ଓ୍ବାଶିଂଟନ,୫।୧୧: ଆମେରିକା ରାଷ୍ଟ୍ରପତି ନିର୍ବାଚନରେ ଡେମୋକ୍ରାଟିକ୍ ପାର୍ଟି ପ୍ରାର୍ଥୀ ଜୋ ବାଇଡେନ୍ ଏବେ କ୍ଷମତା ଦଖଲ ମୁହାଁ ହେବାରେ ଲାଗିଛନ୍ତି। ଇତିମଧ୍ୟରେ ୫୦ ରାଜ୍ୟ ମଧ୍ୟରୁ ୪୩ ରାଜ୍ୟର ଫଳାଫଳ ମିଳିଛି। ମିଳିଥିବା ଫଳାଫଳ ଅନୁସାରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କୁ ପଛରେ ପକାଇ ବାଇଡେନ୍ ଆଗୁଆ ରହିଛନ୍ତି। ଇଲେକ୍ଟୋରଲ ଭୋଟ ଗଣତିରେ ବାଇଡେନ୍ ୨୬୪ରେ ଥିବାବେଳେ ଟ୍ରମ୍ପ୍ ୨୧୪ରେ ରହିଛନ୍ତି। କ୍ଷମତା ହାସଲ ପାଇଁ ମୋଟ ୫୩୮ ଇଲେକ୍ଟୋରଲ ଭୋଟ ମଧ୍ୟରୁ ୨୭୦ ଇଲେକ୍ଟୋରଲ ଭୋଟର ଆବଶ୍ୟକତା ରହିଛି। ବାଇଡେନ ଧିରେଧିରେ ଏହି କ୍ଷମତା ହାସଲ ପାଇଁ ଆବଶ୍ୟକ କୁହୁକ ସଂଖ୍ୟା ମୁହାଁ ହେବାରେ ଲାଗିଛନ୍ତି। ଏପରିସ୍ଥଳେ ଟ୍ରମ୍ପ୍ ରିପବ୍ଲିକ୍ ପାର୍ଟିର ପରାଜୟ ହୋଇଥିବା ସ୍ବୀକାର କରିବାକୁ ଅରାଜି ହୋଇଛନ୍ତି। ଅସାଧୁ ଉପାୟରେ ବାଇଡେନ ଭୋଟ ଫଳାଫଳ ପରିବର୍ତ୍ତନ କରିଥିବା ଅଭିଯୋଗ ଟ୍ରମ୍ପ୍ ଆଣିଛନ୍ତି।
