ବରଗଡ଼,୫ା୩(ପ୍ରେମାନନ୍ଦ ଖମାରୀ): ମହାନ ଜନନାୟକ ପ୍ରବାଦପୁରୁଷ ବିଜୁ ପଟ୍ଟନାୟକ ୧୧୦ତମ ଜୟନ୍ତୀ ବିଜୁ ଜନତା ଦଳ ବରଗଡ଼ ଜିଲା ତରଫରୁ ଗୁରୁବାର ପାଳିତ ହୋଇଯାଇଛି। ପୂର୍ବତନ ବିଧାୟକ ତଥା ରାଜ୍ୟ ବରିଷ୍ଠ ସାଧାରଣ ସମ୍ପାଦକ ଦେବେଶ ଆଚାର୍ଯ୍ୟଙ୍କ ନେତୃତ୍ୱରେ ବିଜେଡି କର୍ମୀ ଓ ନେତୃ ମଣ୍ଡଳୀ ଉପସ୍ଥିତ ରହି ବିଜୁବାବୁଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିଥିଲେ। ପରେ ସ୍ଥାନୀୟ ଅଗ୍ରଗାମୀ ଯୁବକ ସଂଘ ପରିସରରେ ଜିଲା ବିଜେଡି ସଭାପତି ସୁଶାନ୍ତ ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଜୟନ୍ତୀ ସଭାରେ ବିଜେଡି ଜିଲା ଉପସଭାପତି କିଶୋର ମିଶ୍ର, ଟାଉନ ବିଜେଡି ସଭାପତି ଅନୁପ ଶତପଥୀ, ବ୍ଲକ ବିଜେଡି ସଭାପତି ପ୍ରଫୁଲ୍ଲ ନାୟକ, ଜିଲା ଯୁବ ବିଜେଡି ସଭାପତି ପ୍ରଦ୍ୟୁମ୍ନ କୁମାର ତ୍ରିପାଠୀ, ଜିଲା ମହିଳା ସଭାପତି କଳ୍ପନା ମାଝୀ, ବିଜୁ ଛାତ୍ର ଜନତାର ଜିଲା ସଭାପତି କରନ ସିକନ୍ଦର, ରାଜ୍ୟ ମହିଳା ସମ୍ପାଦିକା ଅନୁରାଧା ଅଗ୍ରଓ୍ବାଲ, ପୌର ପରିଷଦ ଉପାଧ୍ୟକ୍ଷ ରାଜେଶ ଅଗ୍ରଓ୍ବାଲ, ଉମାଚରଣ ରାଉତ, ଅକ୍ରୁର ବାରିକ, ଜ୍ୟୋତ୍ସ୍ନା ପାଇକ, ନିତୁ ମହାନ୍ନା, ରାଜୁ ଦାଶ, ରୋଶନ ପଧାନ, ଜମିର ମହମ୍ମଦ, ସଂଜୀବ କୋହଲି, ଭରତ ମହାନ୍ତି, ତୁଷାର ମହାନ୍ତି, ପିକୁନ ମହାନ୍ତି, ଅଶ୍ବିନୀ ସରାଫ, ସୂର୍ଯ୍ୟ ପଣ୍ଡାଙ୍କ ସହ ସମସ୍ତ କାଉନସିଲରବୃନ୍ଦ ଏବଂ ଜନସାଧାରଣ ଯୋଗଦାନ କରି ପ୍ରବାଦପୁରୁଷ ବିଜୁବାବୁଙ୍କ ସ୍ମୃତିଚାରଣ କରିବା ସହ ବିଜୁବାବୁ ଭାରତର ଗର୍ବ ଓ ଗୌରବ ଥିଲେ ବୋଲି ଅଭିହିତ କରିଥିଲେ। ଏହି ଅବସରରେ ବିଜୁବାବୁଙ୍କ ଭାରତ ସରକାର ‘ଭାରତରତ୍ନ’ସମ୍ମାନ ତୁରନ୍ତ ପ୍ରଦାନ କରନ୍ତୁ ବୋଲି ବରଗଡ଼ ବିଜେଡି ପକ୍ଷରୁ ଦୃଢ଼ ଦାବି କରାଯାଇଥିଲା।
