ଯାଜପୁର ରୋଡ,୧୯।୪(ଡି.ଏନ.ଏ.): ମାଟି ଅପେକ୍ଷା ପାର୍ଟିକୁ ଅଧିକ ଗୁରୁତ୍ୱ ଦିଆଯାଉଛି। ବ୍ୟାସନଗର ସହରର ସର୍ବାଙ୍ଗୀନ ଉନ୍ନତି ପାଇଁ ଅଣ୍ଟା ଭିଡିଥିବା ମିଳିତ କ୍ରିୟାନୁଷ୍ଠାନ କମିଟିକୁ ସହରବାସୀଙ୍କ ସ୍ବତଃପ୍ରବୃତ ସମର୍ଥନ ରହିଥିବାବେଳେ କୌଣସି ଜନପ୍ରତିନିଧି ମୁହଁ ଖୋଲୁ ନାହାନ୍ତି। ଇତିମଧ୍ୟରେ ୫ ଦଫା ଦାବି ନେଇ ଅତିରିକ୍ତ ଜିଲାପାଳ କଳିଙ୍ଗନଗରଙ୍କ ଅଫିସ ସମ୍ମୁଖରେ ୧୪ ଦିନ ଧରି ଚାଲୁଥିବା ଧାରଣା ଓ ଧର୍ମଘଟକୁ ପ୍ରଶାସନିକ ଅଧିକାରୀ ମୁହଁ ଫେରାଇ ଦେଇଥିବାବେଳେ ଅସନ୍ତୁଷ୍ଟ ଆନ୍ଦୋଳନକାରୀ ସହରକୁ ଦିନକ ପାଇଁ ବନ୍ଦ ଘୋଷଣା କରିଛନ୍ତି। ଏହି କ୍ରମରେ ବୁଧବାର ସକାଳ ୬ ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ୧୨ ଘଣ୍ଟିଆ ବନ୍ଦ ଡାକରା ଦେବା ପରେ ଶାସକ ବିଜେଡି ସହ ବିରୋଧିଙ୍କ ଆସ୍ଥାଭାଜନ ଉପରେ ପ୍ରଶ୍ନବାଚୀ ସୃଷ୍ଟି କରିଛି।
ବ୍ୟାସନଗରର ସର୍ବାଙ୍ଗୀନ ଉନ୍ନତି ପାଇଁ ଡିଣ୍ଡିମ ପିଟୁଥିବା ଅଧିକାଂଶ ନିର୍ବାଚିତ ଜନ ପ୍ରତିନିଧିଙ୍କ ଦେଖାନାହିଁ। ଖୋଦ ବିଧାୟକ ସହରରେ ବିଭିନ୍ନ କାର୍ଯ୍ୟକ୍ରମରେ ବାରମ୍ବାର ଉପସ୍ଥିତ ରହୁଥିଲେ ମଧ୍ୟ ଧାରଣାସ୍ଥଳରେ ପହଞ୍ଚି ଦାବି ସମ୍ପର୍କରେ ଆଲୋଚନା କରିବା ପାଇଁ ତାଙ୍କୁ ସମୟ ନାହିଁ । ଏତାଦୃଶ ଆଚରଣକୁ ସାଧାରଣରେ ନାପସନ୍ଦ କରାଯାଉ ଥିବାର ଦେଖିବାକୁ ମିଳୁଛି । ମଙ୍ଗଳବାର ଧାରଣାସ୍ଥଳରେ ପହଞ୍ଚି ନବ ଉତ୍କଳ ମହିଳା ସମିତି, ବ୍ୟାସ ପ୍ରିଣ୍ଟ ମିଡିଆ ଆସୋସିଏଶନ୍, କ୍ରୀଡ଼ା ଭାରତୀ, ସର୍ବ ଭାରତୀୟ ମେଡିକାଲ ଆସୋସିଏଶନ୍, ମାଲଗୋଦାମ ଲୋକାଲ ଟ୍ରକ ଆସୋସିଏଶନ୍, ଅଟୋ ଆସୋସିଏଶନ୍, ଡିଡି ମାର୍କେଟ କମ୍ପ୍ଲେକ୍ସ, ସବ୍ରେଜିଷ୍ଟ୍ରାର ଡୋଲିପୁର ଦଲିଲ ଲେଖକ ସଂଘ ଓ ବ୍ୟାସନଗର ସ୍ବର୍ଣ୍ଣାକାର