସେଠାରେ ଉପସ୍ଥିତ ଥିବା ସୁରକ୍ଷା କର୍ମୀମାନେ ରାଗିଯାଇ ଖବରଦାତାଙ୍କ ଉପରକୁ ଆକ୍ରମଣ କରିଥିଲେ। ଏହି ଆକ୍ରମଣର ଜବାବ ଦେଇ ରାଷ୍ଟ୍ରପତି ବୋଲସନାରୋ କହିଛନ୍ତି, ଏହି ଖବରଦାତା ଜଣଙ୍କ ଦୀର୍ଘ ଦିନ ଧରି ମୋ ସହ ଖରାପ ବ୍ୟବହାର କରିଆସୁଛନ୍ତି ଏବଂ ମିଥ୍ୟା ଖବର ମଧ୍ୟ ଚଳାଉଛନ୍ତି। ଏହି ଉପାୟରେ ଆପଣ ଜଣେ ବ୍ୟକ୍ତିର ଭାବମୂର୍ତ୍ତିକୁ କ୍ଷୁର୍ଣ୍ଣ କରିପାରିବେ ନାହିଁ। ଜି -୨୦ ଘଟଣାର ଭିଡିଓ ମଧ୍ୟ ଭୁଲ ଭାବରେ ପରିବେଶନ ହୋଇଛି ଏବଂ ଏଥିରେ କୌଣସି ସତ୍ୟତା ନାହିଁ। ଏହା କି ପ୍ରକାର ସାମ୍ବାଦିକତା ବୋଲି ରାଷ୍ଟ୍ରପତି ପ୍ରଶ୍ନ କରିଛନ୍ତି।
ସୂଚନାଯୋଗ୍ୟ, ଖବରଦାତା ଜଣଙ୍କ କେବଳ ରାଷ୍ଟ୍ରପତିଙ୍କୁ ପଚାରିଥିଲେ କାହିଁକି ଜି -୨୦ କାର୍ଯ୍ୟକ୍ରମରେ ଯୋଗ ଦେଇନାହାଁନ୍ତି? ଏହି ପ୍ରସଙ୍ଗରେ ସୁରକ୍ଷା କର୍ମୀ ରାଗିଯାଇ ଖବରଦାତାଙ୍କୁ ଅତି ନିର୍ମମ ଭାବେ ପିଟିଥିଲେ।
