ନିର୍ବନ୍ଧ ପରେ ବି ଏହି ବ୍ୟକ୍ତିଙ୍କ ପାଇଁ କରିଶ୍ମା-ଅଭିଷେକଙ୍କ ଭାଙ୍ଗିଯାଇଥିଲା ସମ୍ପର୍କ
41 ମୁମ୍ବାଇ: ବଲିଉଡ୍ ଇଣ୍ଡଷ୍ଟ୍ରିର ସେଲିବ୍ରିଟିଙ୍କ ପ୍ରୋଫେସନାଲ ହେଉ କି ପର୍ସନାଲ ଲାଇଫ୍ ବିଷୟରେ ଜାଣିବା ପାଇଁ ସମସ୍ତେ ଉତ୍ସୁକ ରହିଥାନ୍ତି। ବଲିଉଡ୍ରେ ଏଭଳି କିଛି ସେଲିବ୍ରିଟି ଅଛନ୍ତି ଯେଉଁମାନଙ୍କର ଲଭ୍ ଲାଇଫ୍ ଅତି ରୋଚକ ହେବା ସହ ରୋମାଞ୍ଚକର ମଧ୍ୟ ହୋଇଥାଏ। ଆଉ କିଏ ସବୁବେଳେ ବିବାଦ ମଧ୍ୟରେ ରହିଥାଏ। ତେବେ କାହାର ପ୍ରେମ କାହାଣୀ ବିବାହର ରୂପ ନେଉଥିବା ବେଳେ ତ ଆଉ କାହାର ସମ୍ପର୍କ ଅଧାରୁ ଭାଙ୍ଗିଯାଇଥାଏ। ତେଣୁ ଚଳଚ୍ଚିତ୍ର ତାରକାମାନଙ୍କର ରହସ୍ୟମୟ ଜୀବନ ଏବଂ ସମ୍ପର୍କ ବିଷୟରେ ଜାଣିବା ପାଇଁ ସର୍ବଦା ଆଗ୍ରହ ରହିଥାଏ। ବଲିଉଡ୍ ସେଲିବ୍ରିଟିଙ୍କ ମଧ୍ୟରେ ଏଭଳି ଯୋଡି ହେଉଛନ୍ତି ଅଭିଷେକ ବଚ୍ଚନ ଏବଂ କରିସ୍ମା କପୁର।
ଅଭିନେତା ଅମିତାଭ ବଚ୍ଚନଙ୍କ ନିଜର ୬୦ତମ ଜନ୍ମଦିନ ଅବସରରେ କରିସ୍ମା ଓ ଅଭିଷେକଙ୍କ ନିର୍ବନ୍ଧ ଘୋଷଣା କରିଥିଲେ। ଫିଲ୍ମ ଜଗତର ଦୁଇ ଶକ୍ତିଶାଳୀ ପରିବାର କପୁର ଓ ବଚ୍ଚନ ଏକ ବନ୍ଧନରେ ବାନ୍ଧି ହେବାକୁ ଯାଉଥିଲେ। କିନ୍ତୁ ଏହି ସମ୍ପର୍କ ହେବା ପୂର୍ବରୁ ଭାଙ୍ଗି ଯାଇଥିଲା। ଏହି ସମ୍ପର୍କ ଭାଙ୍ଗିବା ପରେ ଫିଲ୍ମ ଇଣ୍ଡଷ୍ଟ୍ରିରେ ହଇଚଇ ସୃଷ୍ଟି ହୋଇଥିଲା। ଊକ୍ତ ବିବାହ ଭାଙ୍ଗିବା ପଛର କାରଣ ଅନେକ ଦିଆଯାଇଥିଲା। କିନ୍ତୁ ଗଣମାଧ୍ୟମ ରିପୋର୍ଟ ଅନୁସାରେ ଏହି ବିବାହ ଭାଙ୍ଗିବାର ସବୁଠାରୁ ବଡ଼ କାରଣ ହେଉଛନ୍ତି କରିସ୍ମା କପୁରଙ୍କ ମା’ ବବିତା କପୁର। କାରଣ କରିସ୍ମାଙ୍କ ମା’ ବିବତା ବିଗ୍ ବି ଅମିତାଭ ବଚ୍ଚନଙ୍କ ସମ୍ମୁଖରେ ଏକ ସର୍ତ୍ତ ରଖିଥିଲେ। କୁହାଯାଏ, ସେହି ସମୟରେ ବଚ୍ଚନ ପରିବାରର ଆର୍ଥିକ ଅବସ୍ଥା ଏତେ ସ୍ବଚ୍ଛଳ ନ ଥିଲା। ତେଣୁ ଝିଅର ଭବିଷ୍ୟତକୁ ନେଇ ଚିନ୍ତିତ ଥିଲେ ବବିତା। ଏଥିପାଇଁ ବଚ୍ଚନ ପରିବାରର ସମ୍ପତ୍ତିରୁ ଅଭିଷେକଙ୍କ ଅଂଶ ରଖିବାକୁ ସେ ପ୍ରଥମେ ଦାବି କରିଥିଲେ। ଏହା ଶୁଣି ବଚ୍ଚନ ପରିବାର ଆଶ୍ଚର୍ଯ୍ୟ ହୋଇଯାଇଥିଲେ। ଏହାପରେ କରିଶ୍ମା ଓ ଅଭିଷେକଙ୍କ ସମ୍ପର୍କ ଭାଙ୍ଗିଯାଇଥିଲା ବୋଲି ଚର୍ଚ୍ଚା ହୁଏ।