ଖୋର୍ଦ୍ଧା,୨୫।୭(ପ୍ରଭାତ ପାଣିଗ୍ରାହୀ): ଖୋର୍ଦ୍ଧା ଜିଲା ଖୋର୍ଦ୍ଧା ବ୍ଲକ ଜଂକିଆ ମୁଣ୍ଡାଆମ୍ବ ବାର୍ଡ ଫ୍ଲୁ ଘୋଷଣା କରାଯାଇଛି। ଗତକାଲି ପ୍ରଥମ ଦିନରେ ୪୫୦୭ କୁକୁଡା ମରାଯାଇ ପୋତାଯାଇଛି । ଦ୍ବିତୀୟ ଦିନରେ ବି ଏହି ଅଭିଯାନ ଜାରି ରହିଛି। ଶୁକ୍ରବାର ଦ୍ୱିତୀୟ ଦିନରେ କୁକୁଡ଼ା ଫାର୍ମ ନିକଟରେ ଥିବା ଏକ ବତକ ଫାର୍ମରେ ୪୦୭ ବତକଙ୍କୁ ମରା ଅଭିଯାନ ଚାଲିଛି। ଆଜି ପଶୁ ଚିକିତ୍ସା ବିଭାଗର ୧୧ଟି ଟିମ ବତକ ମରା ଅଭିଯାନରେ ସାମିଲ ଅଛନ୍ତି। ଜିଲା ପ୍ରାଣୀଧନ ପଶୁ ଚିକିତ୍ସା ବିଭାଗ ଡେପୁଟି ଡାଇରେକ୍ଟର ମାନସ କୁମାର ଚାନ୍ଦ ଜନ ସାଧାରଣ ଭୟଭୀତ ନହେବା ପାଇଁ କହିଛନ୍ତି। ଉକ୍ତ ଅଞ୍ଚଳର ଏକ କି.ମି. ପରିଧି ଅଞ୍ଚଳରେ ସର୍ଭେଲାନ୍ସ ରଖାଯାଇଛି। ୧୨ଟି ଆରଆରଟି ଟିମ ଆକ୍ଟିଭ ରହିଛି। ଏହାସହିତ ୨ଟି ଆରଆରଟି ଟିମ ସମ୍ପୃକ୍ତ ଅଂଚଳର ସ୍ଥିତି ଅନୁଧ୍ୟାନ କରୁଛନ୍ତି। ପ୍ରକାଶ ଯେ ଏହି କୁକୁଡା ଫାର୍ମ ପୂର୍ବରୁ ୭୦୦ କୁକୁଡା ମଡକ ହୋଇଥିଲା। ଖବରପାଇ ଟିମ ପହଞ୍ଚି ନମୁନା ସଂଗ୍ରହ କରି ପଠାଇଥିଲେ। ଭୋପାଳରୁ ରିପୋର୍ଟ ପଜିଟିଭ ଆସିବା ପରେ ପ୍ରଶାସନ ପକ୍ଷରୁ ବାର୍ଡ ଫ୍ଲ ଘୋଷଣା କରାଯାଇଛି।
