ମୁମ୍ବାଇ: ବଲିଉଡର ଚର୍ଚ୍ଚିତ ମୁଭି ‘ଟୟଲେଟ ଏକ ପ୍ରେମ କଥା’ର ପ୍ରଡ୍ୟୁସର ପ୍ରେରଣା ଆରୋରା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାୟୋପିକ ପ୍ଲାନ କରୁଛନ୍ତି। ଲିଡ ରୋଲରେ ସେ ଅମିତାଭ ବଚ୍ଚନଙ୍କୁ ନେବାକୁ ଚାହୁଁଛନ୍ତି। ପ୍ରେରଣାଙ୍କୁ ଲାଗୁଛି ନରେନ୍ଦ୍ର ମୋଦିଙ୍କଠାରୁ ଅଧିକ ହ୍ୟାଣ୍ଡସମ, ଡାଇନାମିକ ଓ ଯୋଗ୍ୟ ବ୍ୟକ୍ତିତ୍ୱ ଆଉ କେହି ହୋଇ ନ ପାରନ୍ତି। ପ୍ରେରଣା ନରେନ୍ଦ୍ର ମୋଦିଙ୍କର ସବୁଠାରୁବଡ ଫ୍ୟାନ ଫଲୋଇଙ୍ଗ ମଧ୍ୟରୁ ଅନ୍ୟତମ। ତାଙ୍କୁ ଲାଗୁଛି କି ସେ ତାଙ୍କ ଉପରେ ସାନଦାର ମୁଭି ପ୍ରସ୍ତୁତ କରିପାରିବେ। ଏକ ସାକ୍ଷାତକାରରେ ସେ ମୋଦିଙ୍କର ଖୁବ ପ୍ରଶଂସା କରିଛନ୍ତି।
ସୂଚନାଯୋଗ୍ୟ, ପ୍ରଧାନମନ୍ତ୍ରୀ ମୋଦିଙ୍କ ଉପରେ ପୂର୍ବରୁ ଏକ ବାୟୋପିକ ପ୍ରସ୍ତୁତ କରାଯାଇଛି। ଯେଉଁଥିରେ ବିବେକ ଓବରୟ ମୁଖ୍ୟ ଭୂମିକାରେ ନଜର ଆସିଥିଲେ। ଏବେ ଆଉ ଏକ ବାୟୋପିକର ଖବର ଆସୁଛ। ନିର୍ମାତା ପ୍ରେରଣା ଆରୋରା ତାଙ୍କର ଏକ ସାକ୍ଷାତକାରରେ କହିଛନ୍ତି ଯେ ସେ ନରେନ୍ଦ୍ର ମୋଦିଙ୍କ ଉପରେ ଫିଲ୍ମ କରିବାକୁ ଚାହୁଁଛନ୍ତି। ତାଙ୍କୁ ପଚରାଯାଇଥିଲା କି ସେ ନରେନ୍ଦ୍ର ମୋଦିଙ୍କ ପ୍ରଶଂସକ କି? ଶତ୍ରୁଘ୍ନ ସିହ୍ନାଜୀ ଯେପରି କହିଛନ୍ତି, ମୋଦିଜୀ ହେଉଛନ୍ତି ଏହି ଦେଶର ପ୍ରକୃତ ଆକ୍ସନ ହିରୋ ବୋଲି ଉତ୍ତର ଦେଇଥିଲେ ପ୍ରେରଣା।
ତାଙ୍କୁ ନରେନ୍ଦ୍ର ମୋଦି ଭୂମିକାରେ କିଏ ଅଭିନୟ କରିବେ ବୋଲି ପଚରାଯିବାରୁ ସେ ଏହାର ଏକ ଭଲ ଉତ୍ତର ଦେଇଥିଲେ। ତେବେ ଅମିତାଭ ବଚ୍ଚନଙ୍କୁ ସେ ଏଥିପାଇଁ ପସନ୍ଦ କରନ୍ତି ବୋଲି କହିଥିଲେ। ଏହି ସାକ୍ଷାତକାରରେ ସେ ପ୍ରଧାନମନ୍ତ୍ରୀ ଡ୍ରେସିଂ ସେନ୍ସକୁ ବି ପ୍ରଶଂସା କରିଛନ୍ତି। ସେ କହିଛନ୍ତି ଯେ ତାଙ୍କ ପୋଷାକ ଭାରତୀୟ ସଂସ୍କୃତିର ଝଲକ ଦେଖିବାକୁ ମିଳିଥାଏ। ତେବେ ଏହା ଉପରେ ସମସ୍ତଙ୍କ ଭିନ୍ନ ମତ ଥାଇପାରେ ବୋଲି ପ୍ରଜୋଜିକା କହିଛନ୍ତି। ପ୍ରଧାନମନ୍ତ୍ରୀ ମୋଦିଙ୍କ ପରି ଜଣେ ଜନପ୍ରତିନିଧିଙ୍କ ବିଷୟରେ ଲୋକଙ୍କ ଭିନ୍ନ ମତ ଥାଇପାରେ ବୋଲି ସେ କହିଛନ୍ତି। ସେ କୁହନ୍ତି, ଯେତେବେଳେ ଆପଣ ଜଣେ ଜନସାଧାରଣଙ୍କୁ ମୂଲ୍ୟାଙ୍କନ କରୁଛନ୍ତି, ସେତେବେଳେ ଆପଣ ସେମାନଙ୍କର କାର୍ଯ୍ୟ, ନୀତି ଏବଂ ସମାଜ ଉପରେ ଏହାର ପ୍ରଭାବ ପ୍ରତି ମଧ୍ୟ ଧ୍ୟାନ ଦେବା ଉଚିତ ବୋଲି ପ୍ରଡ୍ୟୁସର ପ୍ରେରଣା ଆରୋରା କହିଛନ୍ତି।
