ବ୍ରହ୍ମପୁର,୩୧।୧(ସ୍ମୃତି ରଞ୍ଜନ ମହାଲିକ): ବ୍ରହ୍ମପୁର ମହାନଗର ନିଗମ (ବିଇଏମ୍ସି) ପକ୍ଷରୁ ମୁକ୍ତା ଯୋଜନାରେ ସହରର ଜଳାଶୟଗୁଡିକର ପୁନରୁଦ୍ଧାର ଓ ସାୈନ୍ଦର୍ଯ୍ୟକରଣ ପାଇଁ ପଦକ୍ଷେପ ଗ୍ରହଣ କରାଯାଇଛି। ସହରରେ ଥିବା ୪୮ଟି ପୋଖରୀକୁ ଆମ ପୋଖରୀରେ ସାମିଲ କରାଯାଇଛି। ସେଥିମଧ୍ୟରୁ ୩୧ଟି ପୋଖରୀର ପୁନରୁଦ୍ଧାର ଓ ସାୈନ୍ଦର୍ଯ୍ୟକରଣ ପାଇଁ ଗତ ଡିସେମ୍ବର ୧୩ ତାରିଖରେ ୮୦ଟି ସ୍ବୟଂ ସହାୟକ ଗୋଷ୍ଠୀଙ୍କୁ ୩୯ କୋଟି ୪୨ ଲକ୍ଷ ୪୯ ହଜାର ଟଙ୍କାର କାର୍ଯ୍ୟାଦେଶ ପ୍ରଦାନ କରାଯାଇଛି। ସେମାନଙ୍କୁ ତାଲିମ ମଧ୍ୟ ଦିଆଯାଇଛି। ଆଗାମୀ ଦିନରେ ଆଉ ୧୭ଟି ପୋଖରୀର ସାୈନ୍ଦର୍ଯ୍ୟକରଣ ପାଇଁ ଯୋଜନା ରହିଛି। ବହୁ ପୁରାତନ ବିଜିପୁର ପୋଖରୀର ସାୈନ୍ଦର୍ଯ୍ୟକରଣ ଓ ବୋଟିଂ ବ୍ୟବସ୍ଥା କରାଯିବା ଯୋଜନା ଥିବା ଗତ ୧ ତାରିଖରେ ବିଇଏମସି କମିଶନର ଜେ. ସୋନାଲ ସୂଚନା ଦେଇଥିଲେ। ଏହାକୁ ସାଧାରଣରେ ସ୍ବାଗତ କରାଯାଇଛି। କିନ୍ତୁ କାର୍ଯ୍ୟ ବିଳମ୍ବ କାରଣରୁ ବର୍ତ୍ତମାନ ପୋଖରୀ ତୁଠଗୁଡିକ କୁଢ କୁଢ ଆବର୍ଜନାରେ ଭର୍ତ୍ତି ହୋଇଛି। ଏହାକୁ ସଫେଇ ଦିଗରେ ନିଗମ ପକ୍ଷରୁ କାୈଣସି ପଦକ୍ଷେପ ଗ୍ରହଣ କରାଯାଉ ନ ଥିବା ଅଭିଯୋଗ ହୋଇଛି। ଯାହାକୁ ନେଇ ସ୍ଥାନୀୟ ବାସିନ୍ଦା ଅସନ୍ତୋଷ ପ୍ରକାଶ କରିଛନ୍ତି।
