ପାଟନା, ୨୬।୧୦: ଆସନ୍ତା ଅକ୍ଟୋବର ୨୮ରେ ବିହାର ବିଧାନସଭାର ପ୍ରଥମ ପର୍ଯ୍ୟାୟ ପାଇଁ ମତଦାନ ହେବ। କିନ୍ତୁ ଏହାର ଠିକ ପୂର୍ବରୁ ଭାଜପା ଖବରକାଗଜରେ ଏକ ବିଜ୍ଞାପନ ଦେଇଥିଲା। ଯାହାକୁ ନେଇ ଚର୍ଚ୍ଚା ଆରମ୍ଭ ହୋଇଛି। ଏହି ବିଜ୍ଞାପନରେ କେବଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋ ରହିଛି। ଏନଡିଏରେ ସାମିଲ ଜନତା ଦଳ ୟୁନାଇଟେଡ, ହିନ୍ଦୁସ୍ତାନୀ ଆୱାମ ମୋର୍ଚ୍ଚା ଏବଂ ବିକାଶୀଳ ଇନସାନ ପାର୍ଟି ପରି ଅନ୍ୟ ରାଜନୈତିକ ଦଳର ଚିହ୍ନ ଏହି ବିଜ୍ଞାପନରେ ରହିଥିଲା କିନ୍ତୁ ବିହାର ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ଫଟୋ ଏହି ବଡ ବିଜ୍ଞାପନରେ ନ ଥିଲା। ରାଷ୍ଟ୍ରୀୟ ଜନତା ଦଳ ନିଜ ଟୁଇଟର୍ ପେଜ୍ରେ ଏହି ବିଜ୍ଞାନ ବାହାରି ଥିବା ପେପର୍ ଗୁଡିକର ଫଟୋ ଛାଡି କହିଛି ଯେ, ବିହାରର ମୁଖ୍ୟମନ୍ତ୍ରୀ ଚୟନ କରାଯିବ, ପ୍ରଧାନମନ୍ତ୍ରୀ ନୁହେଁ। ସୂଚନାଯୋଗ୍ୟ, ଅକ୍ଟୋବର ୨୩ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସାସାରାମ ଏବଂ ଭାଗଲପୁରରେ ନୀତୀଶ କୁମାରଙ୍କ ସହ ମିଳିତ ରାଲିରେ ସମ୍ବୋଧିତ କରିଥିଲେ।
बिहार में मुख्यमंत्री चुना जाना है प्रधानमंत्री नहीं pic.twitter.com/5LdcXJDqzz
— Rashtriya Janata Dal (@RJDforIndia) October 25, 2020
