ଅଟଓ୍ବା/କଲମ୍ବୋ,୧୦।୧ : ନାଗରିକ ବିବାଦର ମାନବିକ ଅଧିକାରର ଉଲ୍ଲଂଘନ ପାଇଁ ପୂର୍ବତନ ରାଷ୍ଟ୍ରପତି ଗୋଟାବାୟା ରାଜପକ୍ଷେ ଏବଂ ମହିନ୍ଦା ରାଜପକ୍ଷେ, ସେମାନଙ୍କ କର୍ମଚାରୀ ସୁନୀଲ ରତ୍ନାୟକେ ଏବଂ ଲ୍ୟୁଟନାଟ କମାଣ୍ଡର ଚନ୍ଦନା ପି ହେଟିଆରିଚିଥେଙ୍କ ସମେତ କାନାଡା ସରକାର ଶ୍ରୀଲଙ୍କାର ଚାରିଜଣ ଅଧିକାରୀଙ୍କ ବିରୋଧରେ ପ୍ରତିବନ୍ଧକ ଲଗାଇଛନ୍ତି।
୧୯୮୩ ରୁ ୨୦୦୯ ପର୍ଯ୍ୟନ୍ତ ଚାଲିଥିବା ଶ୍ରୀଲଙ୍କା ଯୁଦ୍ଧ ସମୟରେ ଯେଉଁମାନେ ମାନବିକ ଅଧିକାରର ଉଲ୍ଲଂଘନ କରିଥିଲେ ସେମାନଙ୍କ ବିରୋଧରେ କାନାଡା କଟକଣା ଲାଗୁ କରିଛି ବୋଲି ବୈଦେଶିକ ମନ୍ତ୍ରଣାଳୟ ବିଜ୍ଞପ୍ତିରେ କୁହାଯାଇଛି।
ଶ୍ରୀଲଙ୍କା ସ୍ବତନ୍ତ୍ର ଅର୍ଥନୈତିକ ପଦକ୍ଷେପ ନିୟମାବଳୀରେ କୁହାଯାଇଛି ଯେ ତାଲିକାଭୁକ୍ତ ବ୍ୟକ୍ତିଙ୍କୁ କାନାଡା ଭିତରେ ଏବଂ ବାହାରେ ସମ୍ପତ୍ତି ସମ୍ବନ୍ଧୀୟ କୌଣସି କାର୍ଯ୍ୟରେ ଲିପ୍ତ ରହିବାକୁ କିମ୍ବା ସେମାନଙ୍କୁ ଆର୍ଥିକ କିମ୍ବା ଆନୁଷଙ୍ଗିକ ସେବା ଯୋଗାଇବାକୁ ବାରଣ କରାଯାଇଛି। ନିୟମାବଳୀ ସୂଚୀରେ ତାଲିକାଭୁକ୍ତ ବ୍ୟକ୍ତିମାନେ ଇମିଗ୍ରେଶନ ଏବଂ ଶରଣାର୍ଥୀ ସୁରକ୍ଷା ଆଇନ ଅନୁଯାୟୀ କାନାଡା ପାଇଁ ଗ୍ରହଣୀୟ ନୁହେଁ ବୋଲି ବିବେଚନା କରାଯାଇଛି।