ଗଜପତି, ୪।୧୦(ଗିରିଧାରୀ ପରିଚ୍ଛା): ଗଜପତି ଜିଲା ବିଜେଡିକୁ ଲାଗିଛି ଏକ ବଡ଼ ଝଟକା। ୨୦୨୪ ସାଧାରଣ ନିର୍ବାଚନରେ ମୋହନା ବିଜେଡି ବିଧାୟକ ପ୍ରାର୍ଥୀ ଥିବା ଅନ୍ତର୍ଯ୍ୟାମୀ ଗମାଙ୍ଗ ବିଜେଡିକୁ କରିଛନ୍ତି ବାଏ ବାଏ। ସେ ୨୦୦୯ରେ ଭାଜପା ପକ୍ଷରୁ ମୋହନା ବିଧାୟକ ପ୍ରାର୍ଥୀ ଥିଲେ। କିନ୍ତୁ ୨୦୧୪ରେ ସେ ଭାଜପା ଛାଡି ବିଜେଡିରେ ସାମିଲ ହୋଇଥିଲେ। ତାଙ୍କ ଯୋଗଦାନ ପରେ ମୋହନାରେ ବିଜେଡି ସଶକ୍ତ ହୋଇଥିଲା। ଏହାପରେ ଦଳ ତାଙ୍କ ପତ୍ନୀ ପୂର୍ଣ୍ଣବାସୀ ନାୟକଙ୍କୁ ବିଜେଡି ପ୍ରାର୍ଥୀ କରିଥିବା ବେଳେ ୨୦୨୪ରେ ବିଜେଡିରୁ ଅନ୍ତର୍ଯ୍ୟାମୀ ପ୍ରାର୍ଥୀ ହୋଇଥିଲେ। ସେହିପରି ସେ ୨୦୧୭ରୁ ୨୦୧୯ ଯାଏ ସ୍ବତନ୍ତ୍ର ଉନ୍ନୟନ ପରିଷଦର ଜିଲା ଅଧ୍ୟକ୍ଷ ଥିଲେ। ତେବେ ସେ ନିଜର ବ୍ୟକ୍ତିଗତ କାରଣ ଦର୍ଶାଇ ଇସ୍ତଫା ଦେଇଥିବା ନିଜ ଇସ୍ତଫାପତ୍ରରେ ଉଲ୍ଲେଖ କରିଛନ୍ତି। ତେବେ ସେ ନିଜ ପ୍ରତିକ୍ରିୟାରେ ଜରୁରୀ ବିଶୃଙ୍ଖଳା ଯୋଗୁ ଇସ୍ତଫା ପତ୍ର ଦେଉଥିବା ଆଉ ଏକ କାରଣ ବୋଲି କହିଛନ୍ତି।