ବର୍ତ୍ତମାନ ପୋଖରୀ ପାର୍ଶ୍ୱ ରାସ୍ତା ମରାମତି ସାଙ୍ଗକୁ ଡ୍ରେନେଜ କାର୍ଯ୍ୟ ମଧ୍ୟ ଜାରି ରହିଛି। ବିଶେଷକରି ସ୍ଥାନୀୟ ବାସିନ୍ଦାଙ୍କଠାରୁ ଆରମ୍ଭ କରି ରିକ୍ସା ଚାଳକ ଓ ସାଧାରଣ ପଥଚାରୀ ମାନେ ଏହି ପୋଖରୀ ଉପରେ ବହୁଳ ଭାବେ ନିର୍ଭର କରିଥାନ୍ତି। କିନ୍ତୁ ପୋଖରୀର ସ୍ଥିତି ଏଭଳି ଥିବା କାରଣରୁ ବର୍ତ୍ତମାନ ତାହା ବ୍ୟବହାର ଉପଯୋଗୀ ହୋଇପାରୁ ନାହିଁ। ତୁଠରୁ ଆବର୍ଜନା ସଫେଇ ହେଉ ନ ଥିବା କାରଣରୁ ଗୃହ ପାଳିତ ପ୍ରାଣୀଗୁଡିକୁ ପୋଖରୀରେ ପଡି ମୃତ୍ୟୁବରଣ କରିବା ନେଇ ଆଶଙ୍କା ଦେଖାଦେଇଛି। ଅନ୍ୟପଟେ ପୋଖରୀ ତୁଠରେ ଆବର୍ଜନା ଜମି କାରଣରୁ ସ୍ଥାନୀୟ ବାସିନ୍ଦା ନିତ୍ୟ ବ୍ୟବହାର୍ଯ୍ୟ ନିମନ୍ତେ ଉକ୍ତ ପାଣିକୁ ବ୍ୟବହାର କରିପାରୁ ନାହାନ୍ତି। ଏ ନେଇ ନିଗମର ନିର୍ବାହୀ ଯନ୍ତ୍ରୀ ଇଂ ଲଳିତ ମୋହନ ଦାଶଙ୍କୁ ପଚାରିବାରୁ ସେ କହିଛନ୍ତି, କାର୍ଯ୍ୟ ଆରମ୍ଭ ନେଇ ସମସ୍ତ ପ୍ରକ୍ରିୟା ସରିଛି। ଖୁବଶୀଘ୍ର କାର୍ଯ୍ୟ ଆରମ୍ଭ ହେବ ବୋଲି ସେ କହିଛନ୍ତି। କିନ୍ତୁ ସାୈନ୍ଦର୍ଯ୍ୟକରଣ ପୂର୍ବରୁ ବର୍ତ୍ତମାନ ପୋଖରୀ ତୁଠରେ ପଡି ରହିଥିବା ଆବର୍ଜନାକୁ ସଫେଇ କରିବା ପାଇଁ ସ୍ଥାନୀୟ ବାସିନ୍ଦା ଦାବି କରିଛନ୍ତି। ସୂଚନାଯୋଗ୍ୟ, ୨୦୦୪-୨୦୦୫ରେ ବ୍ରହ୍ମପୁର ପାୈର ପାଳିକା ସମୟରେ ବିଜିପୁର ପୋଖରୀରେ ବୋଟିଂ ବ୍ୟବସ୍ଥା କରାଯାଇଥିଲା। କିନ୍ତୁ କାୈଣସି କାରଣରୁ ତାହା ବନ୍ଦ ହେବା ସହ ପୋଖରୀର ସାୈନ୍ଦର୍ଯ୍ୟକରଣ ମଧ୍ୟ ଭୁଶୁଡି ପଡିଥିଲା। ଏହାପରେ ୨୦୧୫-୧୬ରେ ୮ଲକ୍ଷ ୧୧ହଜାର ୭୫୯ ଟଙ୍କା, ୨୦୧୮-୨୦୧୯ରେ ୨୧ ଲକ୍ଷ ୯୨ ହଜାର ଓ ୨୦୨୦-୨୧ରେ ୫୬ ଲକ୍ଷ ୭୯ ହଜାର ୮୪୫ ଟଙ୍କା ପୋଖରୀ ଉନ୍ନତୀକରଣ ପାଇଁ ଖର୍ଚ୍ଚ ହୋଇଥିଲା।
