ଭୁବନେଶ୍ୱର, ୧।୭ (ବିଜୟ ରଣା): ଅଲ୍ ଓଡ଼ିଶା ଆନ୍ତଃ କ୍ଲବ ଭାରୋତ୍ତୋଳନ ପ୍ରତିଯୋଗିତା କଳିଙ୍ଗ ସ୍ପୋଟର୍ସ କମ୍ପ୍ଲେକ୍ସସ୍ଥିତ ବିଜୁ ପଟ୍ଟନାୟକ ଏଚ୍ପିସି ଓ୍ବେଟ୍ ଲିଫ୍ଟିଂ ହଲ୍ରେ ଅନୁଷ୍ଠିତ ହୋଇଯାଇଛି। ଏଥିରେ ଭୁବନେଶ୍ୱର ସ୍ପୋଟର୍ସ ହଷ୍ଟେଲ ୨୧ ପଦକ (୧୨ ସ୍ବର୍ଣ୍ଣ, ୪ ରୌପ୍ୟ ଓ ୫ ବ୍ରୋଞ୍ଜ) ସହ ଚାମ୍ପିୟନ ହୋଇଥିବା ବେଳେ ବିୟର ହନୁମାନ କ୍ଲବ ୨୨ପଦକ (୮ ସ୍ବର୍ଣ୍ଣ, ୭ରୌପ୍ୟ ଓ ୭ ବ୍ରୋଞ୍ଜ) ସହ ରନର ଅପ୍ ହୋଇଛିି। ଗଞ୍ଜାମର ଫିଜିକାଲ କ୍ଲବ ୨୦ ପଦକ (୪ସ୍ବର୍ଣ୍ଣ, ୯ରୌପ୍ୟ ଓ ୭ ବ୍ରୋଞ୍ଜ) ସହ ତୃତୀୟ ସ୍ଥାନ ଅଧିକାର କରଛି। ଉଦ୍ଯାପନୀ ଉତ୍ସବରେ ରାଜ୍ୟ କ୍ରୀଡ଼ା ଓ ଯୁବସେବା ବିଭାଗ ସଚିବ ଆର୍. ଭିନିଲ କ୍ରିଷ୍ଣା, କ୍ରୀଡ଼ା ନିର୍ଦ୍ଦେଶକ ସିଦ୍ଧାର୍ଥ ଦାସ, କ୍ରୀଡ଼ା ବିଭାଗର ଅଫିସିଆଲ ଏବଂ ହାଇପର୍ଫମାନ୍ସ ସେଣ୍ଟରର ପ୍ରତିନିଧିଗଣ ଉପସ୍ଥିତ ଥିଲେ। ଏହି ରାଜ୍ୟସ୍ତରୀୟ ଟୁର୍ନାମେଣ୍ଟରେ ୧୦ଟି ଜିଲା ଏବଂ ୨୦ଟି ଭାରୋତ୍ତୋଳନ କ୍ଲବର ୨୦୦ ପ୍ରତିଭାସମ୍ପନ୍ନ ଭାରୋତ୍ତୋଳକ ଅଂଶଗ୍ରହଣ କରି ସେମାନଙ୍କର ଦକ୍ଷତା ପ୍ରଦର୍ଶନ କରିଥିଲେ।
