ଭଞ୍ଜନଗର,୨୮।୩(ବାବୁଲା ପ୍ରଧାନ)-ଗଞ୍ଜାମ ଜିଲା ଭଞ୍ଜନଗର ବାର ଆସୋସିଏସନ ନିର୍ବାଚନ ଶନିବାର ସରିଛି। ଏଥିରେ ସଭାପତି ଭାବେ ସନ୍ତୋଷ ନାୟକ ନିର୍ବାଚିତ ହୋଇଛନ୍ତି । ଏଥିସହ ସାଧାରଣ ସମ୍ପାଦକ ଭାବେ ଧୀରେନ ସ୍ବାଇଁ ଓ ଉପ ସଭାପତି ଭାବେ ରଜତ ଦାସ ର୍ନିବାଚିତ ହୋଇଛନ୍ତି। ପୁର୍ବରୁ ସହ ସଂପାଦକ ଭାବେ ସ୍ନିଗ୍ଧା ଦାସ ଏବଂ କୋଷାଧକ୍ଷ ଭାବେ ମଧୁସୂଦନ ପଣ୍ଡା ନିର୍ନ୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି।
ଆଗାମୀ ଦିନରେ କାର୍ଯ୍ୟକାରୀ କମିଟି କର୍ମକର୍ତ୍ତା ନିର୍ବାଚିତ ହେବେ। ନିର୍ବାଚନକୁ ବରିଷ୍ଠ ଆଇନଜୀବୀ ଲଡୁ କିଶୋର ଆଳତିଆ, ତ୍ରିନାଥ ମଳିକ,ବିମ୍ବାଧର ଷଡ଼ଙ୍ଗୀ, ଗିରିଜା ଶଙ୍କର ଭୂୟାଁ, ଧ୍ରୁବ ପ୍ରସାଦ ତ୍ରିପାଠୀ, ଅଭାଗିନୀ ବିଷୋୟୀ, ରାଜେଶର ଆଚାରୀ ପରିଚାଳନା କରିଥିଲେ। ନବ ନିର୍ବାଚିତ କର୍ମକର୍ତ୍ତାଙ୍କୁ ବହୁ ବିଶିଷ୍ଟ ବ୍ୟକ୍ତି ଏବଂ ଅଧିକାରୀ ଶୁଭେଚ୍ଛା ଜଣାଇଛନ୍ତି। ଗଞ୍ଜାମ ଜିଲାର ଏକ ଗୁରୁତ୍ୱପୂର୍ଣ୍ଣ ବାର ଆସୋସିଏଶନ ହେଉଛି ଭଞ୍ଜନଗର ବାର ଆସୋସିଏଶନ। ତେଣୁ ଅନେକ ସମୟରେ ଏହି ବାର ଆସୋସିଏଶନ ନିର୍ବାଚନ କଡ଼ା ମୁକାବିଲା ହୋଇଥାଏ। ଆଜି ମଧ୍ୟ କିଛି କର୍ମକର୍ତ୍ତା କଡ଼ା ମୁକାବିଲାରେ ବିଜୟୀ ହୋଇଛନ୍ତି ।