ସଂଘର କର୍ମକର୍ତ୍ତାମାନେ ୫ ଦଫା ଦାବି ଓ ବନ୍ଦକୁ ପୂର୍ଣ୍ଣ ସମର୍ଥନ ଜଣାଇଛନ୍ତି ବୋଲି ବ୍ୟାସନଗର ନାଗରିକ କମିଟିର ସାଧାରଣ ସମ୍ପାଦକ ଓ ଆବାହକ ଦୁର୍ଯ୍ୟୋଧନ ରାଉତ ପ୍ରକାଶ କରିଛନ୍ତି। ଧାରଣାରେ ଆବାହକ ତଥା ଶ୍ରମିକ ନେତା ବିଦ୍ୟାଧର ମହାନ୍ତି, ହେମନ୍ତ କିଶୋର ସାହୁ, ଦୁଷ୍ମନ୍ତ କୁମାର ନାୟକ, ରାଜେନ୍ଦ୍ର କୁମାର ବିଶ୍ୱାଳ, ହୃଦାନନ୍ଦ ସାମଲ, ବରିଷ୍ଠ ଖବରଦାତା ହାରାଧନ ବାନାର୍ଜୀ, ବାବୁରାମ ଜେନା, ଚିନ୍ତାମଣି ପାଢୀ, ବିଜୟ କୁମାର ସାହୁ, ଉମାକାନ୍ତ ରାଉତ, ଆଡଭୋକେଟ ଚନ୍ଦ୍ରଶେଖର ପଣ୍ଡା, ଦାମୋଦର ପଣ୍ଡା, ସନ୍ତୋଷ କୁମାର ବରାଳ, ଅଭିମନ୍ୟୁ ରାଉତ, ପଦ୍ମଲୋଚନ ମହାନ୍ତି, ଜିତେନ୍ଦ୍ର କୁମାର ରାଉତ, ସନାତନ ମଲ୍ଲିକ, ଗଗନ ବିହାରୀ ସିଂ, ବିଶ୍ୱନାଥ ସାହୁ, ଅଭିରାମ ସାହୁ, ମଧୁସୂଦନ ସାମନ୍ତରାୟ , ଦୁର୍ଗା ଚରଣ ପ୍ରତିହାରୀ, ଅଶୋକ ବୋଷ, ଅଶ୍ୱିନୀ ଦାସ, ସୁବାସ ଚନ୍ଦ୍ର ମିଶ୍ର, ହେମନ୍ତ ଧୀର, କେଦାରନାଥ ସାହୁ, ଅମୂଲ୍ୟ ତ୍ରିପାଠୀ, ଅଶ୍ୱିନୀ କୁମାର ମହାନ୍ତି, ପ୍ରଫୁଲ୍ଲ ଚନ୍ଦ୍ର ଦାସ, ଦିନେଶ ମସକରା, ନିରଞ୍ଜନ ବିଶ୍ୱାଳ, ବିଶ୍ୱଜିତ ମହାନ୍ତି, ସୁଦର୍ଶନ ତରାଇ, ନିରଞ୍ଜନ ଘଡାଇ, ମହିଳା ସଙ୍ଗଠିକା ଜୟନ୍ତୀ ଜେନା, ଗୌରୀ ସାହୁ, ଗୀତାଞ୍ଜଳୀ ନାୟକ, ରୀନା ତ୍ରିିପାଠୀ, ପ୍ରଫୁଲ୍ଲ କୁମାର ନାୟକ, ପବିତ୍ର ରଞ୍ଜନ ମହାନ୍ତି, ଜ୍ଞାନରଞ୍ଜନ ରାଉତ, ନରେଶ ମସକରା, ବିନୋଦ ବିହାରୀ ସାମଲ, ରଘୁନାଥ ବେହେରା, ଅର୍ଜ୍ଜୁନ କୁମାର ରାଉତ, ରାଜେନ୍ଦ୍ର ସାମଲ, ଗୋପାଳ ଚରଣ ସାହୁ, ହୃଷିକେଶ ସାହୁ, ପ୍ରସନ୍ନ ସାମଲ, ସଦାଶିବ ଦାଶ, ବିବେକାନନ୍ଦ ମହାନ୍ତି, ପଦ୍ମନାଭ ସ୍ବାଇଁ, ଭାଗିରଥୀ ଆଚାର୍ଯ୍ୟ, ଦେବେନ୍ଦ୍ରନାଥ ପାଣିଗ୍ରାହୀ , ନରେନ୍ଦ୍ର ଜେନା, ସମୀର କୁମାର ପରିଡା, ପ୍ରତାପ କୁମାର ବଳ, ବ୍ରଜେଶ୍ୱରୀ ସିଂ, ସୁଧାନିଧି ମହାପାତ୍ର, ବିଶ୍ୱଜିତ ଦାସ, ଅଜୟ କୁମାର ସାହୁ, କ୍ଷିରୋଦ କୁମାର ମଲ୍ଲିକ ଓ ଅଭିରାମ ସାହୁ ପ୍ରମୁଖ ଉପସ୍ଥିତ ରହି ଆନ୍ଦୋଳକୁ ସମର୍ଥନ କରିଥିଲେ।
