ନାଳନ୍ଦା,୨ ।୨: ଇଣ୍ଟର ଏକଜାମ ସମୟରେ ବିହାରର ନାଳନ୍ଦା ଜିଲାରୁ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି । ପରୀକ୍ଷା ଦେବାକୁ ଆସିଥିବା ୫୦୦ ଛାତ୍ରୀଙ୍କ ମଧ୍ୟରେ ନିଜକୁ ଏକେଲା ଦେଖବା ପରେ ଜଣେ ଛାତ୍ର ବେହୋସ ହୋଇଯାଇଛନ୍ତି । ଏହି ଘଟଣା ବିହାରଶରିଫର ଏକ ପରୀକ୍ଷା କେନ୍ଦ୍ରରେ ହୋଇଥିବା କୁହାଯାଉଛି । ଯେତେବେଳେ ପରୀକ୍ଷା ଦେବାକୁ ପହଞ୍ଚିଥିବା ଛାତ୍ର ଜଣଙ୍କ ସେଠାରେ ନିଜକୁ ଏକେଲା ଦେଖିଥିଲେ ଓ ପରୀକ୍ଷା କେନ୍ଦ୍ରରେ କେବଳ ଛାତ୍ରୀମାନେ ଥିଲେ ସେତେବେଳେ ସେ ଘାବରେଇ ଯାଇ ବେହୋସ ହୋଇଯାଇଥିଲେ । ତାଙ୍କୁ ତୁରନ୍ତ ଚିକିତ୍ସା ପାଇଁ ସଦର ହସ୍ପିଟାଲରେ ଭର୍ତ୍ତି କରାଯାଇଥିଲା ।
ଛାତ୍ରଙ୍କ ଚାଚି ପୁଷ୍ପା ଲତା ସିହ୍ନା କହିଛନ୍ତି ମନିଷ ସେଣ୍ଟରରେ ଅଧିକ ଛାତ୍ରୀଙ୍କୁ ଦେଖି ଘାବରେଇ ଯାଇଥିଲା, ଫଳରେ ସେ ଅସୁସ୍ଥ ହୋଇପଡିଥିଲା । ଯେଉଁଥିପାଇଁ ତାଙ୍କୁ ଚିକିତ୍ସା କରିବାକୁ ହସ୍ପିଟାଲ ଆଣିବାକୁ ପଡିଥିଲା ।
ସୂଚନାଯୋଗ୍ୟ, ବିହାରରେ ବୁଧବାର ଇଣ୍ଟରମିଡିଏଟର ପରୀକ୍ଷା ଆରମ୍ଭ ହୋଇଯାଇଛି । ଏହାରି ଭିତରେ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ହୋମ ଟାଉନ ନାଳନ୍ଦାର ପରୀକ୍ଷା କେନ୍ଦ୍ର ବନ୍ଦଥିବା ବେଳେ ଛାତ୍ରୀଛାତ୍ରମାନେ ଜୀବନକୁ ବାଜି ଲଗାଇ ପରୀକ୍ଷା କେନ୍ଦ୍ରରେ ପ୍ରବେଶ କରୁଥିବା ଦେଖାଯାଇଥିଲା ।
