ସାଧାରଣ ଲୋକଙ୍କଠାରୁ ଆରମ୍ଭ କରି ସେଲେବ୍ରିଟି ଯାଏ ସମସ୍ତେ ଲକ୍ଡାଉନ ସମୟରେ ନିଜ ନିଜ ଘରେ ରହି ପରିବାର ସହ ସମୟ ଅତିବାହିତ କରୁଥିଲେ। ଏହି ସମୟରେ ସମସ୍ତେ ନିଜର ନିଜର ଡେଷ୍ଟିନେସନରେ ଛୁଟି ଅବସରକୁ ମିସ୍ କରିଥିଲେ। ଅନଲକ ପରେ ଅନେକ ସେଲେବ୍ରିଟି ଗୋଆ ଅଭିମୁଖେ କରିଥିବା ଦେଖାଯାଇଥିଲା। ତେବେ ଗତ କିଛି ସପ୍ତାହ ମଧ୍ୟରେ ବଲିଉଡର ଅଧିକାଂଶ ସେଲେବ୍ରିଟି ମାଳଦ୍ୱୀପରେ ଛୁଟି କଟାଉଥିବା ଦେଖାଯାଇଛି। ସୋସିଆଲ ମିଡିଆରେ ସେଲେବ୍ରିଟିମାନେ ଫଟୋ ଶେୟାର କରି ସେଠାରେ ଖୁବ ମଜା ନେଉଥିବା ଦେଖାଯାଇଛି।
ନିକଟରେ ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା ମଧ୍ୟ ମାଳଦ୍ୱୀପରେ କିଛି ସୁନ୍ଦର ମୁହୂର୍ତ୍ତ ବିତେଇ ଥିବା ଦେଖାଯାଇଛି। ନିଜ ନଷ୍ଟାଗ୍ରାମରେ ସୋନାକ୍ଷୀ ମାଳଦ୍ୱୀପ ଟ୍ରିପର ଫଟୋ ଶେୟାର କରିଥିଲେ। ଯାହା ସୋସିଆଲ ମିଡିଆରେ ଭାଇରାଲ ହୋଇଥିଲା।
ବଲିଉଡ ଅଭିନେତା ଟାଇଗର ସ୍ରଫ ମାଳଦ୍ୱୀପରେ ଛୁଟି କାଟୁ ଥିବା ଦେଖିବାକୁ ମିଳିଥିଲା। ସମୁଦ୍ର କୂଳରେ ସେ ଖେଳୁଥିବାର ଅନେକ ଫଟୋ ଓ ଭିଡିଓ ନିଜ ଇନଷ୍ଟାଗ୍ରାମରେ ଶେୟାର କରିଥିଲେ।
ସେହିପରି ଅଭିନେତା ବରୁଣ ଧାୱନ ମଧ୍ୟ ଛୁଟି କଟେଇବା ପାଇଁ ମାଳଦ୍ୱୀପ ଯାତ୍ରା କରିଥିଲେ। ସେଠାରେ ସେ ମାର୍ଶଲ ଆର୍ଟ ଅଭ୍ୟାସ କରିବା ଠାରୁ ଆରମ୍ଭ କରି ଠେକୁଆକୁ ଗାଜର ଖୁଆଇବା ଭଳି ଫଟୋ ସୋସିଆଲ ମିଡିଆରେ ବେଶ ଭାଇରାଲ ହୋଇଥିଲା।
ଅଭିନେତ୍ରୀ ଦିଶା ପଟାନୀ ମଧ୍ୟ ଛୁଟି କଟେଇବା ପାଇଁ ମାଳଦ୍ୱୀପ ଯାତ୍ରା କରିଥିଲେ। ସେଠାରେ ସେ ଖୁବ ମସ୍ତି କରୁଥିବା ଦେଖାଯାଇଥିଲା। ଦିଶା ସମୁଦ୍ର କୂଳରେ ବିକିନୀ ପିନ୍ଧି ଫଟୋ ଶୁଟ୍ କରିଥିଲେ। ଏହି ଫଟୋ ସୋସିଆଲ ମିଡିଆରେ ବେଶ ଭାଇରାଲ ହୋଇଥିଲା।
ଅଭିନେତ୍ରୀ ରକୁଲ ପ୍ରୀତ ସିଂ ମଧ୍ୟ ପରିବାର ସହ ମାଳଦ୍ୱୀପରେ ଛୁଟି କଟାଇଥିଲେ। ଏ ନେଇ ରକୁଲ ସୋସିଆଲ ମିଡିଆରେ ଫଟୋ ଶେୟାର କରି ଜଣାଇଥିଲେ।
ସେହିପରି ଅଭିନେତ୍ରୀ କ୍ୟାଟ୍ରିନା କୈଫ ମଧ୍ୟ ମାଳଦ୍ୱୀପରେ ଗସ୍ତ କରିଥିଲେ। ବାସ୍ତବରେ ସେ ଏକ ଫଟୋ ଶୁଟ୍ ପାଇଁ ସେଠାକୁ ଯାଇଥିଲେ। ଏହି ସମୟ ମଧ୍ୟରେ ସେ ସେଠାରେ ବହୁତ ମଜା କରିଥିଲେ ଏବଂ ସୋସିଆଲ ମିଡିଆରେ ଫଟୋ ଶେୟାର କରିଥିଲେ। ସେ ଫଟୋ କ୍ୟାପସନରେ ଲେଖିଥିଲେ, ସ୍ବର୍ଗ ମିଳିଗଲା।
