ମହାରାଷ୍ଟ୍ରରୁ ଆସିଥିବା ଏକ ଖବର ଏବେ ସମସ୍ତଙ୍କର ଭ୍ରୁକୁଞ୍ଚନ କରିଛି । ମହାରାଷ୍ଟ୍ରର ଭିବଣ୍ଡିରେ ରହୁଥିବା ଜଣେ କୃଷକ ହେଲିକପ୍ଟର କିଣିଛନ୍ତି । ମିଳିଥିବା ସୂଚନା ଅନୁଯାୟୀ, ଜନାର୍ଦ୍ଦନ ଭୋଇର ନାମକ ଏହି ୃଷକ ଦେଶସାରା ନିଜ ବ୍ୟବସାୟ ପାଇଁ ଯାତ୍ରା କରିବାକୁ ୩୦ କୋଟି ଟଙ୍କାର ଏକ ହେଲିକପ୍ଟର କିଣିଛନ୍ତି । ସେ ଜଣେ କୃଷକ ସହ ବିଲଡର୍ ବି । କିଛିଦିନ ହେବ ସେ ଡାଏରୀ ବ୍ୟସାୟରେ ପାଦ ରଖିଛନ୍ତି । ଯେଉଁଥିପାଇଁ ତାଙ୍କୁ ବହୁ ରାଜ୍ୟ ଗସ୍ତ କରିବାକୁ ପଡୁଛି । ନିକଟରେ ଏକ ୱେବ ସାଇଟକୁ ଦେଇଥିବା ଏକ ସାକ୍ଷାତ୍କାରରେ ଜନାର୍ଦ୍ଦନ କହିଛନ୍ତି ସେ ଏକ ହେଲିକପ୍ଟର କିଣିଛନ୍ତି । କାରଣ ଅନେକ ସମୟରେ ସେ ବ୍ୟବସାୟ ପାଇଁ ପଞ୍ଜାବ, ରାଜସ୍ଥାନ, ହରିୟାଣା ଓ ଗୁଜରାଟ ଗସ୍ତରେ ଯାଇ ଥାଆନ୍ତି । ତେଣୁ ସମୟ ବଞ୍ଚାଇବାକୁ ଯାଇ ସେ ହେଲିକପ୍ଟର କିଣିଛନ୍ତି । କେବଳ କ୍ଷୀର ବ୍ୟବସାୟ ନୁହେଁ ଚାଷ କାମ ପାଇଁ ବି ତାଙ୍କୁ ବିଭିନ୍ନ ରାଜ୍ୟକୁ ଯିବାକୁ ପଡିଥାଏ ବୋଲି ସେ ପ୍ରକାଶ କରିଛନ୍ତି । ଏବେ ସେ ୨୧୫ ଏକର ସ୍ଥାନରେ ସୁରକ୍ଷା ପାଚେରି ସହ ହେଲିପ୍ୟାଡ, ଏକ ପାଇଲଟ ରୁମ୍, ଓ ଗୋଟିଏ ଟେକନିସିଆନ୍ ରୁମ ତିଆରି କରିବାକୁ ଯୋଜନା କରିଛନ୍ତି । ତେବେ ୧୫ ମାର୍ଚ୍ଚକୁ ତାଙ୍କୁ ହେଲିକପ୍ଟର ମିଳିଯିବ ବୋଲି ସେ କହିଛନ୍ତି । ଆଉ ୨୧୫ ଏକର ଜମିରେ ସେ ହେଲିପ୍ୟାଡ ସହ ଅନ୍ୟ ସୁବିଧା କରାଇବେ ବୋଲି କହିଛନ୍ତି ।
