ପାଟନା,୧୮ ।୧୨: ଛତରା, ଶିୱାନ ଓ ବେଗୁସରାଇରେ ବିଶାକ୍ତ ମଦ ଯୋଗୁ ହେଉଥିବା ମୃତ୍ୟୁ ପରେ ଏବେ ଏହା ଉପରେ କାର୍ଯ୍ୟାନୁଷ୍ଠାନ ଆରମ୍ଭ ହୋଇଯାଇଛି । ଛତାର ପୋଲିସ ଦ୍ୱାରା ବିଶାକ୍ତ ମଦ କାରବାର ମାମଲାରେ ଜଣଙ୍କୁ ଗିରଫ କରାଯାଇଛି । ଏହି ଘଟଣା ପାଇଁ ଗଠିତ ହୋଇଥିବା ଏସଆଇଟି ଟିମ ମଦ ମାଫିଆ ଅନିଲ ସିଂଙ୍କୁ ଗିରଫ କରିଛି । ଏପଟେ ଅପରେଶନ କ୍ଲିନ ମାଧ୍ୟମରେ ୨୭୧ ମଦ ବ୍ୟବସାୟୀଙ୍କୁ ଗିରଫ କରାଯାଇଛି । ଏହା ବ୍ୟତୀତ ୬,୩୩୫ ଲିଟର ମଦ ଓ ୨୧ଟି ଗାଡିକୁ ଜବତ କରାଯାଇଛି ।
ସୂଚନାଯୋଗ୍ୟ, କିଛିଦିନ ହେବ ବିହାରରେ ବିଶାକ୍ତ ମଦ ପିଇ ଅନେକଙ୍କର ମୃତ୍ୟୁ ହେବା ପରେ ଏବେ ଏହାକୁ ନେଇ କାର୍ଯ୍ୟାନୁଷ୍ଠାନ ଆରମ୍ଭ କରାଯାଇଛି । ଏହାସହ ଏହି ଘଟଣାକୁ ନେଇ ରାଜନୀତି ବି ହୋଇଛି ସରଗରମ । ବିରୋଧି ରାଜ୍ୟ ସରକାରଙ୍କୁ ଏଥିପାଇଁ ଦୋଷ ଦେଉଥିବା ବେଳେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଏହାକୁ ନେଇ ନିଜ ଭୂଲ ନ ମାନିବାକୁ ଚେଷ୍ଟା କରିଛନ୍ତି ।
