ଚାନ୍ଦବାଲି,୨୩।୪(ଡି.ଏନ୍.ଏ.): ଭଦ୍ରକ ଜିଲା ଚାନ୍ଦବାଲି ବ୍ଲକ ମତୋଠାରେ ପବିତ୍ର ଅକ୍ଷୟ ତୃତୀୟା ଅବସରରେ ରବିବାର କୃଷି ବିଭାଗ ପକ୍ଷରୁ ଅଖିମୁଠି ଅନୁକୂଳ କରାଯାଇଛି । ମତୋ ଚକିଆ ସାହି ନିକଟରେ ଅଖିମୁଠି ଅନୁକୂଳ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଚାନ୍ଦବାଲି ବିଡିଓ ଜ୍ୟୋତିବିକାଶ ଦାସ ଯୋଗ ଦେଇ ଅଖିମୁଠି ଅନୁକୂଳ କରିଛନ୍ତି । ପରେ ମତୋ କଲ୍ୟାଣ ମଣ୍ଡପରେ କୃଷି ବିଭାଗ ପକ୍ଷରୁ କୃଷକମାନଙ୍କୁ ନେଇ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା । ଚାନ୍ଦବାଲି କୃଷି ଅଧିକାରୀ ଡ. ଅରୁଣ କୁମାର ପାତ୍ରଙ୍କ ଅଧ୍ୟକ୍ଷତାରେ ଏହି ସାଧାରଣ ସଭାରେ ବିଡିଓ ଓ ଆତ୍ମାର ସଭାପତି କ୍ଷୀରୋଦ ଥାଟୋଇ, ମତୋ ସରପଞ୍ଚଙ୍କ ପ୍ରତିନିଧି ପ୍ରଦୀପ ପଲ୍ଲେଇ, ସହକାରୀ କୃଷି ଅଧିକାରୀ ଲିପ୍ସା ପ୍ରିୟଦର୍ଶନୀ, ବ୍ଲକ ଉଦ୍ୟାନ ଅଧିକାରିଣୀ ସାଧନା ବେହେରା, ସମସ୍ତ କୃଷିମିତ୍ର ଓ ଭିଏଲ୍ଡବ୍ଲ୍ୟୁ ଜୟନ୍ତ କୁମାର ମୁଣ୍ଡା ପ୍ରମୁଖ ଯୋଗଦେଇ ଚଷା ଓ ଚାଷ ସମ୍ପର୍କରେ ବିଭିନ୍ନ ସ୍କିମ ଉପରେ ସଚେତନତା କରିଥିଲେ।
