ଭୁବନେଶ୍ୱର,୨୮।୧୨: ସ୍ବର୍ଗତ ପ୍ରଧାନମନ୍ତ୍ରୀ ଡା.ମନମୋହନ ସିଂଙ୍କ ନାଁରେ ସ୍ମାରକୀ ଦାବି ପ୍ରସଙ୍ଗରେ କଂଗ୍ରେସକୁ ସମାଲୋଚନା କରିଛନ୍ତି ଭାଜପା ମୁଖପାତ୍ର ସମ୍ବିତ ପାତ୍ର। ସ୍ମାରକୀ ପ୍ରତିଷ୍ଠା ଲାଗି ଗୋଟିଏ ପ୍ରୋସିଜିୟର ଅଛି। ଏଥିଲାଗି ଶେଷକୃତ୍ୟକୁ ବିଳମ୍ବ କରାଯାଇପାରି ନ ଥାନ୍ତା। ଶୋକାକୂଳ ପରିବେଶରେ କଂଗ୍ରେସ ରାଜନୀତି କରିବା ଅନୁଚିତ। ଯଦି କେହି ତାଙ୍କୁ ବେଶୀ ଅପମାନିତ କରିଥାଏ ସେହି ଦଳ ହେଲା କଂଗ୍ରେସ। ପ୍ରଧାନମନ୍ତ୍ରୀ ପଦରେ ଥିବା ବେଳେ କଂଗ୍ରେସ ହିଁ ଅପମାନିତ କରିଛି। ମନମୋହନଙ୍କ କ୍ୟାବିନେଟ ପାରିତ ପ୍ରସ୍ତାବକୁ ତାଙ୍କ ନେତା ଚିରିଛନ୍ତି ବୋଲି ସମ୍ବିତ ଖବରଦାତା ସମ୍ମିଳନୀରେ କହିଛନ୍ତି।
କଂଗ୍ରେସ ଯେଉଁଭଳି ଭ୍ରମାତ୍ମକ ରାଜନୀତି କରୁଛି। ନିଗମବୋଧ ଘାଟରେ ତାଙ୍କର ଅନ୍ତିମ ସଂସ୍କାର କରାଯାଇ ମନମୋହନଙ୍କ ପ୍ରତି ଅପମାନ କରାଯାଇଥିବା ରାହୁଲ ଗାନ୍ଧୀ କହିଛନ୍ତି। କେନ୍ଦ୍ର ସରକାରଙ୍କ କ୍ୟାବିନେଟ ବେଠକରେ ଶୋକବାର୍ତ୍ତା ପାରିତ ହୋଇଥିଲା। ସେ ପୂର୍ବତନ ପ୍ରଧାନମନ୍ତ୍ରୀ ଥିବା ବେଳେ ଦେଶ ପାଇଁ ପ୍ରମୁଖ ଯୋଗଦାନ ଦେଇ ଥିବାରୁ ବୈଠକ ପରେ ଏକ ଚିଠି ମନମୋହନଙ୍କ ପରିବାର ସହ କଂଗ୍ରେସ ପାର୍ଟି ଦିଆଯାଇଥିଲା। ଏଥିରେ ସରକାର ସ୍ମାରକୀ ନିର୍ମାଣ କରିବାକୁ ନିଷ୍ପତ୍ତି ନେଇଥିବା କୁହାଯାଇଥିଲା। ସ୍ମାରକୀ ପ୍ରତିଷ୍ଠା ଲାଗି ଗୋଟିଏ ପ୍ରୋସିଜିୟର ଅଛି। ଏଥିଲାଗି ଶେଷକୃତ୍ୟକୁ ବିଳମ୍ବ କରାଯାଇପାରି ନ ଥାନ୍ତା। ଶୋକାକୂଳ ପରିବେଶରେ କଂଗ୍ରେସ ଯେଉଁଭଳି ରାଜନୀତି କରୁଛି ତାହା ଅନୁଚିତ। ଯଦି କେହି ତାଙ୍କୁ ବେଶୀ ଅପମାନିତ କରିଥାଏ ସେହି ଦଳ ହେଲା କଂଗ୍ରେସ। ପ୍ରଧାନମନ୍ତ୍ରୀ ପଦରେ ଥିବା ବେଳେ କଂଗ୍ରେସ ହିଁ ଅପମାନିତ କରିଛି। ମନମୋହନଙ୍କ କ୍ୟାବିନେଟ ପାରିତ ପ୍ରସ୍ତାବକୁ ତାଙ୍କ ନେତା ଯେଉଁ ଅହଙ୍କାର ସହ ଚିରିଥିଲେ ତାହା ସମସ୍ତେ ଜାଣନ୍ତି। ଅନେକ ଥର ଗଣମାଧ୍ୟମରେ ସେନେଇ ଚର୍ଚ୍ଚା ହୋଇଛି। ଅପମାନିତ ହେବା ଯୋଗୁ ମନମୋହନ ପଦରୁ ଇସ୍ତଫା ଦେବାକୁ ଚିନ୍ତା କରିଥିଲେ ବୋଲି ସମ୍ବିତ ମନେ ପକାଇଛନ୍ତି।
