ମୋହାଲି, ୨୭।୮: ଭାରତୀୟ ମହିଳା କ୍ରିକେଟର ଭବିଷ୍ୟତ ତାରକାଙ୍କୁ ପ୍ରସ୍ତୁତ କରିବା ଲକ୍ଷ୍ୟରେ ବିସିସିଆଇ (BCCI) ଭାରତୀୟ ମହିଳା ‘ଏ’ ଦଳର ଅଷ୍ଟ୍ରେଲିଆ ‘ଏ’ ବିପକ୍ଷ ସିରିଜ୍ ପାଇଁ ଦଳ ଘୋଷଣା କରିଛି। ଆସନ୍ତା ସେପ୍ଟେମ୍ବର ମାସରେ ଖେଳାଯିବାକୁ ଥିବା ଏହି ସିରିଜ୍ ପାଇଁ ଟି-୨୦, ଦିନିକିଆ (ODI) ଏବଂ ଟେଷ୍ଟ ଟିମ୍ ଘୋଷଣା କରାଯାଇଛି। ତେବେ ଏହି ଘୋଷଣାରେ ସବୁଠାରୁ ଆକର୍ଷଣୀୟ ନାମ ହେଉଛି ୨୩ ବର୍ଷୀୟା ଅଲରାଉଣ୍ଡର ଅନୁଷ୍କା ଶର୍ମା, ଯାହାଙ୍କୁ ଟି-୨୦ ସିରିଜ୍ ପାଇଁ ଦଳର ଅଧିନାୟିକା ଦାୟିତ୍ୱ ଦିଆଯାଇଛି।
ବିସିସିଆଇ ସିନିୟର ମହିଳା ଚୟନ କମିଟି ଅନୁଯାୟୀ, ଅଷ୍ଟ୍ରେଲିଆ ‘ଏ’ ବିପକ୍ଷରେ ୩ଟି ଟି-୨୦ (ମୁଲ୍ଲାନ୍ପୁର), ୩ଟି ଦିନିକିଆ (ମୋହାଲି) ଏବଂ ଗୋଟିଏ ଅନୌପଚାରିକ ଟେଷ୍ଟ ମ୍ୟାଚ୍ (ଧର୍ମଶାଳା) ଖେଳାଯିବ।
ଦିନିକିଆ ଏବଂ ଟେଷ୍ଟ ସିରିଜ୍ ପାଇଁ ଭାରତୀୟ ସିନିୟର ଟିମ୍ର ଉଇକେଟକିପର-ବ୍ୟାଟର ୟସ୍ତିକା ଭାଟିଆଙ୍କୁ ଅଧିନାୟିକା କରାଯାଇଛି। ତେବେ ଟି-୨୦ ସିରିଜ୍ରୁ ୟସ୍ତିକାଙ୍କୁ ବିଶ୍ରାମ ଦିଆଯାଇଥିବାରୁ ମଧ୍ୟପ୍ରଦେଶର ଗ୍ୱାଲିୟରରୁ ଆସିଥିବା ୨୩ ବର୍ଷୀୟା ବ୍ୟାଟିଂ ଅଲରାଉଣ୍ଡର ଅନୁଷ୍କା ଶର୍ମା ଟି-୨୦ ଟିମ୍ର ଅଧିନାୟିକା ସାଜିଛନ୍ତି। ଏହାସହ ଦିନିକିଆ ଓ ଟେଷ୍ଟରେ ସେ ଉପ-ଅଧିନାୟିକା ଦାୟିତ୍ୱ ତୁଲାଇବେ।
କିଏ ଏହି ଅନୁଷ୍କା ଶର୍ମା?
