ଖରାଦିନେ ଏସି ବ୍ୟବହାର କରୁଥିଲେ ବିଭିନ୍ନ ଦିଗପ୍ରତି ଧ୍ୟାନ ଦେବାକୁ ପଡ଼ିବ। ଜାଣନ୍ତୁ ସେ ସମ୍ପର୍କରେ…
-ଘଣ୍ଟା ଘଣ୍ଟା ଧରି ଏସି ଚାଲିଲେ କମ୍ପ୍ରେସର ଉପରେ ଚାପ ପଡ଼ିଥାଏ। ତେଣୁ ଠିକ୍ ସମୟରେ ଟେକ୍ନିସିଆନ୍ଙ୍କୁ ଡାକି ଏହାର ସର୍ଭିସିଂ କରାନ୍ତୁ। ନଚେତ୍ ଅତ୍ୟଧିକ ଗରମ ହୋଇ ବ୍ଲାଷ୍ଟ ହେବାର ଆଶଙ୍କା ଥାଏ।
-ଏସିର ଆଉଟଡୋର୍ ୟୁନିଟ୍କୁ ଛାତ ଉପରେ ରଖିଲେ ଦିନ ସାରା ଖରା ପଡ଼ିଥାଏ। ଫଳରେ ଅନେକ ସମୟରେ ମେଶିନ୍ର ତାପମାତ୍ରା ସହିତ ଖରା ଯୋଗୁଁ ମେଶିନ୍ ଖରାପ ହେବାର ଆଶଙ୍କା ସୃଷ୍ଟି ହୋଇଥାଏ। ତେଣୁ ଏହାକୁ ଏଭଳି ସ୍ଥାନରେ ରଖନ୍ତୁ ଯେପରି ଉପରେ କୌଣସି ପ୍ରକାରର ଛାତ ଅଥବା ଛାଇ ହେଉଥିବ।
-ଖରାଦିନେ ଭୋଲଟେଜ୍ କମ୍ ବେଶି ହୋଇଥାଏ। ଏହି କାରଣରୁ ଏସି ମୋଟର ଓ ସର୍କିଟ୍ ପୋଡ଼ିଯିବାର ଆଶଙ୍କା ରହିଥାଏ। ଏହି ସମସ୍ୟା ନ ହେବା ପାଇଁ ଭଲ କ୍ୱାଲିଟିର ଭୋଲଟେଜ୍ ଷ୍ଟାବିଲାଇଜର ଲଗାନ୍ତୁ।
-ଏସି ଲାଗିବା ପରେ ଯଦି ଥଣ୍ଡା ହେଉ ନ ଥାଏ ତେବେ ଗ୍ୟାସ୍ ଲିକେଜ୍ ହୋଇଥାଇପାରେ। ତେଣୁ ତୁରନ୍ତ ଏହାକୁ ଠିକ୍ କରାନ୍ତୁ।
-ଏସି ଲଗାଇବା ପରେ ଯଦି ହଠାତ୍ କିଛି ଖରାପ ଶବ୍ଦ ହୁଏ ଅଥବା ପୋଡ଼ିବାର ଗନ୍ଧ ହୁଏ ତାହେଲେ ତୁରନ୍ତ ଏସି ବନ୍ଦ କରି ପ୍ଲଗ୍ ବାହାର କରି ଦିଅନ୍ତୁ।
-ଖରାପ ହୋଇଥିବା ତାର କିମ୍ବା ଢିଲା ପ୍ଲଗ୍ ଥିଲେ ଶୀଘ୍ର ବଦଳାଇ ଦିଅନ୍ତୁ।