ଭଞ୍ଜନଗର, ୧।୬(ବାବୁଲା ପ୍ରଧାନ)- ଗଞ୍ଜାମ ଜିଲା ଭଞ୍ଜନଗର ଥାନା ଅନ୍ତର୍ଗତ କୁଲାଡ ଟେଲିଫୋନ ଏକ୍ସଚେଞ୍ଜରୁ ଗତ ଶୁକ୍ରବାର ମୂଲ୍ୟବାନ ସବୁ ବ୍ୟାଟେରୀ ଚୋରି ହୋଇଯାଇଛି । ଏହାପୂର୍ବରୁ ଏହି ଥାନା ଅଞ୍ଚଳର ଆଉ ଦୁଇଟି ଏକ୍ସଚେଞ୍ଜରୁ ମଧ୍ୟ ବ୍ୟାଟେରୀ ଚୋରି ହୋଇଛି। ବ୍ୟାଟେରୀ ଚୋରି କରିଥିବା ଅଭିଯୁକ୍ତଙ୍କ ସମ୍ପର୍କରେ ପୋଲିସ ସୁରାକ ପାଇ ପାରୁନାହିଁ। ଅନ୍ୟପଟେ ବ୍ୟାଟେରୀ ଚୋରି ଯୋଗୁ ପାୱାର କଟ ସମୟରେ ହଜାର ହଜାର ଉପଭୋକ୍ତା ସେବା ପାଇ ନ ପାରି ଘୋର ଅସୁବିଧାର ସମ୍ମୁଖୀନ ହେଉଛନ୍ତି। ଏନେଇ ବିଭାଗୀୟ ଉଚ୍ଚ କର୍ତ୍ତୃପକ୍ଷ ତୁରନ୍ତ ଦୃଷ୍ଟି ଦେଇ ଆବଶ୍ୟକ ପଦକ୍ଷେପ ନେବା ପାଇଁ ଦାବି ହୋଇଛି। ନଚେତ୍ ଆଗାମୀ ଦିନରେ ଲୋକେ ରାଜରାସ୍ତାକୁ ଓହ୍ଲାଇବା ସମ୍ଭାବନା ରହିଛି।