ନୂଆଦିଲ୍ଲୀ,୨୦।୧୦: ପ୍ରତ୍ୟେକ ଭାରତୀୟଙ୍କ ନିକଟରେ ଦେଶର ବ୍ୟାଙ୍କ ସେବାକୁ ଠିକ୍ ଭାବେ ପହଞ୍ଚତ୍ାଇବା ସରକାର ଓ ଉଭୟ ସରକାରୀ ଓ ଘରୋଇ ବ୍ୟାଙ୍କର ଦାୟିତ୍ୱ ବୋଲି କୁହାଯାଇଛି। ହେଲେ ଦୀର୍ଘ ବର୍ଷ ହେବ ଭାରତର ଶେଷ ଭାଗରେ ରହୁଥିବା ଲୋକ ନିକଟରେ ପହଞ୍ଚତ୍ବା ତ ଦୂରର କଥା, ଦେଶର ପ୍ରତି ପଞ୍ଚାୟତରେ ମଧ୍ୟ ବର୍ତ୍ତମାନ ସୁଦ୍ଧା ବ୍ୟାଙ୍କ ସେବା ପହଞ୍ଚତ୍ପାରିନାହିଁ। ଏପରିକି ଦେଶର ଯେଉଁ ସ୍ଥାନରେ ବି ବ୍ୟାଙ୍କ ରହିଛି, ସେଠାକାର ଗ୍ରାହକଙ୍କୁ ମଧ୍ୟ ଉପଯୁକ୍ତ ବ୍ୟାଙ୍କିଙ୍ଗ୍ ସେବା ଉଭୟ ସରକାରୀ ଓ ଘରୋଇ ବ୍ୟାଙ୍କ ଠିକ୍ ଭାବେ ଦେଉ ନାହାନ୍ତି। କାରଣ ଆଜି ବି ବ୍ୟାଙ୍କିଙ୍ଗ୍ ବ୍ୟବସ୍ଥାର ସରଳତା ହୋଇପାରିନାହିଁ। ଫଳରେ ବ୍ୟାଙ୍କିଙ୍ଗ୍ ସେବା ସାଙ୍ଗକୁ କାରବାର ମଧ୍ୟ ସେହି ଅନୁଯାୟୀ ବା ଧାର୍ଯ୍ୟ ପୂରଣ ହୋଇପାରୁନାହିଁ ବୋଲି ବିଭିନ୍ନ ସ୍ତରରେ ଚର୍ଚ୍ଚା ଓ ଆଲୋଚନା ହେଉଛି। ବିଶେଷକରି ସବୁ ବର୍ଗର ଗ୍ରାହକଙ୍କୁ ବ୍ୟାଙ୍କ ଠିକ୍ ଭାବେ ଋଣ ପ୍ରଦାନ କରୁନାହାନ୍ତି କିମ୍ବା ଋଣ ଦେବାକୁ ବ୍ୟାଙ୍କଗୁଡିକ ଆଗ୍ରହ ଦେଖାଉ ନାହାନ୍ତି।
ଫଳରେ ଉଭୟ ଗ୍ରାହକ ଓ ବ୍ୟାଙ୍କିଙ୍ଗ୍ କାରବାର ମଧ୍ୟରେ ଏକ ସମାନତା ରହୁନାହିଁ ବୋଲି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରାମନ ଏକ କାର୍ଯ୍ୟକ୍ରମରେ ଯୋଗଦେଇ ମତପ୍ରକାଶ କରିଛନ୍ତି। ସେହିଭଳି ମନ୍ତ୍ରୀ ଦେଶର ବ୍ୟାଙ୍କିଙ୍ଗ୍ ବ୍ୟବସ୍ଥାରେ ସୁଧାର ଆଣିବା ପାଇଁ ମଧ୍ୟ ବ୍ୟାଙ୍କିଙ୍ଗ୍ ସେବା ପ୍ରଦାନ କରୁଥିବା ଉଭୟ ସରକାରୀ ଓ ଘରୋଇ ବ୍ୟାଙ୍କଗୁଡ଼ିକୁ ମଧ୍ୟ ଗ୍ରାହକ କୈନ୍ଦ୍ରିକ ସେବା ଯୋଗାଇବା ସହ ଗ୍ରାହକଙ୍କ ଆବଶ୍ୟକତା ଓ ଋଣ ମଞ୍ଜୁରକୁ ଗୁରୁତ୍ୱ ଦେବାକୁ ବ୍ୟାଙ୍କିଙ୍ଗ୍ ସଂସ୍ଥାଗୁଡିକୁ ମଧ୍ୟ ନିର୍ଦ୍ଦେଶ ଦେଇଛନ୍ତି।
ସେହିପରି ଅର୍ଥମନ୍ତ୍ରୀ ଗ୍ରାହକଙ୍କ ସୁବିଧା ପାଇଁ ବ୍ୟାଙ୍କଗୁଡ଼ିକୁ ବ୍ୟାଙ୍କିଙ୍ଗ୍ ବ୍ୟବସ୍ଥାରେ ସୁଧାର ଓ ସରଳତା ଆଣିବାକୁ ମଧ୍ୟ ଅର୍ଥମନ୍ତ୍ରୀ ଆଦେଶ ଦେଇଛନ୍ତି। ଏପରିକି ଅର୍ଥମନ୍ତ୍ରୀ କହିଛନ୍ତି, ବ୍ୟାଙ୍କିଙ୍ଗ୍ କ୍ଷେତ୍ରଗୁଡିକ ଏମିତି ବ୍ୟବସ୍ଥା ଏବଂ ପ୍ରକ୍ରିୟା କରନ୍ତୁ ଯଦ୍ଦ୍ବାରା ଗ୍ରାହକ ବ୍ୟାଙ୍କ ସହ ଅଧିକରୁ ଅଧିକ ଯୋଡ଼ିହେବେ। ବିଶେଷକରି ବ୍ୟାଙ୍କ ଗ୍ରାହକଙ୍କ ସୁବିଧା ଉପରେ ଅଧିକ ଧ୍ୟାନଦେବାର ଆବଶ୍ୟକତା ରହିଛି। ଯେପରି ଗ୍ରାହକଙ୍କୁ ସହଜରେ ବ୍ୟାଙ୍କିଙ୍ଗ୍ ସେବା ଓ ମୁଖ୍ୟତଃ ସହଜରେ ଋଣ ମିଳିପାରିବ। ଅର୍ଥମନ୍ତ୍ରୀ ବ୍ୟାଙ୍କଗୁଡ଼ିକୁ ଏଭଳି କିଛି ପରାମର୍ଶ ଦେଇ କହିଛନ୍ତି, ଗ୍ରାହକଙ୍କୁ ଋଣ ଦେବାର ମାନକୁ ଉତ୍କୃଷ୍ଟ ରଖିବା ଦରକାର। ଏହାଦ୍ବାରା ଉଭୟ ବ୍ୟାଙ୍କ ଓ ଗ୍ରାହକ ଉପକୃତ ହୋଇପାରିବେ।
