କିଜବୁହେଲ,୨୩।୧(ଏପି): ସୁଇଜରଲାଣ୍ଡ ସ୍କି ରେସର ବିଟ୍ ଫେଉଜ ପ୍ରଥମଥର ପାଇଁ ଅଷ୍ଟ୍ରିଆର କିଜ୍ବୁହେଲରେ ଅନୁଷ୍ଠିତ ସ୍କି ରେସ୍ ଡାଉନ୍ହିଲ ବିଜୟ ହାସଲ କରିଛନ୍ତି। ଏଥିସହିତ ସେ କ୍ୟାରିୟରର ଏକାଦଶ ଅଲପାଇନ୍ ସ୍କି ଓ୍ବାଲର୍ଡ କପ୍ ଡାଉନ୍ହିଲ୍ ଟାଇଟଲ ଜିତିଛନ୍ତି। ତେବେ ପ୍ରତିଯୋଗିତାର ଫାଇନାଲ ଜମ୍ପ୍ରେ ତାଙ୍କ ଟିମ୍ ମେଟ୍ ଅର୍ସ କ୍ରିଏନବୁଲ ଦୁର୍ଘଟଣାର ଶିକାର ହୋଇ ବାଦ୍ ପଡିଛନ୍ତି।
ଫିନିସ୍ ଲାଇନ୍ର ନିକଟକୁ କ୍ରିଏନବୁଲ ଘଣ୍ଟା ପ୍ରତି ୧୫୦ କି.ମି. ବେଗରେ ଗତି କରୁଥିବା ବେଳେ ସନ୍ତୁଳନ ହରାଇଥିଲେ ଓ ଦୁର୍ଘଟଣାର ଶିକାର ହୋଇଥିଲେ ା ୨୦ ମିନିଟ୍ ପରେ ତାଙ୍କୁ ହସ୍ପିଟାଲ ନିଆଯାଇଥିଲା। ଜୋରରେ ପବନ ବହୁଥିବାରୁ ରେସ ଏକାଧିକ ବାର ବାଧାପ୍ରାପ୍ତ ହୋଇଥିଲା। ଗତ ୩ଟି ସେସନରେ ଫେଉଜ ରନର୍ସଅପ ହୋଇଥିଲେ ମଧ୍ୟ ଏଥର ବାଜି ମାରିଥିଲେ। ଗତବର୍ଷର ବିଜୋ ଅଷ୍ଟ୍ରିଆର ମାଥିଆସ ମେୟରଙ୍କୁ ପଛରେ ପକାଇ ୦.୧୬ କମ୍ ସେକେଣ୍ଡ ସମୟ ନେଇ ଫେଉଜ ଚାମ୍ପିୟନ ହୋଇଥିଲେ। ଅଷ୍ଟ୍ରିଆର ଆଲପ୍ସ ପର୍ବତମାଳାରେ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା ଓ ୫୦,୦୦୦ ଦର୍ଶକ ଏହି ରେସ୍କୁ ଉପଭୋଗ କରିଥିଲେ।
