ଭୁବନେଶ୍ୱର,୨୮।୧: ଯଦିଓ ସୁପ୍ରିମକୋର୍ଟ ର୍ନିବାଚନୀ ବଣ୍ଡ ଉପରେ ନିଷେଧ ଲଗାଇଛନ୍ତି, ତଥାପି ରାଜନୈତିକ ଦଳଗୁଡ଼ିକୁ ର୍ନିବାଚନୀ ଦାନରେ ବିପୁଳ ବୃଦ୍ଧି ଘଟିଛି। ବର୍ତ୍ତମାନ ର୍ନିବାଚନ କମିଶନର ବାର୍ଷିକ ଅଡିଟ ରିପୋର୍ଟ ପ୍ରକାଶ କରିଛନ୍ତି। ଯେଉଁଥିରେ ଭାଜପା ର୍ନିବାଚନୀ ଦାନରେ ଶୀର୍ଷରେ ଥିବା ବେଳେ କଂଗ୍ରେସକୁ ମିଳିଥିବା ଦାନରେ ୩୨୦ ପ୍ରତିଶତ ବୃଦ୍ଧି ଦେଖାଯାଇଛି।
୨୦୨୪ ଲୋକ ସଭା ର୍ନିବାଚନ ପୂର୍ବରୁ, ଭାରତୀୟ ଜନତା ପାର୍ଟିକୁ ମିଳିଥିବା ଦାନ ୮୭% ବୃଦ୍ଧି ପାଇଛି, ଯାହା ୩,୯୬୭.୧୪ କୋଟି ଟଙ୍କାରେ ପହଞ୍ଚିଛି। ଦଳର ୨୦୨୩-୨୦୨୪ ବର୍ଷର ବାର୍ଷିକ ଅଡିଟ ରିପୋର୍ଟରେ ଏହା ପ୍ରକାଶ ପାଇଛି। ତଥାପି, ପୂର୍ବ ଆର୍ଥିକ ବର୍ଷ ତୁଳନାରେ ୨୦୨୩-୨୪ରେ ର୍ନିବାଚନୀ ବଣ୍ଡରୁ ଭାଜପାକୁ ମିଳିଥିବା ଦାନ ହ୍ରାସ ପାଇଛି। ୨୦୨୨-୨୩ରେ, ଭାଜପା ର୍ନିବାଚନୀ ବଣ୍ଡରୁ ୨୩୬୦ କୋଟି ଟଙ୍କାର ଦାନ ପାଇଥିଲା, ଯାହା ୨୦୨୩-୨୦୨୪ରେ ୧୨୯୪.୧୪ କୋଟି ଟଙ୍କାକୁ ହ୍ରାସ ପାଇଥିଲା। ଯଦି ରିପୋର୍ଟକୁ ବିଶ୍ୱାସ କରାଯାଏ, ତେବେ ଭାଜପା ୨୦୨୩-୨୦୨୪ରେ ସ୍ବେଚ୍ଛାକୃତ ଅବଦାନ ଭାବରେ ୩,୯୬୭.୧୪ କୋଟି ଟଙ୍କା ପାଇଥିଲା, ଯେତେବେଳେ ୨୦୨୨-୨୦୨୩ରେ ଏହା ୨,୧୨୦.୦୬ କୋଟି ଟଙ୍କା ଥିଲା।
ଅଡିଟ ରିପୋର୍ଟରୁ ଜଣାପଡ଼ିଛି ଯେ ଭାଜପା ର୍ନିବାଚନୀ ବଣ୍ଡରୁ ୧,୬୮୫.୬୨ କୋଟି ଟଙ୍କା ପାଇଛି, ଯାହା ଏହାର ମୋଟ ଅବଦାନର ୪୩%। ୨୦୨୨-୨୦୨୩ରେ, ଦଳ ର୍ନିବାଚନୀ ବଣ୍ଡରୁ ୧,୨୯୪.୧୪ କୋଟି ଟଙ୍କା ପାଇଥିଲା, ଯାହା ମୋଟ ଅବଦାନର ୬୧% ଥିଲା। ଭାଜପାର ପ୍ରଚାର ପାଇଁ ହୋଇଥିବା ଖର୍ଚ୍ଚରେ ମଧ୍ୟ ବୃଦ୍ଧି ଘଟିଥିଲା।
ରିପୋର୍ଟରୁ ଜଣାପଡୁଛି ଯେ ର୍ନିବାଚନ ବର୍ଷରେ, କଂଗ୍ରେସ ଦାନ ଭାଜପା ଅପେକ୍ଷା ଅଧିକ ବୃଦ୍ଧି ପାଇଛି। ୨୦୨୨-୨୦୨୩ ବର୍ଷରେ କଂଗ୍ରେସକୁ ୨୬୮.୬୨ କୋଟି ଟଙ୍କାର ଦାନ ମିଳିଥିଲା, ଯାହା ୨୦୨୩-୨୦୨୪ ଆର୍ଥିକ ବର୍ଷରେ ୩୨୦ ପ୍ରତିଶତ ବୃଦ୍ଧି ପାଇ ୧,୧୨୯.୬୬ କୋଟି ଟଙ୍କାରେ ପହଞ୍ଚିଛି। କଂଗ୍ରେସର ଦାନରେ ର୍ନିବାଚନୀ ବଣ୍ଡ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲା। ଏହା ଗତ ବର୍ଷ ପ୍ରାପ୍ତ ୧୭୧.୦୨ କୋଟି ଟଙ୍କାରୁ ବୃଦ୍ଧି ପାଇ ୮୨୮.୩୬ କୋଟି ଟଙ୍କା ହୋଇଛି। ମୋଟ ୭୩ ପ୍ରତିଶତ ବୃଦ୍ଧି ଦେଖାଯାଇଥିଲା। କଂଗ୍ରେସର ର୍ନିବାଚନ ଖର୍ଚ୍ଚ ୨୦୨୨-୨୦୨୩ ରେ ୧୯୨.୫୫ କୋଟି ଟଙ୍କାରୁ ବୃଦ୍ଧି ପାଇ ୨୦୨୩-୨୪ ରେ ୬୧୯.୬୭ କୋଟି ଟଙ୍କାରେ ପହଞ୍ଚିଛି।
ଏକ ଜାତୀୟ ଗଣମାଧ୍ୟମ ରିପୋର୍ଟ ଅନୁସାରେ, ତୃଣମୂଳ କଂଗ୍ରେସ (ଟିଏମସି)ର ୨୦୨୩-୨୦୨୪ ବାର୍ଷିକ ଅଡିଟ ରିପୋର୍ଟ ଅନୁଯାୟୀ, ମମତା ବାନାର୍ଜୀଙ୍କ ଦଳର ଆୟ ଗତ ବର୍ଷ ୩୩୩.୪୬ କୋଟି ଟଙ୍କାରୁ ବୃଦ୍ଧି ପାଇ ୬୪୬.୩୯ କୋଟି ଟଙ୍କା ହୋଇଛି। ବିଆରଏସ ୪୯୫କୋଟି, ବିଜୁ ଜନତା ଦଳ ୨୪୫ କୋଟି ଇତ୍ୟାଦି ପାଇଛି। କହିରଖୁଛୁ କି, ଟିଏମସି ୯୫ଶତକଡା ଆୟ ନିର୍ବାଚନୀ ବଣ୍ଡରୁ କରିଛି। ଯେତେବେଳେ କି ବିଜେଡି ୬୧% ଆୟ କରିଛି।
