ଭାରତ ଯୋଡୋ ନ୍ୟାୟ ଯାତ୍ରା ପରେ ଆଜି ମୁମ୍ବାଇରେ ନ୍ୟାୟ ସଙ୍କଳ୍ପ ପଦଯାତ୍ରା କରିବେ ରାହୁଲ ଗାନ୍ଧୀ

ନୂଆଦିଲ୍ଲୀ,୧୭।୩: ଲୋକ ସଭା ନିର୍ବାଚନ ୨୦୨୪କୁ ଧ୍ୟାନରେ ରଖି ଜାନୁଆରୀ ୧୪ ୨୦୨୪ରୁ ମଣିପୁରରୁ ଆରମ୍ଭ ହୋଇଥିବା କଂଗ୍ରେସର ଭାରତ ଯୋଡୋ ନ୍ୟାୟ ଯାତ୍ରା ଗତକାଲି ଅର୍ଥାତ୍‌ ଶନିବାର ମୁମ୍ବାଇରେ ଶେଷ ହୋଇଛି। ରାହୁଲ ଗାନ୍ଧୀ ଆଜି ମୁମ୍ବାଇରେ ଏକ ପଦଯାତ୍ରା କରିବେ। ଏହି ସମୟ ମଧ୍ୟରେ ରାହୁଲ ବାଲା ସାହେବ ସ୍ମୃତି ସ୍ଥାନ ପରିଦର୍ଶନ କରିବେ।

ଏହି ପଦଯାତ୍ରା ମହାତ୍ମା ଗାନ୍ଧୀଙ୍କ ବାସଭବନ ମଣି ଭବନରୁ ଅଗସ୍ତ କ୍ରାନ୍ତି ମଇଦାନ ପର୍ଯ୍ୟନ୍ତ ହେବ। ମଣି ଭବନରୁ ଐତିହାସିକ ଅଗସ୍ତ କ୍ରାନ୍ତି ମଇଦାନର ଦୂରତା ପ୍ରାୟ ୧ କିଲୋମିଟର। ଏହାର ନାମ ନ୍ୟାୟ ସଙ୍କଳ୍ପ ପଦଯାତ୍ରା ରଖାଯାଇଛି। ସାମାଜିକ ଏବଂ ସାଂସ୍କୃତିକ କ୍ଷେତ୍ର ସହିତ ଜଡିତ ଲୋକମାନେ ଏହି ପଦଯାତ୍ରାରେ ଅଂଶଗ୍ରହଣ କରିବେ।