ମସ୍କୋ,୧୭।୬ : ଆଣବିକ ଅସ୍ତ୍ର ଭଣ୍ଡାର ବେଲାରୁଷରେ ପହଞ୍ଚିଛି। ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନ ଏହା ନିଶ୍ଚିତ କରିଛନ୍ତି। ସେଣ୍ଟ ପିଟର୍ସବର୍ଗ ଅନ୍ତର୍ଜାତୀୟ ଅର୍ଥନୈତିକ ଫୋରମର ଆୟୋଜନ କରୁଥିବାବେଳେ ପୁଟିନ କହିଛନ୍ତି ପ୍ରଥମ ବ୍ୟାଚ ଅସ୍ତ୍ରଶସ୍ତ୍ର ବେଲାରୁଷକୁ ପଠାଯାଇଛି। ଏଥି ସହିତ, ଅବଶିଷ୍ଟ ଅସ୍ତ୍ର ଗ୍ରୀଷ୍ମ ଶେଷ ସୁଦ୍ଧା ବିତରଣ କରାଯିବ।
ଆମେ ଏହି ପଦକ୍ଷେପ ନେଇଛୁ । ଯାହା ଦ୍ୱାରା କିଛି ଲୋକ ଭାବୁଛନ୍ତି ଯଦି ସେମାନେ ଆମକୁ ନିୟନ୍ତ୍ରଣ କରିପାରିବେ ତେବେ ସେମାନେ ତାହା ଭୁଲ କରୁଛନ୍ତି। ରୁଷିଆର କୌଣସି ଅଞ୍ଚଳ ପ୍ରତି ବିପଦ ଆସିଲେ ଆମେ ସେଗୁଡିକୁ ବ୍ୟବହାର କରିବୁ। ପୁଟିନ କହିଛନ୍ତି ଆମେ କାହିଁକି ସମଗ୍ର ବିଶ୍ୱକୁ ଧମକ ଦେବା ଆରମ୍ଭ କଲୁ? ମୁଁ ପୂର୍ବରୁ କହିସାରିଛି ରୁଷିଆ ପ୍ରତି ବିପଦ ଥିବାବେଳେ ଏହା ବ୍ୟବହାର ହେବ।
ଆଣବିକ ଅସ୍ତ୍ର ନିୟୋଜନ କରିବାର ସମୟ ସୀମା ସ୍ଥିର କରିବାର ପ୍ରାୟ ୧୦ ଦିନ ପରେ ପୁଟିନ ଏ ବିଷୟରେ ସୂଚନା ଦେଇଛନ୍ତି। ଯେଉଁଠାରେ ପୂର୍ବରୁ କୁହାଯାଇଥିଲା ଜୁଲାଇ ପ୍ରଥମ ସପ୍ତାହ ପୂର୍ବରୁ ଅସ୍ତ୍ରଶସ୍ତ୍ର ନିୟୋଜିତ ହେବ ନାହିଁ। ତେବେ ଅନ୍ତର୍ଜାତୀୟ ଅଥନୈତିକ ଫୋରମର ଆୟୋଜନ କରୁଥିବାବେଳେ ପୁଟିନ ଏହି ଅସ୍ତ୍ରଶସ୍ତ୍ର ନିୟୋଜିତ ହୋଇଥିବା ସ୍ପଷ୍ଟ କରିଛନ୍ତି।
ପୁଟିନଙ୍କ ବିବୃତ୍ତି ପରେ ଆମେରିକା ସରକାର କହିଛନ୍ତି ୟୁକ୍ରେନ ଉପରେ ଆକ୍ରମଣ ପାଇଁ କ୍ରେମଲିନ ପରମାଣୁ ଅସ୍ତ୍ର ବ୍ୟବହାର କରିବାକୁ ଯୋଜନା କରୁଛି। ଏଥି ସହିତ ଏକ ଦିନ ପୂର୍ବରୁ ଖବର ଆସିଥିଲା ବେଲାରୁଷର ରାଷ୍ଟ୍ରପତି ଆଲେକ୍ସଜାଣ୍ଡାର୍ ଲୁକାଶେଙ୍କୋ ନିଶ୍ଚିତ କରିଛନ୍ତି ତାଙ୍କୁ କ୍ଷେପଣାସ୍ତ୍ର ଏବଂ ବୋମା ମିଳିଛି। ୧୯୪୫ ମସିହାରେ ହିରୋସିମା ଏବଂ ନାଗାସାକି ଉପରେ ପଡିଥିବା ବୋମା ଅପେକ୍ଷା ଏହି ବୋମା ତିନି ଗୁଣା ଅଧିକ ବିପଜ୍ଜନକ ବୋଲି କୁହାଯାଉଛି।
ରୁଷିଆର ଏକ ଟିଭି ଚ୍ୟାନେଲକୁ ଦିଆଯାଇଥିବା ଏକ ସାକ୍ଷାତକାରରେ ଲୁକାଶେଙ୍କୋ କହିଛନ୍ତି ଏହି ଅସ୍ତ୍ରଶସ୍ତ୍ର ରଖିବା ପାଇଁ ସୋଭିଏତ ୟୁନିଅନର ୬ ଟି ଆଣବିକ ଭିତ୍ତିଭୂମି ସ୍ଥିର କରାଯାଇଛି। ସେ କହିଛନ୍ତି, ୨୦୨୦ରୁ ପଶ୍ଚିମ ଆମ ଦେଶ ଆମକୁ ଅନେକ ଖଣ୍ଡରେ ଭାଙ୍ଗିବାକୁ ଚାହୁଁଥିଲେ। ଆମେ ସବୁବେଳେ ସେମାନଙ୍କର ଲକ୍ଷ୍ୟ ହୋଇ ଆସିଛୁ। ଲୁକାଶେଙ୍କୋ ଏହା ମଧ୍ୟ କହିଛନ୍ତି ସେ ତାଙ୍କ ସୀମା ଅଞ୍ଚଳରେ ରୁଷିଆ ଆଣବିକ ଅସ୍ତ୍ର ନିୟୋଜନ କରିବ। ଲୁକାଶେଙ୍କୋ କହିଛନ୍ତି, ଯଦି ଆବଶ୍ୟକତା ପଡେ, ତେବେ ଆମେ ଏହି ଅସ୍ତ୍ରଶସ୍ତ୍ର ବ୍ୟବହାର କରିବାକୁ ଦ୍ୱିଧା କରିବୁ ନାହିଁ। ଏହାକୁ ଅନୁମୋଦନ କରିବା ପାଇଁ ମୋତେ କେବଳ ପୁଟିନଙ୍କୁ ଡାକିବା ଆବଶ୍ୟକ। ତେବେ ଏହାର ନିୟନ୍ତ୍ରଣ କେବଳ ରୁଷିଆରେ ରହିବ ବୋଲି ରୁଷିଆ ସ୍ପଷ୍ଟ କରିଛି।
