ବଲିଉଡ୍ ମହାନାୟକ ଅମିତାଭ ବଚ୍ଚନ ଇତିମଧ୍ୟରେ ୭୮ ବର୍ଷର ହୋଇଯାଇଛନ୍ତି। ତେବେ କରୋନା ଭାଇରସ ଓ ‘କୌନ୍ ବନେଗା କରୋଡପତି’ର ଶୁଟିଂରେ ବ୍ୟସ୍ତ ଥିବାରୁ ସେ ଏଥର ଧୂମ୍ଧାମରେ ନିଜର ଜନ୍ମଦିନ ପାଳନ କରି ନାହାନ୍ତି। ତେବେ ଖୁବ୍ କମ୍ ଲୋକ ଜାଣିଥିବେ ଯେ, ଦକ୍ଷିଣ କୋଲକାତାର ବଲ୍ୟାଗୁଙ୍ଗି ଫାରି ନିକଟସ୍ଥ ଏକ ସ୍ଥାନରେ ତାଙ୍କ ନାମରେ ‘ଅମିତାଭ ବଚ୍ଚନ ମନ୍ଦିର’ ରହିଛି। ଅମିତାଭଙ୍କ ବହୁ ପ୍ରଶଂସକଙ୍କ ବଦାନ୍ୟତାରେ ଏହି ମନ୍ଦିର ୨୦୦୧ ମସିହାରେ ନିର୍ମାଣ ହୋଇଥିଲା। ଏହି ମନ୍ଦିରରେ ଅମିତାଭଙ୍କ ଏକ ଷ୍ଟାଇଲିଷ୍ଟ ପ୍ରତିମୂର୍ତ୍ତି ସ୍ଥାପନ କରାଯାଇଛି। ଏହି ମୂର୍ତ୍ତିକୁ ସମସ୍ତେ ଗୁରୁ ବୋଲି ସମ୍ବୋଧନ କରିଥାନ୍ତି। ପ୍ରତ୍ୟେକ ଦିନ ଏଠାରେ ପୂଜାର୍ଚ୍ଚନା କରାଯାଇଥାଏ। ମନ୍ଦିରପରି ଏଠାରେ ମଧ୍ୟ ଭକ୍ତମାନେ ଏକଜୁଟ ହୋଇଥାନ୍ତି। ପ୍ରତ୍ୟେକ ଦିନ ପୂଜା ସହିତ ବିଶେଷ ଦିନ ଏଠାରେ ବିଶେଷ ପୂଜା ହୋଇଥାଏ। ମୁଖ୍ୟତଃ ତାଙ୍କ ଜନ୍ମଦିନକୁ ଏହି ମନ୍ଦିରରେ ବେଶ୍ ଧୂମ୍ଧାମରେ ପାଳନ କରାଯାଏ।
