`ମୁମ୍ବାଇ: ପିତା ଧର୍ମେନ୍ଦ୍ର ଓ ଭାଇ ସନ୍ନି ଦେୱଲଙ୍କ ଭଳି ବଡ ପରଦାରେ ସେତେଟା ହିଟ୍ ହୋଇପାରି ନାହାନ୍ତି ବବି ଦେୱଲ । ହେଲେ ଓଟିଟି ପ୍ଲାଟଫର୍ମ ତାଙ୍କ ଭାଗ୍ୟ ବଦଳାଇ ଦେଇଛି । ଏବେ ପର୍ଯ୍ୟନ୍ତ ବବି ଦେୱଲଙ୍କ ଯେତେ ୱେବ ସିରିଜ ରିଲିଜ ହୋଇଛି ଦର୍ଶକେ ସବୁକୁ ବେଶ ପସନ୍ଦ କରିଛନ୍ତି । ବାବା ନିରାଲା ହୋଇ ସେ ସମସ୍ତଙ୍କ ହୃଦୟ ଜିତିଛନ୍ତି । ‘ଆଶ୍ରମ’ ୱେବ ସିରିଜର ଅଂଶ ହୋଇ ସେ ଆସିଛନ୍ତି ଚର୍ଚ୍ଚାକୁ । ତାଙ୍କର ଫ୍ୟାନ ଫଲୋଇଙ୍ଗସଙ୍କ ସଖ୍ୟା ବି ବହୁତ ବଢି ଯାଇଛି ।
ଏବେ ବବି ଦେୱଲଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଉକ୍ତ ଭିଡିଓରେ ଦେଖାଯାଇଛି ବବି ତାଙ୍କ କଜିନ ଅଭୟ ଦେୱଲଙ୍କ ସହ ମିଶି ଏକ ରେସ୍ତେରାଁରୁ ବାହାରକୁ ଆସୁଥିବା ବେଳେ କେତେଜଣ ଗରିବ ପିଲା ତାଙ୍କୁ ଘେରି ଯାଉଛନ୍ତି । ଆଉ ସେ ଉକ୍ତ ଗରିବ ପିଲାମାନଙ୍କୁ ଆଲିଙ୍ଗନ କରି ନେଉଛନ୍ତି । ଏମିତି ଏକ ଭିଡିଓ ଏବେ ଭାଇରାଲ ହେବାରେ ଲଗିବା ସହ ପ୍ରଶଂସା ସାଉଁଟୁଛନ୍ତି ବବି ଦେୱଲ ।
