ଭୁବନେଶ୍ୱର,୧୨।୧୨: ଦେଶର ଜଣାଶୁଣା ବାଣିଜି୍ୟକ ସଂସ୍ଥା ନିଞ୍ଜା ଗୃମିଂ ଲାଉଞ୍ଜ ପକ୍ଷରୁ ରବିବାର ପଟିଆ ଛକରେ ବିୟୋର୍ଡ଼ ଷ୍ଟୁଡିଓ ସାଲୁନ୍ ଉଦଘାଟିତ ହୋଇଯାଇଛି। ଏହି ଅବସରରେ ଉତ୍ତର ବିଧାୟକ ସୁଶାନ୍ତ କୁମାର ରାଉତ ମୁଖ୍ୟ ଅତିଥି ଭାବେ ଯୋଗ ଦେଇ ଏହାର ଉଦଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ଅମିତ କୁମାର ମଲ୍ଲିକ,ମିହିର ରାଉତ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ।
ଏ ସମ୍ପର୍କରେ ସାଲୁନ୍ର ମାଲିକ ମଧୁସ୍ମିତା ସାହୁ କହିଛନ୍ତି, ଉକ୍ତ ସାଲୁନ୍ଟି ସ୍ବତନ୍ତ୍ର ଭାବେ ପୁରୁଷଙ୍କ ପାଇଁ ଖୋଲାଯାଇଛି। ଯେଉଁଠାରେ ଆନ୍ତର୍ଜାତୀୟସ୍ତରର ବିଭିନ୍ନ ପ୍ରକାର ସେବା ମିଳିପାରିବ। ଏପରିକି ଉତ୍କୃଷ୍ଟ ଓ ଉତ୍ତମ ଗୁଣବତ୍ତା ସେବା ଯୋଗାଇବା ଲକ୍ଷ୍ୟ ନେଇ ସେଲୁନ୍ଟି ସହରର ମଧ୍ୟବର୍ତ୍ତୀ ଅଞ୍ଚଳରେ ଆରମ୍ଭ କରାଯାଇଛି। ଏଠାରେ ବିଭିନ୍ନ ସେବା ଉପଲବ୍ଧ ହେବ, ଯାହାର ପ୍ରାରମ୍ଭିକ ମୂଲ୍ୟ ୨୫୦ରୁ ୧୫୦୦ ଟଙ୍କା ପର୍ଯ୍ୟନ୍ତ ରହିବ।
ସେହିଭଳି ଦିନକୁ ଦିନ ସହରରେ ଲୋକଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ଯୁବପୀଢି ମଧ୍ୟ ଷ୍ଟାଇଲିସ୍ ହେବା ପାଇଁ ପସନ୍ଦ କରୁଛନ୍ତି। ଏହାକୁ ନଜରରେ ରଖି ଏଭଳି ଏକ ଜାତୀୟ ବ୍ରାଣ୍ଡର ସାଲୁନ୍ର ଶୁଭାରମ୍ଭ କରାଯାଇଛି। ବିଶେଷ କରି ପୁରୁଷମାନଙ୍କୁ ଏଠାରେ ଏକ ନୂଆ ଅନୁଭୂତି ମିଳିବ।
