ଅଧିନାୟକ ବିରାଟ କୋହଲି ଓ ବଲିଉଡ ଅଭିନେତ୍ରୀ ଅନୁଷ୍କା ଶର୍ମାଙ୍କ ଯୋଡିକୁ ସମସ୍ତେ ଖୁବ୍ ପସନ୍ଦ କରନ୍ତି। ଉଭୟ ନିଜର ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିଛନ୍ତି। ବ୍ୟସ୍ତବହୁଳ ଜୀବନରେ ଉଭୟଙ୍କ ସୁରକ୍ଷାକୁ ନେଇ ତାଙ୍କ ଫ୍ୟାନ୍ଙ୍କ ମନରେ ଅନେକ ପ୍ରଶ୍ନ ଆସିଥାଏ। ଯେପରିକି ତାଙ୍କ ସିକ୍ୟୁରିଟି ଦାୟିତ୍ୱ କିଏ ନେଇଛନ୍ତି , ତାଙ୍କ ବଡିଗାର୍ଡଙ୍କ ଦରମା କେତେ ଇତ୍ୟାଦି…
ଏକ ରିପୋର୍ଟ ଅନୁଯାୟୀ, ପ୍ରକାଶ ସିଂ ଓରଫ ସୋନୁ ବିରାଟ ଏବଂ ଅନୁଷ୍କାଙ୍କ ସୁରକ୍ଷା ଦାୟିତ୍ୱ ନେଇଛନ୍ତି। ସୋନୁ ସବୁବେଳେ ତାଙ୍କ ପାଖରେ ଛାଇ ପରି ରହିଥାନ୍ତି । ବିରାଟ ଓ ଅନୁଷ୍କା ସୋନୁଙ୍କୁ ମୋଟା ଅଙ୍କର ଦରମା ଦେଇଥାନ୍ତି । ସୋନୁଙ୍କୁ ବିରାଟ-ଅନୁଷ୍କା ବର୍ଷକୁ ୧.୨ କୋଟି ଟଙ୍କା ଦିଅନ୍ତି। ଏତିକି ଟଙ୍କା କିଛି କମ୍ପାନୀର ସିଇଓ ମଧ୍ୟ ପାଉନାହାନ୍ତି ଯେତିକି ଟଙ୍କା ପାଉଛନ୍ତି ବିରୁଷ୍କାଙ୍କ ବଡିଗାର୍ଡ । ବିରୁଷ୍କା ସୋନୁଙ୍କୁ ତାଙ୍କ ପରିବାରର ସଦସ୍ୟ ପରି ଭାବନ୍ତି ।
