ମନମୁଣ୍ଡା,୧୯ା୯(ଡି.ଏନ.ଏ.): ବୌଦ୍ଧ ଜିଲା ମନମୁଣ୍ଡା ଥାନା ଶଗଡା ରାସ୍ତାରେ ବାଇକ୍ ଦୁର୍ଘଟଣା ଘଟିଛି। ଫଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ହୋଇଛନ୍ତି। ସୋମବାର ଅପରାହ୍ନରେ ଶଗଡା ପଞ୍ଚାୟତର ସିଗାଡି ଗ୍ରାମର ଗୋବର୍ଦ୍ଧନ ମଲିକ (୪୦) ଓ ଚୁହୁରାକନ ଗ୍ରାମର ପ୍ରମୋଦ କହଁର ଏକ ମୋଟର ସାଇକେଲ ଓଡି-୩୧-୯୭୫୨ ଯୋଗେ ଶଗଡାରୁ ନିଜ ଗ୍ରାମକୁ ଆସୁଥିଲେ। ଭାଲିଆପଦର ମେଟାକାନି ନିକଟରେ ଭାରସାମ୍ୟ ହରାଇ ବାଇକ୍ ଦୁର୍ଘଟଣା ଘଟିଥିଲା। ଦୁର୍ଘଟଣା ଯୋଗୁ ଉଭୟେ ଗୁରୁତର ଆହତ ହୋଇପଡିଥିଲେ। ସେମାନଙ୍କୁ ସ୍ଥାନୀୟ ଲୋକେ ମନମୁଣ୍ଡା ମେଡିକାଲରେ ଭର୍ତ୍ତି କରାଯାଇଥିଲା। ହେଲେମେଡିକାଲରେ ଡାକ୍ତର ଗୋବର୍ଦ୍ଧନ ମଲିକଙ୍କୁ ମୃତ ଘୋଷଣା କରିଥିଲେ। ପ୍ରମୋଦ ଗୁରୁତର ହେବାରୁ ତାଙ୍କୁ ସୋନପୁର ମେଡିକାଲକୁ ସ୍ଥାନାନ୍ତର କରାଯାଇଛି। ମନମୁଣ୍ଡା ପୋଲିସ ଏକ ମାମଲା ରୁଜୁ କରି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି।
