କୋଲକାତା, ୮।୫: ପଶ୍ଚିମବଙ୍ଗ ରାଜନୀତିରେ ଏକ ବଡ଼ ଧରଣର ପରିବର୍ତ୍ତନ ଦେଖିବାକୁ ମିଳିଛି। ଭାରତୀୟ ଜନତା ପାର୍ଟି (ଭାଜପା) ଶୁଭେନ୍ଦୁ ଅଧିକାରୀଙ୍କୁ ରାଜ୍ୟର ପରବର୍ତ୍ତୀ ମୁଖ୍ୟମନ୍ତ୍ରୀ ଭାବେ ଘୋଷଣା କରିଛି। ଦିନେ ମମତା ବାନାର୍ଜୀଙ୍କ ଅତି ନିକଟତର ଥିବା ଶୁଭେନ୍ଦୁ, ଏବେ ତାଙ୍କ ଗାଦି ସମ୍ଭାଳିବାକୁ ଯାଉଛନ୍ତି।
୨୦୨୧ ବିଧାନସଭା ନିର୍ବାଚନ ପୂର୍ବରୁ ଶୁଭେନ୍ଦୁ ଟିଏମସି ଛାଡ଼ି ଭାଜପାରେ ସାମିଲ ହୋଇଥିଲେ। ମାତ୍ର ୫ ବର୍ଷ ମଧ୍ୟରେ ଟିଏମ୍ସି ସରକାର ବିରୋଧରେ ଜନମତ ସୃଷ୍ଟି କରିବାରେ ସେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ମମତା ବାନାର୍ଜୀ ଓ ଶୁଭେନ୍ଦୁଙ୍କ ମଧ୍ୟରେ ଅନେକ ସମାନତା ରହିଛି, ଯେଉଁଥିରୁ ସବୁଠାରୁ ଚର୍ଚ୍ଚିତ ବିଷୟ ହେଉଛି ଉଭୟ ଅବିବାହିତ।
ମମତା ବାନାର୍ଜୀଙ୍କ ଭଳି ଶୁଭେନ୍ଦୁ ମଧ୍ୟ ସାମାଜିକ ଜୀବନକୁ ନିଜର ସର୍ବସ୍ବ ମାନିଛନ୍ତି। ବିବାହ ସମ୍ପର୍କିତ ପ୍ରଶ୍ନର ଉତ୍ତରରେ ସେ କହିଥିଲେ ଯେ ୧୯୮୭ରୁ ଛାତ୍ର ରାଜନୀତିରୁ ତାଙ୍କର ଯାତ୍ରା ଆରମ୍ଭ ହୋଇଥିଲା। ସେ ଅଞ୍ଚଳର ତିନି ପ୍ରମୁଖ ସ୍ବାଧୀନତା ସଂଗ୍ରାମୀ ସତୀଶ ସାମନ୍ତ, ସୁଶୀଲ ଧାରା ଏବଂ ଅଜୟ ମୁଖାର୍ଜୀଙ୍କ ଦ୍ୱାରା ବହୁତ ପ୍ରଭାବିତ ହୋଇଥିଲେ। ଏହି ତିନିଜଣ ଯାକ ଆଜୀବନ ଅବିବାହିତ ରହି ଦେଶ ସେବା କରିଥିଲେ, ଯାହା ଶୁଭେନ୍ଦୁଙ୍କୁ ଜନସେବା ପାଇଁ ଅନୁପ୍ରାଣିତ କରିଥିଲା।
ପଶ୍ଚିମବଙ୍ଗ ଇତିହାସରେ ଶୁଭେନ୍ଦୁ କେବଳ ଏକମାତ୍ର ଅବିବାହିତ ମୁଖ୍ୟମନ୍ତ୍ରୀ ନୁହନ୍ତି। ତାଙ୍କ ପୂର୍ବରୁ ଆଉ ୪ ଜଣ ବ୍ୟକ୍ତି ଏହି ପଦବୀରେ ରହିଛନ୍ତି ଯେଉଁମାନେ ବିବାହ କରି ନ ଥିଲେ।
| କ୍ରମିକ ସଂଖ୍ୟା |
ମୁଖ୍ୟମନ୍ତ୍ରୀଙ୍କ ନାମ |
ବିଶେଷତ୍ୱ |
| ୧ |
ଡାକ୍ତର ବିଧାନ ଚନ୍ଦ୍ର ରୟ |
ପଶ୍ଚିମବଙ୍ଗର ଦ୍ୱିତୀୟ ମୁଖ୍ୟମନ୍ତ୍ରୀ ତଥା ବିଶିଷ୍ଟ ଚିକିତ୍ସକ। |
| ୨ |
ପ୍ରଫୁଲ୍ଲ ଚନ୍ଦ୍ର ସେନ |
ଗାନ୍ଧୀବାଦୀ ଚିନ୍ତାଧାରାର ନେତା (୧୮୯୭-୧୯୯୦)। |
| ୩ |
ଅଜୟ ମୁଖାର୍ଜୀ |
ନିଜର ସରଳ ଜୀବନଶୈଳୀ ପାଇଁ ଜଣାଶୁଣା ଥିଲେ। |
| ୪ |
ମମତା ବାନାର୍ଜୀ |
ଟିଏମସି ସୁପ୍ରିମୋ, ଯିଏ ଦୀର୍ଘ ସମୟ ଧରି ଶାସନ କରିଥିଲେ। |
| ୫ |
ଶୁଭେନ୍ଦୁ ଅଧିକାରୀ |
ବିଜେପିର ନୂତନ ମୁଖ୍ୟମନ୍ତ୍ରୀ ପ୍ରାର୍ଥୀ। |
ଶୁଭେନ୍ଦୁଙ୍କ ଏହି ନୂତନ ଦାୟିତ୍ୱ ପଶ୍ଚିମବଙ୍ଗରେ ଭାଜପାର ସ୍ଥିତିକୁ ଆହୁରି ମଜବୁତ କରିବ ବୋଲି ଆଶା କରାଯାଉଛି।
Dharitri – Odisha’s No.1 Odia Daily