ବୌଦ୍ଧ,୫।୩( ଅଜିତ କୁମାର ବାରିକ): ଡାକ୍ତରଙ୍କ ଭୁଲ୍ ଚିକିତ୍ସା ଯୋଗୁଁ ଜଣେ ଯୁବକଙ୍କ ମୃତ୍ୟୁ ହୋଇଛି । ଏଭଳି ଏକ ସାଂଘାତିକ ଅଭିଯୋଗ ଆସିଛି ବୌଦ୍ଧ ଜିଲାରୁ । ଏହି ଘଟଣାକୁ ନେଇ ହସ୍ପିଟାଲରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଛି ।
ମିଳିଥବା ସୂଚନା ମୁତାବକ, ବୌଦ୍ଧ ଜିଲା ହରଭଙ୍ଗ ବ୍ଲକ ପୁରୁଣା କଟକ ମେଡିକାଲ ପଛ ସାହିରେ ସୁବ୍ରତ ନାୟକଙ୍କ ସ୍ବାସ୍ଥ୍ ଖରାପ ହେବାରୁ ଗୁରୁବାର ଦିନ ପୁରୁଣା କଟକ ମେଡ଼ିକାଲକୁ ଆସି ଥଲେ । ଡାକ୍ତର ତାଙ୍କୁ ଦେଖିବା ପରେ ଇଂଜେକ୍ସନ ଦେବାକୁ କହିଥିଲେ । ତାଙ୍କୁ ଇଂଜେକ୍ସନ ଦେବା ପରେ ସେ ଗୁରୁତର ହେବା ସହ ଶରୀର କଳା ପଡିଯାଇଥିଲା । ଏହାପରେ ସଙ୍ଗେସଙ୍ଗେ ସେଠାରୁ ତାଙ୍କୁ ବୌଦ୍ଧ ମେଡ଼ିକାଲକୁ ପଠା ଯାଇଥିଲା । ବୌଦ୍ଧ ହସ୍ପିଟାଲରେ ତାଙ୍କର ମୃତ୍ୟୁ ହୋଇଯାଇଥିଲା । ତେବେ ପରିବାର ଲୋକ ଡାକ୍ତରଙ୍କ ଭୁଲ ଚିକିତ୍ସା ଯୋଗୁଁ ମୃତ୍ୟୁ ହୋଇଥିବା ଅଭିଯୋଗ କରିଛନ୍ତି ।
