ପାଟଣା,୮।୯(ବୀରକିଶୋର ଦାଶ): ରାଜ୍ୟ ଭାଜପା ସଭାପତି ମନମୋହନ ସାମଲ ଶୁକ୍ରବାର ‘ମୋ ଦେଶ ମୋ ମାଟି’ କାର୍ଯ୍ୟକ୍ରମରେ ଯୋଗଦେବା ନେଇ କେନ୍ଦୁଝର ଜିଲା ପାଟଣା ନିର୍ବାଚନମଣ୍ଡଳୀ ଗସ୍ତ କରିଥିଲେ। ମଲ୍ଲିପଶି ଛକଠାରେ ସଭାପତି ସାମଲ ପହଞ୍ଚତ୍ବା ପରେ ତାଙ୍କୁ ଭାଜପା ନେତୃବୃନ୍ଦ ଏବଂ କର୍ମୀ ସମ୍ବର୍ଦ୍ଧନା ଜ୍ଞାପନ କରିଥିଲେ।
ପରେ ୪ ହଜାରରୁ ଊର୍ଦ୍ଧ୍ୱ କର୍ମୀ ଏକ ବାଇକ୍ ରାଲିରେ ବାହାରି ପାଟଣା ବଜାର ପରିକ୍ରମା କରି ଦୁର୍ଗାଦେଇପୁରରେ ପହଞ୍ଚତ୍ଥିଲେ। ଏହି ଅବସରରେ ମୃତ୍ତିକା ସଂଗ୍ରହ କରାଯାଇଥିଲା। ଭାଜପା ସଭାପତି ସାମଲ ତାଙ୍କ ପ୍ରତିକ୍ରିୟାରେ କହିଥିଲେ, ସ୍ବାଧୀନତାର ଅମୃତ ମହୋତ୍ସବ ଅବସରରେ ୭୫ ବର୍ଷ ତଳେ ଦେଶ ପାଇଁ ଜୀବନ ଦେଇଥିବା ସେନାନୀ ଏବଂ ଚାଇନା, ପାକିସ୍ତାନ ଏବଂ ବାଂଲାଦେଶ ଯୁଦ୍ଧରେ ବୀର ଗତି ଲାଭ କରିଥିବା ସୈନିକଙ୍କ ଜନ୍ମମାଟିରେ ଦିଲ୍ଲୀରେ ଏକ ସ୍ମାରକୀ ନିର୍ମାଣ ହେବ, ଯାହାକୁ ବିଶ୍ୱବାସୀ ଦେଖିବେ।
ଜିଲା ଭାଜପା ସଭାପତି ଅଂଶୁମାନ ସବୁଜ ମହାନ୍ତ ବର୍ମାଙ୍କ ନେତୃତ୍ୱରେ ଅନୁଷ୍ଠିତ ବାଇକ୍ ରାଲିରେ ରାଜ୍ୟ ଭାଜପା କୃଷକ ମୋର୍ଚ୍ଚା ସଭାପତି ମହେଶ୍ବର ସାହୁ, ରାଜ୍ୟ ଭାଜପା ପ୍ରବକ୍ତା ବିରଞ୍ଚତ୍ ତ୍ରିପାଠୀ, ସଦର ବିଧାୟକ ତଥା ବିରୋଧୀ ଦଳ ମୁଖ୍ୟ ସଚେତକ ମୋହନ ଚରଣ ମାଝୀ, ଲୋକ ସଭା ପ୍ରଭାରୀ ସଞ୍ଜୀବ ମହାନ୍ତି, ଲୋକ ସଭା ମଣ୍ଡଳୀ ସଂଯୋଜକ ଶୁକଦେବ ମହାନ୍ତ, ବିଧାନସଭା ସହସଂଯୋଜକ ସୁଦର୍ଶନ ମହାନ୍ତ, ପୂର୍ବତନ ଜିଲା ପରିଷଦ ଅଧ୍ୟକ୍ଷା ମମିତା ନାଏକ, ଜିଲା ଯୁବମୋର୍ଚ୍ଚା ସମ୍ପାଦକ ସବୀର ଦାଶ, ଜିଲା ଯୁବମୋର୍ଚ୍ଚା ସଭାପତି ହେମରଞ୍ଜନ ବାରିକ, ପୂର୍ବତନ ସାହାରପଡ଼ା ବ୍ଲକ ଅଧ୍ୟକ୍ଷ ଗୌତମ ନାଏକ, ଅଖିଳ ନାଏକ, ସତ୍ୟବ୍ରତ ନାଏକ, ପ୍ରହଲ୍ଲାଦ ପଲେଇ, ନାରୀନେତ୍ରୀ ବିଜୟଲକ୍ଷ୍ମୀ ପାତ୍ର, ସୋମବାରୀ ମୁଣ୍ଡା ପ୍ରମୁଖ ଯୋଗଦେଇଥିଲେ। ଏପରିକି ସାହାରପଡ଼ା ବ୍ଲକ ଖୁଣ୍ଟାପଡ଼ା ପଞ୍ଚାୟତ ଗୋଜିଟାଙ୍ଗିରିର ଶହୀଦ ହେମନ୍ତ ମହାନ୍ତଙ୍କ ସ୍ମୃତିସ୍ତମ୍ଭ ନିକଟରୁ ଶହୀଦଙ୍କ ଜନ୍ମ ମାଟି ସଂଗ୍ରହ କରାଯାଇଥିଲା।