୧୪ ଜଣଙ୍କ ନାମରେ ମାମଲା
ବ୍ୟାସନଗର ସହରର ୫ ଦଫା ସମ୍ବଳିତ ଦାବି ନେଇ ସୋମବାର ବନ୍ଦ ଡାକରାକୁ ଭଣ୍ଡୁର କରିବା ଉଦ୍ଦେଶ୍ୟରେ ୧୪ ଜଣ ଆନ୍ଦୋଳନକାରୀଙ୍କ ନାମରେ ଭାରତୀୟ ଦଣ୍ଡବିଧି ଆଇନର ୧୦୭ ଧାରାରେ ମାମଲା ରୁଜୁ ହୋଇଛି। ଯାଜପୁର ରୋଡ ଏକ୍ଜିକ୍ୟୁଟିଭ ମାଜିଷ୍ଟ୍ରେଟ ବନ୍ଦ ପାଳନ ସମୟରେ ଶାନ୍ତି ଭଙ୍ଗ ସମ୍ଭାବନା ଥିବାରୁ ବୁଧବାର ପୂର୍ବାହ୍ନ ୮ଟା ସମୟରେ ଉପସ୍ଥିତ ରହି କାରଣ ଦର୍ଶାଇବା ସହ ୧ ବର୍ଷ ପର୍ଯ୍ୟନ୍ତ ସ୍ଥାନୀୟ ଅଞ୍ଚଳରେ ଶାନ୍ତିଶୃଙ୍ଖଳା ରକ୍ଷା ପାଇଁ ୫ ହଜାର ଟଙ୍କାର ବଣ୍ଡ ଦେବାକୁ ନୋଟିସ ଜାରି କରିଛନ୍ତି ା ଯାଜପୁର ରୋଡ ବନ୍ଦ ପାଳନ ସମୟରେ ବିପୁଳ ସଂଖ୍ୟାରେ ଲୋକ ଏକତ୍ରିତ ହେବାର ଥିବାରୁ ଏଭଳି ପଦକ୍ଷେପ ନିଆଯାଇଥିବା ନୋଟିସରେ ଦର୍ଶାଯାଇଛି। ଏଥିରେ ବ୍ୟାସନଗର ନାଗରିକ କମିଟି ଏବଂ ମିଳିତ କ୍ରିୟାନୁଷ୍ଠାନ କମିଟିର ଦୂର୍ଯ୍ୟୋଧନ ରାଉତ, ବିଦ୍ୟାଧର ମହାନ୍ତି, ବିବେକାନନ୍ଦ ମହାନ୍ତି, ସଦାଶିବ ଦାସ, ହେମନ୍ତ କୁମାର ସାହୁ, ରାଜେନ୍ଦ୍ର କୁମାର ବିଶ୍ୱାଳ, ଦୁଷ୍ମନ୍ତ କୁମାର ନାୟକ, ଚନ୍ଦ୍ରମଣି ସାମଲ, ଚନ୍ଦ୍ରଶେଖର ପଣ୍ଡା, ହୃଦାନନ୍ଦ ସାମଲ, ପ୍ରଫୁଲ୍ଲ କୁମାର ନାୟକ, ଚିନ୍ତାମଣି ପାଢୀ, ହୃଷିକେଶ ସାହୁ ଓ ତୀର୍ଥବାସ ଭୂୟାଁଙ୍କ ନାମ ରହିଛି। ତେବେ ଶାନ୍ତିପୂର୍ଣ୍ଣ ବନ୍ଦ ଡାକରା ଦିଆଯାଇଥିବାବେଳେ ପ୍ରଶାସନର ଏତାଦୃଶ ପଦକ୍ଷେପକୁ ନିନ୍ଦା କରିବା ସହ ନିଆଁରେ ଘିଅ ଢଳାଯାଉଛି ବୋଲି ଚନ୍ଦ୍ରଶେଖର ପଣ୍ଡା ପ୍ରକାଶ କରିଛନ୍ତି।
