ଶିମଲା,୬।୧୧ : ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡା ରବିବାର ଶିମଲାରେ ହିମାଚଳ ପ୍ରଦେଶ ନିର୍ବାଚନ ପାଇଁ ଦଳର ଇସ୍ତାହାର ପ୍ରକାଶ କରିଛନ୍ତି। ଏଥିରେ ୟୁନିଫର୍ମ ସିଭିଲ କୋଡ୍ ଠାରୁ ଠାରୁ ଆରମ୍ଭ କରି ରାଜ୍ୟରେ ଚାକିରି ଯୋଗାଇବା ପର୍ଯ୍ୟନ୍ତ ୧୧ ଟି ବଡ ପ୍ରତିଶ୍ରୁତି ଭାଜପା ଦେଇଛି। ଏହି ଅବସରରେ ମୁଖ୍ୟମନ୍ତ୍ରୀ ଜୟ ରାମ ଠାକୁର, ରାଜ୍ୟ ଦଳର ସଭାପତି ସୁରେଶ କାଶ୍ୟପ, କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ଏବଂ ଅନ୍ୟ ନେତାମାନେ ଉପସ୍ଥିତ ଥିଲେ।
୬୮ ଆସନ ବିଶିଷ୍ଟ ହିମାଚଳ ପ୍ରଦେଶ ବିଧାନସଭା ପାଇଁ ଭୋଟ ନଭେମ୍ବର ୧୨ ରେ ଅନୁଷ୍ଠିତ ହେବ ଏବଂ ଡିସେମ୍ବର ୮ ରେ ନିର୍ବାଚନର ଫଳାଫଳ ଘୋଷଣା କରାଯିବ।
ଜେପ ି ନଡା କହିଛନ୍ତି ଯେ ଭାଜପାସରକାର ରାଜ୍ୟରେ ୟୁନିଫର୍ମ ସିଭିଲ କୋଡ (ୟୁସିସି) ଆଣିବେ। ଏଥିପାଇଁ ବିଶେଷଜ୍ଞମାନଙ୍କର ଏକ କମିଟି ଗଠନ କରାଯିବ ଏବଂ ସେମାନଙ୍କ ରିପୋର୍ଟକୁ ଆଧାର କରି ରାଜ୍ୟରେ ଏହା କାର୍ଯ୍ୟକାରୀ ହେବ। ସେ କହିଛନ୍ତି ଯେ ଭାଜପା ସରକାର ପର୍ଯ୍ୟାୟକ୍ରମେ ୮ ଲକ୍ଷରୁ ଅଧିକ ନିଯୁକ୍ତି ସୁଯୋଗ ପ୍ରଦାନ କରିବେ। ଏଥିରେ ସରକାରୀ ଚାକିରି ଏବଂ ଅର୍ଥନୈତିକ କ୍ଷେତ୍ରରେ ଚାଲିଥିବା କାର୍ଯ୍ୟ ଅନ୍ତର୍ଭୁକ୍ତ ହେବ ।
ଆମେ ଯାହା କହିଥିଲୁ ତାହା କରିଛୁ, କିନ୍ତୁ ଆମେ ଯାହା କହି ନାହୁଁ ତାହା ମଧ୍ୟ ପୂରଣ କରିଛୁ। ଆମେ ବିକାଶର ଏକ ନୂତନ ଦିଗ ସ୍ଥିର କରିଛୁ । ନିର୍ବାଚନର ପ୍ରତିଶ୍ରୁତି ଆମ ଯୁବକ ଏବଂ କୃଷକମାନଙ୍କୁ ଶକ୍ତି ପ୍ରଦାନ କରିବ, ଉଦ୍ୟାନ କୃଷିକୁ ସୁଦୃଢ଼ କରିବ, ସରକାରୀ କର୍ମଚାରୀଙ୍କୁ ନ୍ୟାୟ ପ୍ରଦାନ କରିବ ଏବଂ ଧାର୍ମିକ ପର୍ଯ୍ୟଟନକୁ ପ୍ରୋତ୍ସାହିତ କରିବ।
ଆସନ୍ତା ୫ ବର୍ଷ ମଧ୍ୟରେ ପ୍ରଧାନ ମନ୍ତ୍ରର ଗ୍ରାମୀଣ ସଡ଼କ ଯୋଜନା ଅନ୍ତର୍ଗତ ସମସ୍ତ ଗ୍ରାମକୁ ପକ୍କା ରାସ୍ତା ସହିତ ସଂଯୋଗ କରାଯିବ ବୋଲି ସେ କହିଛନ୍ତି।
