ବ୍ରହ୍ମଗିରି,୨୪ା୧୧(ସ୍ବାଧିନ ଚମ୍ପତ୍ତିରାୟ): ଜଣେ ମହିଳା ଭିକ୍ଷା ବୃତ୍ତି କରି ନିଜର ପେଟ ପୋଷିବା ସହିତ ବଳକା ଅର୍ଥକୁ ଏକ ମହାନ କାର୍ଯ୍ୟରେ ବିନିଯୋଗ କରି ଉଦାହରଣ ପାଲଟିଛନ୍ତି। ଏହି ମହିଳାଜଣଙ୍କ ହେଲେ ବ୍ରହ୍ମଗିରି ଅଞ୍ଚଳର କେଉଟକୁଦୀ ଗ୍ରାମର ତାରା ଘଡ଼େଇ। ତାଙ୍କ ସ୍ବାମୀଙ୍କ ଦେହାନ୍ତ ପରେ ଗୋଟିଏ ବୋଲି ପୁଅ ଘରୁ କୁଆଡ଼େ ଚାଲିଯାଇଛନ୍ତି। ତାରା ପ୍ରିୟଜନଙ୍କୁ ହରାଇ ନିରାଶ୍ରୟ ହୋଇ ନିଜର ପେଟ ପୋଷିବା ପାଇଁ ଭିକ୍ଷାବୃତ୍ତିକୁ ଆପଣାଇ ନେଇଥିଲେ। ସେ ପ୍ରତିଦିନ ଅଲାରନାଥଙ୍କ ମନ୍ଦିର ସିଂହଦ୍ୱାର ନିକଟରେ ଭିକ୍ଷାବୃତ୍ତି କରି ଯାହା ଅର୍ଥ ପାଖରେ ରଖିଥିଲେ ସେଥିରେ ସେ ଏକ ରୁପାଢ଼ାଳ କିଣି ଅଲାରନାଥ ଦାନ କରି କରିଛନ୍ତି। ଏହି ରୁପା ଢାଳ ପ୍ରଦାନ ବେଳେ ଅଲାରନାଥଙ୍କ ମଧ୍ୟବର୍ତ୍ତୀକାଳୀନ ଟ୍ରଷ୍ଟି ତଥା ସ୍ଥାନୀୟ ଅତିରିକ୍ତ ତହସିଲଦାର ସରୋଜ ଦେହୁରୀ ଓ ସେବାୟତ ନିଯୋଗ ଉପସ୍ଥିତି ଥିଲେ।