ଘରୋଇ କ୍ରିକେଟ୍ରେ ମଧ୍ୟପ୍ରଦେଶର ସଫଳ ନେତୃତ୍ୱ ନେଇଥିବା ଅନୁଷ୍କା ଗତ ୱିମେନ୍ସ ପ୍ରିମିୟର ଲିଗ୍ (WPL)ରେ ଗୁଜରାଟ ଜାଏଣ୍ଟସ୍ ପକ୍ଷରୁ ୭ଟି ପାଳିରେ ୧୨୯ ଷ୍ଟ୍ରାଇକ୍ ରେଟ୍ରେ ୧୭୭ ରନ୍ ସଂଗ୍ରହ କରି ନିଜର ଦକ୍ଷତା ପ୍ରମାଣିତ କରିଥିଲେ। ଏହାପରେ ସେ ସାଉଥ୍ ଆଫ୍ରିକା ବିପକ୍ଷରେ ସିନିୟର ଭାରତୀୟ ଦଳରେ ଡେବ୍ୟୁ କରିବାର ସୁଯୋଗ ପାଇଥିଲେ।
ସିରିଜ୍ ସୂଚୀ:
ଟି-୨୦ ସିରିଜ୍: ସେପ୍ଟେମ୍ବର ୧୨, ୧୫ ଏବଂ ୧୭
ଦିନିକିଆ ସିରିଜ୍: ସେପ୍ଟେମ୍ବର ୨୦, ୨୩ ଏବଂ ୨୫
ଟେଷ୍ଟ ମ୍ୟାଚ୍: ସେପ୍ଟେମ୍ବର ୨୯ ରୁ ଅକ୍ଟୋବର ୨
ଇଣ୍ଡିଆ ‘ଏ’ ସ୍କ୍ୱାଡ୍:
ଟି-୨୦: ଅନୁଷ୍କା ଶର୍ମା (ଅଧିନାୟିକା), ସାୟଲି ସତଘରେ (ଉପ-ଅଧିନାୟିକା), ବୃନ୍ଦା ଦିନେଶ, ସୁଜାତା ଦେ, ତେଜଲ ହସବନିସ, ନିକ୍କି ପ୍ରସାଦ, ଶିପ୍ରା ଗିରି (ୱିକେଟକିପର), ଶ୍ୱେତା ସେହରାୱତ, ଉମା ଛେତ୍ରୀ (ୱିକେଟକିପର), ତନୁଜା କଂୱର, ମିନ୍ନୁ ମଣି, ଵୈଷ୍ଣବୀ ଶର୍ମା, ଜିନ୍ତିମଣି କଲିତା, ଶବନମ ଶକିଲ, ସିମରନ୍ ଦିଲ ବାହାଦୁର।
ଦିନିକିଆ (ODI): ୟସ୍ତିକା ଭାଟିଆ (ଅଧିନାୟିକା/ଉଇକେଟକିପର), ଅନୁଷ୍କା ଶର୍ମା (ଉପ-ଅଧିନାୟିକା), ବୃନ୍ଦା ଦିନେଶ, ପ୍ରିୟା ପୁନିଆ, ତନିଷା ସିଂ, ତେଜଲ ହସବନିସ, ନିକ୍କି ପ୍ରସାଦ, ଉମା ଛେତ୍ରୀ (ଉଇକେଟକିପର), ମିନ୍ନୁ ମଣି, ଅମନଦୀପ କୌର, ଵୈଷ୍ଣବୀ ଶର୍ମା, ସାୟଲି ସତଘରେ, ଜିନ୍ତିମଣି କଲିତା, ଶବନମ ଶକିଲ, ଅକ୍ଷିତା ଭଗତ।
ଟେଷ୍ଟ: ୟସ୍ତିକା ଭାଟିଆ (ଅଧିନାୟିକା/ଉଇକେଟକିପର), ଅନୁଷ୍କା ଶର୍ମା (ଉପ-ଅଧିନାୟିକା), ଶୁଭା ସତୀଶ, ପ୍ରିୟା ପୁନିଆ, ତନିଷା ସିଂ, ତେଜଲ ହସବନିସ, ନିକ୍କି ପ୍ରସାଦ, ମମତା ମଦିୱାଲା (ଉଇକେଟକିପର), ସୁଶ୍ରୀ ଦିବ୍ୟଦର୍ଶିନୀ, ଶୁଚି ଉପାଧ୍ୟାୟ, ଵୈଷ୍ଣବୀ ଶର୍ମା, ସାୟଲି ସତଘରେ, ଜିନ୍ତିମଣି କଲିତା, ଶବନମ ଶକିଲ, ଅକ୍ଷିତା ଭଗତ।