ଇମୋଲା(ଇଟାଲୀ),୧୭ା୪(ଏପି)-ଇମିଲିଆ-ରେମାଗ୍ନା ଗ୍ରାଁ ପ୍ରି ପାଇଁ ଶୁକ୍ରବାର ଅନୁଷ୍ଠିତ ଦୁଇଟି ପ୍ରାକ୍ଟିସ ସେସନରେ ମର୍ସିଡିଜ୍
ପ୍ରଥମ ଓ ଦ୍ୱିତୀୟ ସ୍ଥାନ ଅଧିକାର କରିଛି। ସିଜନରେ ମୁଖ୍ୟ ପ୍ରତିଦ୍ୱନ୍ଦ୍ୱୀ ରେଡ୍ବୁଲ୍ ପାଇଁ ଏହା ସମସ୍ୟା ସୃଷ୍ଟି କରିଛି। ଦୁଇଟି ଯାକ ପ୍ରାକ୍ଟିସ ସେସନରେ ଦ୍ରୁତତମ ବିବେଚିତ ଭାଲଟେରି ବୋଟାସ ପ୍ରଥମ ରେସ୍ରେ ଲୁଇସ୍ ହାମିଲଟନଙ୍କଠାରୁ .୦୪୧ ଏବଂ ଦ୍ୱିତୀୟ ରେସ୍ରେ ମାତ୍ର .୦୧୦ ସେକେଣ୍ଡ ପଛରେ ରହିଥିଲେ। ଦ୍ୱିତୀୟ ପ୍ରାକ୍ଟିସ ସେସନରେ ଆଲ୍ଫା ତାଉରିର ପିଏରେ ଗାସ୍ଲୀ ବୋଟାସ୍ଙ୍କଠାରୁ ୦.୭୮ ସେକେଣ୍ଡ ଟାଇମ ପଛରେ ରେସ୍ ଶେଷ କରିଥିଲେ। ପ୍ରଥମ ପ୍ରାକ୍ଟିସ ସେସନରେ ବୋଟାସ ତୃତୀୟ ସ୍ଥାନ ଅଧିକାର କରିଥିବା ରେଡ୍ବୁଲ୍ର ମାକ୍ସ ଭର୍ଷ୍ଟାପେନ୍ଙ୍କଠାରୁ .୦୫୮ ସେକେଣ୍ଡ ଆଗରେ ରହିଥିଲେ। ଆଲପାଇନ୍ର ଇଷ୍ଟବାନ୍ ଓକୋନ ଓ ରେଡ୍ବୁଲ୍ର ସର୍ଗିଓ ପେରେଜଙ୍କ କାର ମଧ୍ୟରେ ଦୁର୍ଘଟଣା ଯୋଗୁ ରେସ୍କୁ ପ୍ରଥମ ଥର ୨୨ ମିନିଟ ସ୍ଥଗିତ ରଖାଯାଇଥିଲା। ଭର୍ଷ୍ଟାପେନ୍ଙ୍କ ଟମ୍ ମେଟ୍ ରେସ୍ ଶେଷ କରିପାରି ନ ଥିଲେ। ଇମିଲିଆ ରୋମାଗ୍ନା ଗ୍ରାଁ ପ୍ରି ହେଉଛି ଚଳିତ ଫର୍ମୁଲା ଓ୍ବାନ ସିଜନର ଦ୍ୱିତୀୟ ରେସ୍। ଗତ ମାସରେ ଅନୁଷ୍ଠିତ ବାହାରିନ ଗ୍ରଁା ପ୍ରିରେ ବିଶ୍ୱ ଚାମ୍ପିୟନ ଲୁଇସ୍ ହାମିଲଟନ ଟାଇଟଲ ବିଜୟୀ ହୋଇଥିଲେ।
