ନୂଆଦିଲ୍ଲୀ,୧୯।୩ : ଚଳିତ ବର୍ଷ ରାଜ୍ୟସଭାରେ ହେବାକୁ ଥିବା ଦ୍ୱିବାର୍ଷିକ ନିର୍ବାଚନ ପାଇଁ ଭାଜପା ଚାରି ରାଜ୍ୟରେ ନିଜର ପ୍ରାର୍ଥୀ ଘୋଷଣା କରିଛି। ଭାଜପା ରାଷ୍ଟ୍ରୀୟ ମହାସଚିବ ଅରୁଣ ସିଂ ଏ ନେଇ ଘୋଷଣା କରିଛନ୍ତି । ଆସାମରୁ ପବିତ୍ରା ମାର୍ଗରିଟା, ହିମାଚଳ ପ୍ରଦେଶରୁ ଡା.ସିକନ୍ଦର କୁମାର, ନାଗାଲାଣ୍ଡରୁ ଏସ.ଫେଗନୋନ କୋୟନକ ଏବଂ ତ୍ରିପୁରାରୁ ଡା.ମାଣିକ ଶାହଙ୍କ ନାମ ଘୋଷଣା କରିଛି ଦଳ।
ଏହାସହ ଦଳ ପଶ୍ଚିମବଙ୍ଗ ଲୋକସଭା ଉପନିର୍ବାଚନ ଏବଂ ବିଧାନସଭା ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି। ସେହିପରି ବିହାର ଏବଂ ମହାରାଷ୍ଟ୍ରରେ ହେବାକୁ ଥିବା ଉପନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି। ପଶ୍ଚିମବଙ୍ଗର ଆସନସୋଲ ଲୋକସଭା ଆସନ ପାଇଁ ଭାଜପା ଅଗ୍ନିମିତ୍ର ପଲଙ୍କୁ ପ୍ରାର୍ଥୀ କରିଥିବା ବେଳେ ବଲ୍ଲିହୁଙ୍ଗେ ବିଧାନସଭାରୁ କେୟା ଘୋଷଙ୍କୁ ପ୍ରାର୍ଥୀ କରିଛି ଦଳ।
