ନୟାଗଡ଼ ଅଫିସ,୨୦।୭: ନୟାଗଡ଼ ଜିଲା ଦଶପଲ୍ଲା ବ୍ଲକ ବାଣିଗୋଛା ଥାନା ନୂଆଗଁା ପଞ୍ଚାୟତ ଧୁନ୍ଦୁଗାଡିଆ ଅଞ୍ଚଳରେ ୫ ବର୍ଷର ଶିଶୁକନ୍ୟାଙ୍କୁ ବଳାକତ୍ାର ପରେ ହତ୍ୟା ମାମଲାରେ ଗିରଫ ହତ୍ୟାକାରୀ ସାବାଳକ ନୁହେଁ ନାବାଳକ ବୋଲି ଜଣାପଡିଛି। ଜନ୍ମ ତାରିଖର ସତ୍ୟତା ପରଖିବା ପାଇଁ ନୟାଗଡ଼ ପୋକ୍ସୋ କୋର୍ଟ ଜଜ ଉଦୟଭାନୁ ଜେନା ଅଭିଯୁକ୍ତଙ୍କ ମା’ବାପା, ଏସ୍ଏଲ୍ସି ପ୍ରଦାନ କରିଥିବା ସ୍କୁଲର ପ୍ରଧାନଶିକ୍ଷକଙ୍କୁ ୨୬ ତାରିଖରେ କୋର୍ଟରେ ହାଜର କରାଇବାକୁ ତଦନ୍ତକାରୀ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି। ପରୀ ମାମଲା ପରି ବେବିନା କେଶରେ ଅଭିଯୁକ୍ତ ନାବାଳକ ବୋଲି ଜଣାପଡିବା ପରେ ପୋଲିସର ଉପରଠାଉରିଆ ତଦନ୍ତ ପାଇଁ ଅଭିଯୁକ୍ତମାନେ ଖସି ଯିବାର ସୁଯୋଗ ପାଉଥିବାରୁ କୋର୍ଟ ତଦନ୍ତକାରୀ ସଂସ୍ଥା ଉପରେ ବିରକ୍ତି ପ୍ରକାଶ କରିଛନ୍ତି। ବୟସର ଯାଞ୍ଚ ପରେ ଯଦି ନାବାଳକ ପ୍ରମାଣ ମିଳେ ତେବେ ଅଭିଯୁକ୍ତଙ୍କୁ ବାଳ ଅପରାଧି କୋର୍ଟକୁ ପଠାଇ ଦିଆଯିବ ବୋଲି ଜଣାପଡିଛି। ଅଭିଯୁକ୍ତଙ୍କ ବୟସ ଉପରେ ସନ୍ଦେହ ହେବାରୁ ଜନ୍ମ ପ୍ରମାଣପତ୍ର କୋର୍ଟ ଖୋଜିଥିଲେ। ବୟସ ଉପରେ ରିପୋର୍ଟ ପ୍ରଦାନ କରିବାକୁ ଜିଲା ଶିଶୁ ସୁରକ୍ଷା ୟୁନିଟ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ। ଜିଲା ଶିଶୁ ସୁରକ୍ଷା ୟୁନିଟ ଅଧିକାରୀ ଅଭିଯୁକ୍ତଙ୍କ ଜନ୍ମ ପ୍ରମାଣପତ୍ର ସମ୍ପର୍କିିତ ରିପୋର୍ଟ କୋର୍ଟରେ ଦାଖଲ କରିଥିଲେ। କୋର୍ଟରେ ଦାଖଲ ହୋଇଥିବା ଟିସିରେ ଜନ୍ମ ତାରିଖ ୧।୧।୨୦୦୫ ରହିଛି। ଏହି ତାରିଖକୁ ଦେଖିଲେ ହତ୍ୟା ସମୟରେ ଅଭିଯୁକ୍ତ ନାବାଳକ ବୋଲି ଜଣାପଡିଥିଲା।
ସୂଚନାଯୋଗ୍ୟ, ଧୁନ୍ଦୁଗାଡିଆ ଅଞ୍ଚଳର ଗଁା ଦାଣ୍ଡରେ ଗତ ଜୁନ ୧୨ ତାରିଖରେ ଖେଳୁଥିବାବେଳେ ବେବିନା ନାମକ ଜଣେ ୫ ବର୍ଷିୟା ଶିଶୁ କନ୍ୟା ନିଖୋଜ ହୋଇଥିଲେ। ପରିବାର ପକ୍ଷରୁ ଗଁା ଦାଣ୍ଡ, ବିଭିନ୍ନ ଜଳାଶ୍ରୟ, ବନ୍ଧୁ ବାନ୍ଧବ ଘର ଖୋଜାଖୋଜି ପରେ ତାଙ୍କ ସନ୍ଧାନ ମିଳି ନ ଥିଲା। ଗତ ଜୁନ ୧୭ ରେ ହତ୍ୟାକାରୀ ଗିରଫ ହୋଇଥିଲେ। ତାଙ୍କ ସୂଚନା ଆଧାରରେ ଶିଶୁକନ୍ୟାଙ୍କ ଗଳିତ ମୃତଦେହ ମୁଣ୍ଡ ଗଣ୍ଡି ଅଲଗା ଅବସ୍ଥାରେ ଉଦ୍ଧାର ହୋଇଥିଲା। ଅଭିଯୁକ୍ତଙ୍କ ବିରୋଧରେ ଅପହରଣ, ବଳାକତ୍ାର ଓ ହତ୍ୟା ଦଫା ଲାଗିଥିଲା। ପୋଲିସ ଅଭିଯୁକ୍ତଙ୍କ ବୟସ ୨୦ରୁ ୨୨ କହିଥିବାବେଳେ ଏସ୍ପି ଖବରଦାତା ସମ୍ମିଳନୀରେ ବୟସ ସମ୍ପର୍କରେ କିଛି କହି ନ ଥିଲେ।
