ଅଜମେର,୧୬।୩: ରାଜସ୍ଥାନର ଅଜମେରରୁ ଏକ ବଡ଼ ଖବର ସାମ୍ନାକୁ ଆସିଛି। ଗୁରୁବାର ବାନ୍ଦ୍ରା ଅରାଭଲୀ ଏକ୍ସପ୍ରେସ୍ ଅଜମେରର ନିକଟସ୍ଥ ଏକ ରେଲଓ୍ବେ ଟ୍ରାକ୍ରୁ ଓହ୍ଲାଇପଡ଼ିଛି। ଟ୍ରେନ୍ର ଡି-୪ କୋଚ୍ ଟ୍ରାକ୍ରୁ ତଳକୁ ଓହ୍ଲାଇଯାଇଥିଲା। ଏହାପରେ ଟ୍ରେନ୍ ଚଳାଚଳରେ ବିଳମ୍ବ ହେବାରୁ ଯାତ୍ରୀମାନେ ଭୟଭୀତ ହୋଇପଡ଼ିଥିଲେ। ତେବେ ଏହି ଦୁର୍ଘଟଣାରେ କୌଣସି ହତାହତ ନେଇ ସୂଚନା ମିଳିନାହିଁ। ଟ୍ରେନ୍ ସମ୍ମୁଖରେ ଏକ ଗାଈ ଆସିଯିବାରୁ ଏହି ଦୁର୍ଘଟଣା ଘଟିଛି ବୋଲି ଜଣାପଡ଼ିଛି। ଏହି ଦୁର୍ଘଟଣା ପରେ ଅଜମେର ରେଲଓ୍ବ ପକ୍ଷରୁ ଏକ ହେଲ୍ପଲାଇନ୍ ଜାରି କରାଯାଇଛି। ହେଲ୍ପଲାଇନ୍ ନମ୍ବର ହେଉଛି-୦୧୪୫-୨୪୨୯୬୪୯। ଅନ୍ୟପଟେ ଘଟଣାସ୍ଥଳରେ ରେଲଓ୍ବେ ଅଧିକାରୀ ଏବଂ ଆରପିଏଫ୍ ପୋଲିସ ପହଞ୍ଚି ତଦନ୍ତ କରିବା ସହ ଏବେ ବି ଉଦ୍ଧାର କାର୍ଯ୍ୟ ଜାରି ରହିଛି।
