ନୂଆଦିଲ୍ଲୀ,୨୫ ।୧୧: ଦିଲ୍ଲୀର ଏମସିଡି ନିର୍ବାଚନ ମଧ୍ୟରେ ଆମ ଆଦମୀ (ଏଏପି) ଭାରୀତୟ ଜନତା ପାର୍ଟି(ଭାଜପା) ଉପରେ ବଡ ଅଭିଯୋଗ ଆଣିଛି । ଉପମୁଖ୍ୟମନ୍ତ୍ରୀ ମନିଷ ସିସୋଡିଆ କହିଛନ୍ତି, ଗୁଜରାଟ ଓ ଏମସିଡିରେ ଭାଜପା ହାରିବା ଅନୁଭବ କରୁଥିବାରୁ ଦଳ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ହତ୍ୟା କରିପାରେ । ସିସୋଡିଆ ଅଭିଯୋଗ କରିଛନ୍ତି କି ପୂର୍ବତନ ପ୍ରଦେଶ ଅଧ୍ୟକ୍ଷ ତଥା ଏମପି ମନୋଜ ତିୱାରୀ ଏମିତି ଧମକ ଦେଉଛନ୍ତି । ଆହୁରି ମଧ୍ୟ ଚେତାବନୀ ଦେଇଛନ୍ତି କି ମୁଖ୍ୟମନ୍ତ୍ରୀଙ୍କ ସହ ଯଦି କୌଣଓି ଅପ୍ରିତିକର ଘଟଣା ଘଟେ ତେବେ ଏଥିପାଁ ଭାଜପା ଦାୟୀ ରହିବ ।
ଏହା ପୂର୍ବରୁ ଭାଜପା ଏମପି ମନୋଜ ତିୱାରୀ ଟୁଇଟ କର କହିଥିଲେ କି ଅରବିନ୍ଦ କେଜରିୱାଲଙ୍କ ସୁରକ୍ଷାକୁ ନେଇ ମୁଁ ଚିନ୍ତିତ । କାରଣ ଲଗାତାର ଭଷ୍ଟ୍ରାଚର, ଟିକେଟ ବିକ୍ରି ଓ ଜେଲରେ ଦୂରାଚାର ଓବନ୍ଧୁତା ମସାଜ ଭିଡିଓକୁ ନେଇ ଏଏପି କର୍ମୀ ଜନତାଙ୍କ କ୍ରୋଧରେ ରହିଛନ୍ତି । ତାଙ୍କ ବିଧାୟକଙ୍କୁ ମାଡ ବି ଦିଆଯାଇଛି । ତେଣୁ ଦିଲ୍ଲୀର ମୁଖ୍ୟମନ୍ତ୍ରୀଙ୍କ ସହ ଏମିତି ହେବା କଥା ନୁହେଁ କାରଣ କୋର୍ଟ ଦଣ୍ଡ ଦିଅନ୍ତୁ ।
ଏହାକୁ ନେଇ ଗୁରୁବାର ରାତିରେ ଉପମୁଖ୍ୟମନ୍ତ୍ରୀ ମନିଷ ସିସୋଡିଆ ଏକ ବୟାନ ଜାରି କରି କହିଛନ୍ତି ଗୁଜରାଟ ଓ ଦିଲ୍ଲୀ ଏମସିଡି ନିର୍ବାଚନରେ ଏଏପିକୁ ମିଳୁଥିବା ଜନ ସମର୍ଥନରେ ଭାଜପା ବିଚଳିତ ହୋଇ ପଡିଛି । ତେଣୁ ଭାଜପା ନେତା ବହୁ ଭୋଟରେ ବିଜୟୀ ହୋଇଥିବା ତଥା ଜନ ସମର୍ଥନ ମିଳିଥିବା ମୁଖ୍ୟମନ୍ତ୍ରୀ ତଥା ଦୁଇଟି ରାଜ୍ୟର ସରକାର ଚଳାଉଥିବା ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜରିୱାଲଙ୍କୁ ହତ୍ୟା ଧମକ ଦେଉଛି । ଏଥିରୁ ସ୍ପଷ୍ଟ ହୋଇଛି କି ଭାଜପାର ଲୋକତନ୍ତ୍ର ଉପରେ ଭରସା ତୁଟି ଯାଇଛି ।
