ସିଓ୍ବାନ, ୧୧ା୩: ବିହାରର ସରନ୍ ଜିଲାରେ ଗୋମାଂସ ନେଉଥିବା ସନ୍ଦେହରେ ଜଣେ ୫୬ ବର୍ଷୀୟ ବ୍ୟକ୍ତିଙ୍କୁ କେତେଜଣ ପିଟି ମାରିଦେଇଛନ୍ତି। ଗତ ମଙ୍ଗଳବାର ଏହି ଭିଡ଼ହିଂସା ଘଟିଥିବାବେଳେ ପୋଲିସ ଏପର୍ଯ୍ୟନ୍ତ ୩ ଜଣଙ୍କୁ ଗିରଫ କରିଛି। ସେମାନଙ୍କ ମଧ୍ୟରେ ସରପଞ୍ଚ ସୁଶୀଲ ସିଂ ଅଛନ୍ତି। ମୃତ ନସିମ୍ କୁରେଶୀଙ୍କ ଘର ସିଓ୍ବାନ ଜିଲାର ହାସନପୁର ଗ୍ରାମରେ। ତାଙ୍କଠାରୁ ଗୋମାଂସ ଜବତ ହୋଇଛି କି ନାହଁି ପୋଲିସ ତାହା ସ୍ପଷ୍ଟ କରିନାହିଁ। ପୋଲିସ କହିବା ଅନୁଯାୟୀ, ନସିମ ଓ ତାଙ୍କ ପୁତୁରା ଫିରୋଜ କୁରେଶୀ ମଙ୍ଗଳବାର ସେମାନଙ୍କ ସମ୍ପର୍କୀୟଙ୍କୁ ଭେଟିବା ଲାଗି ସରନ ଜିଲାର ଜୋଗିଆ ଗ୍ରାମକୁ ଯାଉଥିଲେ। ସେମାନେ ବ୍ୟାଗ୍ରେ ଗୋମାଂସ ନେଉଥିବା ସନ୍ଦେହ କରି କେତେଜଣ ସେମାନଙ୍କୁ ଗାଁ ମୁଣ୍ଡରେ ଅଟକାଇଥିଲେ। ଫିରୋଜ କୌଣସି ପ୍ରକାରେ ଖସି ପଳାଇଥିବାବେଳେ ନସିମ୍ଙ୍କୁ ଉତ୍ତ୍ୟକ୍ତ ଲୋକେ ନିର୍ଘାତ ମାଡ଼ ମାରିବା ପରେ ସ୍ଥାନୀୟ ପୋଲିସକୁ ହସ୍ତାନ୍ତର କରିଥିଲେ। ତାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିବାବେଳେ ସେଠାରେ ତାଙ୍କର ମୃତ୍ୟୁ ଘଟିଥିଲା ବୋଲି ପୋଲିସ କହିଛି।
